બ્રેકિંગ ન્યુઝ
VTV / વિશ્વ / Technology / બોરિયા બિસ્તરા બાંધ્યા! 4 જૂન બાદ કામ નહીં કરે Google Pay, યુઝર્સ જાણી લે કામની વાત
Last Updated: 08:00 PM, 20 May 2024
તમે પણ ઓનલાઈન પેમેન્ટ માટે ગૂગલ પેનો ઉપયોગ કરો છો, તો તમારા માટે ઉપયોગી સમાચાર છે. ગૂગલે Gpay ને લઈને મોટો નિર્ણય લીધો છે. ગૂગલ 4 જૂનથી દુનિયાના ઘણા દેશોમાં ગૂગલ પેની સેવા બંધ કરવા જઈ રહ્યું છે. આ પછી તમે એપ દ્વારા પેમેન્ટ કરી શકશો નહીં.
ADVERTISEMENT
ગુગલની Google Pay સેવાનો ઉપયોગ ભારત સહિત ઘણા દેશોમાં ઑનલાઇન ચુકવણી માટે થાય છે. 2022 માં Google Wallet ની રજૂઆત પછી Gpay વપરાશકર્તાઓની સંખ્યામાં ઝડપથી વધારો થયો હતો. તે ઓનલાઈન ટ્રાન્ઝેક્શન માટે યુઝર્સની પહેલી પસંદ બની ગઈ હતી. ગૂગલ 4 જૂન, 2024થી ગૂગલ પેને બંધ કરવા જઈ રહ્યું છે. આ સમાચારે ઓનલાઈન ટ્રાન્ઝેક્શન કરતા યુઝર્સના ટેન્શનમાં વધારો કર્યો છે. Gpay બંધ થશે તેવા આ સમાચાર સાચા છે. આ વાતની પુષ્ટિ ખુદ ગૂગલે કરી છે. ચાલો તમને જણાવીએ કે ગૂગલના આ નિર્ણયથી કયા દેશો પ્રભાવિત થવાના છે.
આ વપરાશકર્તાઓને અસર થશે નહીં
ADVERTISEMENT
તમને જણાવી દઈએ કે ગૂગલ તેની ગૂગલ પે સર્વિસ બંધ કરવા જઈ રહ્યું છે, પરંતુ ગૂગલના આ નિર્ણયની ભારતીય યુઝર્સ પર કોઈ અસર થવાની નથી. ગૂગલ 4 જૂન, 2024થી અમેરિકામાં ગૂગલ પેની સેવા બંધ કરવા જઈ રહ્યું છે. એટલે કે Google Pay ભારતમાંથી નહીં પરંતુ અમેરિકાથી પ્રતિબંધિત થવા જઈ રહ્યું છે.
હવે Google Pay આ દેશોમાં જ કામ કરશે
તમને જણાવી દઈએ કે 4 જૂન પછી ગૂગલ પે એપ માત્ર ભારત અને સિંગાપોરમાં જ કામ કરશે. જ્યારે અન્ય દેશોમાં તેની સેવા સંપૂર્ણપણે બંધ થઈ જશે. કંપનીના જણાવ્યા અનુસાર તમામ યુઝર્સને ગૂગલ વોલેટમાં ટ્રાન્સફર કરવામાં આવશે. આ તારીખ પછી Google Pay અમેરિકામાં સંપૂર્ણપણે નકામું થઈ જશે.
આ પણ વાંચોઃ કેનેડામાં ભારતીય વિદ્યાર્થીઓ પર લટકતી તલવાર! ઈમિગ્રેશન રૂલ્સમાં ફેરફારથી અનેકને ડિપોર્ટ કરાયા
180 દેશોમાં Google Wallet સાથે રિપ્લેસ કર્યા
તમને જણાવી દઈએ કે Google Pay સેવા બંધ થયા બાદ અમેરિકન યુઝર્સ ન તો પેમેન્ટ કરી શકશે અને ન તો મેળવી શકશે. ગૂગલે તમામ અમેરિકન યુઝર્સને ગૂગલ વોલેટ પર શિફ્ટ થવા માટે કહ્યું છે. એવું માનવામાં આવે છે કે કંપનીએ ગૂગલ વોલેટને પ્રમોટ કરવા માટે આવું પગલું ભર્યું છે. કંપનીએ તેના એક બ્લોગમાં જણાવ્યું કે લગભગ 180 દેશોમાં Gpay ને Google Wallet દ્વારા રિપ્લેસ કરી દેવાયા છે.
સંકળાયેલા મુદ્દાઓ
વધુ વાંચો
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.