ક્રિકેટ / IPLમાંથી સંન્યાસની અટકળો વચ્ચે MS Dhoni પર આવી મોટી અપડેટ, લંડનમાં સર્જરી બાદ લઇ શકે છે નિર્ણય

IPL 2024માં ચેન્નાઈ સુપરકિંગ્સ પ્લેઓફ માટે ક્વોલિફાય નથી કરી શકી. ટૂર્નામેન્ટમાં તેમની સફર આરસીબીનિ સામે હાર સાથે સમાપ્ત થઈ હતી. એ બાદ તાજેતરમાં માહી રાંચીમાં બાઇક રાઇડ કરતાં હોવા મળ્યો હતો પરંતુ હવે તેના લંડન જવાના સમાચારે બધાને ચોંકાવી દીધા છે.

ધોનીની નિવૃત્તિ અંગેની અટકળોએ જોર પકડ્યું

રોયલ ચેલેન્જર્સ બેંગ્લોર સામેની હાર બાદ MS ધોનીની નિવૃત્તિ અંગેની અટકળોએ જોર પકડ્યું છે. જો કે, આ દરમિયાન એવી માહિતી સામે આવી છે કે ધોની સ્નાયુમાં થયેલી ઈજાની સારવાર માટે લંડન જવાની યોજના બનાવી રહ્યો છે. અહેવાલોમાં કહેવામાં આવ્યું છે કે માહી IPL 2024 પછી લંડન જઈ શકે છે અને તેના ઘૂંટણની સર્જરી કરાવી શકે છે. જો કે ધોની કે તેની ટીમ દ્વારા હજુ સુધી આ સમાચારની પુષ્ટિ કરવામાં આવી નથી. ધોની લંડનમાં સર્જરી બાદ જ નિવૃત્તિ અંગે નિર્ણય લેશે.

ધોની સર્જરી માટે લંડન જઈ શકે છે

રિપોર્ટ્સ અનુસાર, 'ધોની તેના સ્નાયુમાં થયેલી ઈજાની સર્જરી માટે લંડન જઈ શકે છે, જેના કારણે તેને IPL દરમિયાન સંઘર્ષ કરવો પડ્યો હતો. તે સંપૂર્ણ રીતે ફિટ નથી પરંતુ ક્રિકેટ રમવાનું ચાલુ રાખવા માંગે છે અને સારવાર પછી જ તેના ભવિષ્ય વિશે નિર્ણય લેશે. ધોનીને સર્જરી બાદ સાજા થવામાં પાંચથી છ મહિનાનો સમય લાગી શકે છે.'

વધુ વાંચો: 'મારી માટે આ ચિંતાનો વિષય છે કે....', ભારતીય યુવાઓને ગૌતમ ગંભીરની ચેતવણી, જુઓ શું કહ્યું

આ આઈપીએલ સિઝનમાં ધોનીએ કેટલા રન બનાવ્યા?

માહીએ આ સિઝનમાં 8 ઇનિંગ્સમાં 53.67 ની સરેરાશ અને 220.55 ના સ્ટ્રાઇક રેટથી 161 રન બનાવ્યા. આ દરમિયાન તેના બેટમાંથી 14 ચોગ્ગા અને 13 છગ્ગા આવ્યા હતા. જેમાં તેનો સર્વશ્રેષ્ઠ સ્કોર અણનમ 37 રન હતો. ધોનીએ લીગ સ્ટેજની છેલ્લી મેચમાં આરસીબી સામે 25 રન બનાવ્યા હતા. આ દરમિયાન તેણે 110 મીટર લાંબી સિક્સ પણ ફટકારી હતી.