માર્કેટ / શેરબજારમાં આ શેરના સપાટા, રોકાણકારોએ 2.23 લાખ કરોડ છાપ્યા, આ કંપની ધોવાઈ

શેરબજાર આજે સપાટ સ્તરે બંધ થયું હતું. ભારતીય શેરબજારના બેન્ચમાર્ક, સેન્સેક્સ અને નિફ્ટીએ 21 મે, મંગળવારના રોજ એલર્ટ મોડમાં ટ્રેડિંગ કર્યું હતું, જેમાં મોટા ભાગના શેરો નુકસાન સહન કરી રહ્યા હતા. સેન્સેક્સ 53 પોઈન્ટ અથવા 0.07 ટકા ઘટીને 73,953.31 પર બંધ થયો હતો, જ્યારે નિફ્ટી 50 પોઈન્ટ વધીને 27 પોઈન્ટ અથવા 0.12 ટકા વધીને 22,529.05 પર બંધ થયો હતો. મિડકેપ શેરોમાં ભારે ખરીદીને કારણે MIFTIનો મિડકેપ ઇન્ડેક્સ પ્રથમ વખત 52,000નો આંકડો પાર કરવામાં સફળ રહ્યો છે. BSEનું માર્કેટ કેપ ઐતિહાસિક ઉચ્ચ સ્તરે બંધ થયું છે.

નિફ્ટી મિડકેપે ઈતિહાસ રચ્યો

આજના ટ્રેડિંગ સેશનમાં મિડકેપ શેરોના ઈન્ડેક્સ નિફ્ટી મિડકેપે ઈતિહાસ રચ્યો છે. નિફ્ટી મિડકેપ પ્રથમ વખત 52,000 ના આંકને પાર કરી બંધ થયો છે. જોકે, સ્મોલ કેપ ઇન્ડેક્સમાં ઘટાડો જોવા મળ્યો હતો. શેરબજારમાં ઘણા સેક્ટરના શેરોમાં ઉછાળાને કારણે BSE પર લિસ્ટેડ શેરોનું માર્કેટ કેપ ઐતિહાસિક ઉચ્ચ સ્તરે પહોંચી ગયું છે. BSE માર્કેટ કેપ રૂ. 414.58 લાખ કરોડ પર બંધ થયું હતું જે અગાઉના સત્રમાં રૂ. 412.35 લાખ કરોડ પર બંધ થયું હતું. મતલબ કે આજના સત્રમાં રોકાણકારોની સંપત્તિમાં રૂ. 2.23 લાખ કરોડનો ઉછાળો આવ્યો છે.

વધુ વાંચો : ગૌતમ અદાણીએ ફરીવાર 100 અરબ ડોલર ક્લબમાં સ્થાન મેળવ્યું; તો મુકેશ અંબાણી પહોંચ્યા એક સ્ટેપ નીચે, જાણો નેટવર્થ

ફાર્મા અને ઓટો શેરોમાં ઉછાળો

આજના સેશનમાં એનર્જી, મેટલ્સ, ઓઈલ એન્ડ ગેસ, કોમોડિટી, ફાર્મા અને ઓટો શેરોમાં ઉછાળો જોવા મળ્યો છે. જ્યારે IT બેન્કિંગ, FMCG સેક્ટરના શેરો ઘટાડા સાથે બંધ થયા છે. સેન્સેક્સના 30 શેરોમાંથી 13 શેર ઉછાળા સાથે અને 17 નુકસાન સાથે બંધ થયા હતા. ટાટા સ્ટીલ 3.69%, JSW સ્ટીલ 3.68%, પાવર ગ્રીડ 2.71%, ટેક મહિન્દ્રા 1.65%, NTPC 1.50%, એશિયન પેઇન્ટ્સ 1.20%, SBI 1.18%, મહિન્દ્રા એન્ડ મહિન્દ્રા, 0.74%, Titan 0.74% ટેક 0.27 ટકા, બજાજ ફાઇનાન્સ 0.20 ટકા, સન ફાર્મા 0.08 ટકા, રિલાયન્સ 0.08 ટકાના ઉછાળા સાથે બંધ થયા છે. જ્યારે નેસ્લે 1.37 ટકા, મારુતિ 1.03 ટકા, ઇન્ડસઇન્ડ બેન્ક 0.85 ટકા, ICICI બેન્ક 0.84 ટકાના ઘટાડા સાથે બંધ થયા છે.