Lok Sabha Election 2024 : લોકસભા ચૂંટણીને લઈ રાજસ્થાનથી એક મોટી અપડેટ સામે આવી છે. વાત જાણે એમ છે કે, રાજસ્થાનમાં લોકસભા ચૂંટણી 2024 માટે તમામ બેઠકો પર મતદાન 26 એપ્રિલે સમાપ્ત થયું હતું. જોકે અહીં એક બેઠક એવી છે જ્યાં 2 મેના રોજ ફરીથી મતદાન થશે. આ અજમેર લોકસભા સીટ છે જ્યાં ચૂંટણી પંચે ફરી એકવાર મતદાન કરાવવાનો નિર્ણય લીધો છે. વાસ્તવમાં એવું કહેવામાં આવી રહ્યું છે કે, એક મોટી ગરબડને કારણે ચૂંટણી પંચે અહીં ફરીથી મતદાન કરાવવું પડ્યું છે.
રાજસ્થાનની અજમેર લોકસભા મતવિસ્તારના નંદાસી ગામમાં એક મતદાન મથક પરથી મતદાન મથક 195નું રજિસ્ટર ગુમ થઈ ગયું હોવાનું સામે આવ્યું છે. મુખ્ય ચૂંટણી અધિકારી પ્રવીણ ગુપ્તાએ જણાવ્યું કે, બીજા તબક્કાના મતદાન બાદ જ્યારે કાર્યકરો EVM એકત્રિત કરવા જઈ રહ્યા હતા ત્યારે આ બૂથ સાથે સંબંધિત કાગળો અને વસ્તુઓ ખોવાઈ ગઈ હતી. આ જ કારણ છે કે અહીં ફરીથી ચૂંટણી યોજાશે.
આ તારીખે યોજાશે પુન: મતદાન
મુખ્ય ચૂંટણી અધિકારી પ્રવીણ ગુપ્તાએ જણાવ્યું હતું કે, ચૂંટણી પંચની સૂચના મુજબ અહીં ડોબરામાંથી પુનઃ મતદાનની તૈયારીઓ કરવામાં આવી છે. આ બૂથ પર કુલ મતદારોની સંખ્યા 753 છે. હવે અહીં 2 મે (ગુરુવાર)ના રોજ સવારે 7.00 થી સાંજે 5.00 વાગ્યા સુધી મતદાન થશે. મતદાન મથક માત્ર સરકારી ઉચ્ચતર માધ્યમિક શાળા, નાંદરીના રૂમ નંબર 1 માં રહેશે.
વધુ વાંચો : શા માટે ઉજવવામાં આવે છે આંતરરાષ્ટ્રીય મજૂર દિવસ, જાણો તેની પાછળનો ખાસ હેતુ
મુખ્ય ચૂંટણી અધિકારીએ જણાવ્યું હતું કે, પ્રિસાઇડિંગ ઓફિસર દ્વારા 17-A રજિસ્ટર ખોવાઈ ગયું હતું. પ્રવીણ ગુપ્તાએ કહ્યું કે, અજમેરની રિટર્નિંગ ઓફિસે આ મામલે પોલિંગ ટીમ વિરુદ્ધ કાર્યવાહી કરી છે. નોંધનિય છે કે, રાજસ્થાનમાં લોકસભાની ચૂંટણી બે તબક્કામાં યોજાઈ હતી. પ્રથમ તબક્કામાં 12 બેઠકો પર 19 એપ્રિલે મતદાન થયું હતું, 26 એપ્રિલના રોજ 13 બેઠકો પર મતદાન પૂર્ણ થયું હતું.
