IPL 2024ની 46મી મેચમાં રવિવારે સનરાઈઝર્સ હૈદરાબાદ સામે CSK ટીમનો 78 રનથી વિજય થયો હતો. વર્તમાન IPL સિઝનમાં CSKની આ પાંચમી જીત હતી. આ મેચ જોવા માટે સાક્ષી ધોની પણ ચેન્નાઈના એમએ ચિદમ્બરમ સ્ટેડિયમ પહોંચી હતી, જેણે મેચ દરમિયાન તેના ઈન્સ્ટાગ્રામ એકાઉન્ટ પર એક સ્ટોરી પોસ્ટ કરી હતી, જે હવે વાયરલ થઈ રહી છે.
IPL 2024 ની 46મી મેચમાં ચેન્નાઈ સુપર કિંગ્સ ટીમે સનરાઈઝર્સ હૈદરાબાદને 78 રનથી હરાવ્યું અને વર્તમાન સિઝનમાં તેની પાંચમી જીત નોંધાવી. આ મેચ ચેન્નાઈના એમએ ચિદમ્બરમ સ્ટેડિયમમાં રમાઈ હતી. જેમાં સીએસકેની ટીમે પ્રથમ બેટિંગ કરતા નિર્ધારિત 20 ઓવરમાં 212 રન બનાવ્યા હતા.
જવાબમાં સનરાઈઝર્સ હૈદરાબાદ 134 રન બનાવીને ઓલઆઉટ થઈ ગયું અને CSKએ મેચ જીતી લીધી. આ મેચ જોવા માટે એમએસ ધોનીની પત્ની સાક્ષી ધોની સ્ટેડિયમમાં આવી હતી. જેણે મેચ દરમિયાન પોતાના ઈન્સ્ટાગ્રામ એકાઉન્ટ પર એક સ્ટોરી શેર કરીને બધાનું ધ્યાન ખેંચ્યું હતું.
સાક્ષીએ તસવીર શેર કરી
વાસ્તવમાં સાક્ષી ધોનીએ મેચની તસવીર શેર કરતા લખ્યું કે, CSK કૃપા કરીને આજે મેચ ઝડપથી પૂરી કરો. બાળક આવવાનું છે. આ મારી ભાવિ ફઇની વિનંતી છે. જો કે CSK ટીમે સાક્ષી ધોનીની માંગ માની લીધી અને મેચ 7 બોલ પહેલા જ ખતમ થઈ ગઈ. સાક્ષીએ સ્ટોરીમાં આ કેપ્શન શા માટે લખ્યું છે તે હજુ સુધી જાણી શકાયું નથી, પરંતુ તેની સ્ટોરી ખૂબ વાયરલ થઈ રહી છે.
IPL 2024 ના પોઈન્ટ ટેબલમાં ત્રીજા સ્થાને હાજર
જો આપણે CSK vs સનરાઈઝર્સ હૈદરાબાદ વચ્ચે રમાયેલી રોમાંચક મેચ વિશે વાત કરીએ, તો રુતુરાજ ગાયકવાડે CSK માટે 98 રનની શાનદાર ઈનિંગ રમી હતી. તેની ઇનિંગમાં 10 ચોગ્ગા અને 3 છગ્ગાનો સમાવેશ થાય છે. આ દરમિયાન તેનો સ્ટ્રાઈક રેટ 180 હતો. ડેરીલે 52 રનની ઇનિંગ રમી હતી અને શિવમ દુબેએ અણનમ 39 રન અને એમએસ ધોનીએ 2 બોલનો સામનો કરીને અણનમ 5 રન બનાવ્યા હતા. જવાબમાં સનરાઈઝર્સ હૈદરાબાદની ટીમ 18.5 ઓવરમાં 134 રન બનાવીને ઓલઆઉટ થઈ ગઈ હતી.
વધુ વાંચો : CSK vs SRH: T20 ક્રિકેટમાં યેલો આર્મીનો વિક્રમ: તોડ્યો સમરસેટનો વર્લ્ડ રેકોર્ડ, બની પહેલી ટીમ
IPL 2024ના પોઈન્ટ ટેબલમાં ચેન્નાઈ સુપર કિંગ્સની ટીમે અત્યાર સુધી 9 મેચમાંથી પાંચમાં જીત મેળવી છે, જ્યારે ચાર મેચમાં તેને હારનો સામનો કરવો પડ્યો છે. CSK ટીમ IPL 2024ના પોઈન્ટ ટેબલમાં 10 પોઈન્ટ સાથે ત્રીજા સ્થાને છે.
