IPL 2024 News : IPL 2024માં ચેન્નાઈ સુપર કિંગ્સ અને સનરાઈઝર્સ હૈદરાબાદ વચ્ચે રમાયેલી મેચમાં MS ધોની બેટિંગ કરવા આવ્યો હતો. ધોની અણનમ રહ્યો અને તેણે 2 બોલમાં 5 રન બનાવ્યા. ધોનીને મેદાન પર આવતા જોઈને ચાહકોને લાગ્યું કે તેમના પૈસા વસૂલ થઈ ગયા છે. હવે ધોનીએ હૈદરાબાદ સામેની મેચ દ્વારા એક મોટી સિદ્ધિ મેળવી છે. ઈતિહાસ રચીને તેણે IPLનો તે રેકોર્ડ પોતાના નામે કરી લીધો છે જ્યાં રોહિત શર્મા અને વિરાટ કોહલી પણ પહોંચી શક્યા નથી.
વાત જાણ એમ છે કે, ધોની IPL ઈતિહાસમાં 150 જીતનો ભાગ બનનાર પ્રથમ ખેલાડી બન્યો. રોહિત શર્મા અને વિરાટ કોહલી જેવા દિગ્ગજ ખેલાડીઓ પણ અત્યાર સુધી આ આંકડાને સ્પર્શી શક્યા નથી. હૈદરાબાદ સામેની મેચમાં ધોની એક ખેલાડી તરીકે 150મી IPL જીતનો ભાગ બન્યો હતો. આ સમયગાળા દરમિયાન ધોનીએ ચેન્નાઈ સુપર કિંગ્સ માટે 135 જીત અને રાઇઝિંગ પુણે સુપર જાયન્ટ માટે 15 જીતનો ભાગ હતો. ચેન્નાઈની ટીમ પર 2016 અને 2017 દરમિયાન પ્રતિબંધ મૂકવામાં આવ્યો હતો જેના કારણે ધોની સાઈઝિંગ પુણે સુપર જાયન્ટનો ભાગ બન્યો હતો.
IPL 2024માં ધોની અત્યાર સુધી અજેય
તમને જણાવી દઈએ કે, એમએસ ધોની IPL 2024માં અત્યાર સુધી અજેય છે. કોઈ બોલર તેની વિકેટ લઈ શક્યો નહોતો. માહીએ અત્યાર સુધી સાત ઇનિંગ્સમાં બેટિંગ કરી છે, જેમાં તેણે 259.46ના સ્ટ્રાઇક રેટથી 96 રન બનાવ્યા છે. આ સમયગાળા દરમિયાન તેની સરેરાશ અનંત રહી છે કારણ કે તે એક વખત પણ આઉટ થયો નથી. ધોનીનો ઉચ્ચ સ્કોર 16 બોલમાં 36* રન હતો, જે તેણે આ સિઝનમાં પ્રથમ વખત બેટિંગ કરતી વખતે દિલ્હી કેપિટલ્સ સામે બનાવ્યો હતો. હવે તે જોવાનું રસપ્રદ રહેશે કે શું તેને બાકીની મેચોમાં કોઈ આઉટ કરી શકે છે કે પછી તે આખી સિઝનમાં અજેય રહે છે.
વધુ વાંચો : CSK vs SRH: T20 ક્રિકેટમાં યેલો આર્મીનો વિક્રમ: તોડ્યો સમરસેટનો વર્લ્ડ રેકોર્ડ, બની પહેલી ટીમ
સૌથી વધુ IPL મેચો જીતનાર ખેલાડીઓ
- એમએસ ધોની- 150 જીત્યો
- રવિન્દ્ર જાડેજા- 133 જીત્યો
- રોહિત શર્મા- 133 જીત્યો
- દિનેશ કાર્તિક- 125 જીત્યો
- સુરેશ રૈના- 125 જીત
