4 જુનથી વેસ્ટ ઈન્ડીઝ અને અમેરિકામાં રમાનારા T20 વર્લ્ડ કપ માટે ટીમો જાહેર થવા લાગી છે. સૌથી પહેલા ન્યૂઝીલેન્ડે તેની ટીમ જાહેર કરી છે પરંતુ ટીમ જાહેર કરવામાં ન્યૂઝીલેન્ડે એક અનોખી પહેલ કરી. હકીકતમાં સિલેક્ટર્સ કે બોર્ડ દ્વારા ટીમનું એલાન થતું હોય છે પરંતુ ન્યૂઝીલેન્ડ ક્રિકેટ બોર્ડે અનોખું કરવાનું વિચાર્યું અને બે બાળકોને હાથે ટીમ જાહેર કરાવી. કીવિ બોર્ડે માટિલ્ડા અને એંગસ નામના બે બાળકોને ટીમની જાહેરાત માટે બોલાવ્યાં અને તેમણે બન્નેએ 15 સભ્યોની ટીમની જાહેરાત કરી હતી.
વધુ વાંચો : VIDEO: ગરમીએ કિંગ ખાનનો પરસેવો છોડાવી દીધો, મેચ વચ્ચે શાહરુખ ખાન હેરાન પરેશાન
કેન વિલિયમસન કેપ્ટન
કીવિ બોર્ડે કેન વિલિયમસનને કેપ્ટન બનાવ્યો છે. ન્યુઝીલેન્ડની ટીમ 3 દિવસ પહેલા જ જાહેર કરવામાં આવી છે. આ ટીમમાં રચિન રવિન્દ્રનો સમાવેશ કરવામાં આવ્યો છે. ગયા વર્ષના વનડે વર્લ્ડ કપમાં રવિન્દ્ર હીરો તરીકે ઉભરી આવ્યો હતો. ટ્રેન્ટ બોલ્ટનો પણ ટીમમાં સમાવેશ કરવામાં આવ્યો છે. કિવી ટીમમાં 15 મજબૂત નામ સામેલ કરવામાં આવ્યા છે. સિનિયર ખેલાડીઓ હાલમાં IPLમાં વ્યસ્ત છે પરંતુ યુવા ટીમે તાજેતરમાં પાંચ મેચની T20 શ્રેણી રમવા માટે પાકિસ્તાનનો પ્રવાસ કર્યો હતો. ત્યાં કિવી ટીમ શ્રેણી 2-2થી બરાબર કરવામાં સફળ રહી હતી. ટી20 વર્લ્ડ કપમાં ન્યુઝીલેન્ડની નજર રહેશે.
4 જુનથી વેસ્ટ ઈન્ડીઝ અને અમેરિકામાં
ઉલ્લેખનીય છે કે ટી 20 વર્લ્ડ કપ 4 જુનથી વેસ્ટ ઈન્ડીઝ અને અમેરિકામાં રમાવાનો છે. T20 વર્લ્ડ કપ માટે ટીમોની જાહેરાત કરવાનો છેલ્લો દિવસ 1 મે નક્કી કરવામાં આવ્યો છે.
ન્યુઝીલેન્ડની ટીમ
કેન વિલિયમસન (કેપ્ટન), ફિન એલન, ટ્રેન્ટ બોલ્ટ, માઈકલ બ્રેસવેલ, માર્ક ચેપમેન, ડેવોન કોનવે, લોકી ફર્ગ્યુસન, મેટ હેનરી, ડેરીલ મિશેલ, જિમી નીશમ, ગ્લેન ફિલિપ્સ, રચિન રવિન્દ્ર, મિશેલ સેન્ટનર, ઈશ સોઢી, ટિમ સાઉથી
