ગરમીના હવામાનમાં પાવર સેક્ટરના શેરોની ચમક વધી રહી છે. એ જ માહોલમાં ટાટાની કંપની ટાટા પાવરના શેરોમાં પણ તોફાની તેજી છે. સપ્તાહના પહેલા કારોબારી દિવસ એટલે કે સોમવારે આ શેર 3 ટકા સુધી વધીને 451.50 રૂપિયાના સ્તર પર પહોંચ્યો. જે આ શેરની છેલ્લા 12 મહિનાની ઉચ્ચતમ સપાટી છે. એક્સપર્ટને આશા છે કે આ શેર હજુ વધુ આગળ વધશે કેટલાક એક્સપર્ટે આ શેરના ભાવ ₹460 થી ₹470 સુધી જવાની આશા દર્શાવી છે.
મજબૂત ત્રિમાસિક પરિણામોની અપેક્ષા
નિષ્ણાતોના મતે ટાટા પાવર આગામી 2 થી 3 ત્રિમાસિક ગાળામાં મજબૂત ત્રિમાસિક આંકડા પોસ્ટ કરે તેવી અપેક્ષા છે. પ્રોફિટમાર્ટ સિક્યોરિટીઝના રિસર્ચ હેડ અવિનાશ ગોરક્ષકરે કહ્યું- ટાટા પાવરના શેર વધી રહ્યા છે કારણ કે બજાર આગામી બેથી ત્રણ ક્વાર્ટરમાં કંપની પાસેથી મજબૂત ત્રિમાસિક પરિણામોની અપેક્ષા રાખે છે. આ સાથે ઉનાળાની ઋતુમાં વીજળીની માંગમાં વધારો થવાની ધારણા છે. ટાટા પાવર અને અન્ય ઘણી પાવર ઉત્પાદક કંપનીઓને ફાયદો થઈ શકે છે.
આ પણ વાંચોઃ શેર બજારમાં 2.50 લાખ કરોડની કમાણી, 937 અંકના જમ્પ સાથે બજાર બંધ, માર્કેટ કેપે ઐતિહાસિક રચ્યો
સ્ટોપ લોસને ₹425 પર રાખવાની સલાહ
ટાટા પાવરના શેરમાં વધુ ઉછાળાની અપેક્ષા કરતાં આનંદ રાઠીના ગણેશ ડોંગરેએ કહ્યું- આ સ્ટોક સતત વધી રહ્યો છે. ચાર્ટ પેટર્ન અને સ્ટોકમાં થતા કોઈપણ ઘટાડાને રોકાણકારોએ ખરીદીની તક તરીકે જોવી જોઈએ. આનંદ રાઠી એક્સપર્ટે જણાવ્યું હતું કે ટાટા પાવરના શેરોએ ₹425 પર મજબૂત આધાર બનાવ્યો છે. તેમણે કહ્યું કે ટાટા પાવરના શેર ટૂંકા ગાળામાં ₹460 થી ₹470 સુધી જઈ શકે છે. આ માટે, ₹425 પર સ્ટોપ લોસ જાળવી રાખવાની સલાહ આપવામાં આવી હતી.
તમને જણાવી દઈએ કે આ સ્ટોક છેલ્લા એક વર્ષથી શાનદાર પ્રદર્શન આપી રહ્યો છે. ટાટાનો આ પાવર શેર લગભગ ₹200 થી વધીને ₹447 પ્રતિ શેરના સ્તરે પહોંચ્યો છે. આ રીતે, શેરધારકોને એક વર્ષમાં 120 ટકાથી વધુ વળતર મળ્યું છે.
