રોકાણનો મોકો / 1200 રૂપિયાને આંબશે ટાટાનો આ શેર, કંપનીએ 43 હજાર કરોડનો બનાવ્યો પ્લાન, જાણો અંદરની વિગત

Tata Motors Group: ટાટા મોટર્સ ગ્રૂપે વર્તમાન નાણાકીય વર્ષ (2024-25) માટે નવી પ્રોડક્ટ્સ અને ટેક્નોલોજી પર રોકાણનો લક્ષ્યાંક વધારીને રૂ. 43,000 કરોડ કર્યો છે.

ટાટા મોટર્સ સમૂહએ વર્તમાન નાણાકીય વર્ષ (2024-25) માટે નવી પ્રોડક્ટ્સ અને ટેક્નોલોજી પર રોકાણનો લક્ષ્યાંક વધારીને રૂ. 43,000 કરોડ કર્યો છે. આ રોકાણમાં સૌથી મોટો હિસ્સો બ્રિટિશ યુનિટ જેગુઆર લેન્ડ રોવર (JLR)નો હશે. કંપનીના એક વરિષ્ઠ અધિકારીએ આ જાણકારી આપી હતી. શનિવારે સ્પેશિયલ ટ્રેડિંગ દરમિયાન કંપનીનો શેર 2% વધીને રૂ. 954 પર બંધ થયો હતો. બ્રોકરેજ ફર્મ શેરખાનના જણાવ્યા અનુસાર આગામી દિવસોમાં કંપનીના શેર રૂ.1,235 સુધી જઈ શકે છે.

શું છે જાણકારી

છેલ્લા નાણાકીય વર્ષ 2023-24માં, ટાટા મોટર્સ ગ્રૂપે JLR માટે ત્રણ અબજ પાઉન્ડ (આશરે રૂ. 30,000 કરોડ) અને ટાટા મોટર્સ માટે રૂ. 8,000 કરોડનું રોકાણ નક્કી કર્યું હતું. આ રીતે કુલ રકમ 38,000 કરોડ રૂપિયા થાય છે. ટાટા મોટર્સ ગ્રુપના ચીફ ફાયનાન્સિયલ ઓફિસર પી બી બાલાજીએ ત્રિમાસિક પરિણામો પછી જણાવ્યું હતું કે, "ગત નાણાકીય વર્ષમાં JLRનું રોકાણ 3.3 બિલિયન પાઉન્ડ (રૂ. 33,000 કરોડથી વધુ) હતું, જ્યારે ટાટા મોટર્સનું રોકાણ રૂ. 8,200 કરોડથી વધુ હતું. આમ ગયા નાણાકીય વર્ષમાં જૂથનું કુલ રોકાણ રૂ. 41,200 કરોડ હતું.

બાલાજીએ કહ્યું કે જો વર્તમાન નાણાકીય વર્ષની વાત કરીએ તો JLR માટે રોકાણ 3.5 બિલિયન પાઉન્ડ (રૂ. 35,000 કરોડ) હશે. આનું કારણ એ છે કે અમે ઘણા ઉત્પાદનો માટે યોજનાઓ લઈને આવી રહ્યા છીએ. તેમણે કહ્યું, “ટાટા મોટર્સ માટે અમારું રોકાણ રૂ. 8,000 કરોડની રેન્જમાં હશે. JLR માટે રોકાણ લગભગ છ ટકા વધશે, જ્યારે ટાટા મોટર્સ માટે તે સ્થિર રહેશે.

બાલાજીએ સ્પષ્ટતા કરી હતી કે આ તમામ રોકાણ ઉત્પાદનો અને ટેકનોલોજીમાં હશે. જગુઆર લેન્ડ રોવરના સીએફઓ રિસર્ચ મોલિનેક્સે જણાવ્યું હતું કે, “નાણાકીય વર્ષ 2025-26 એ વર્ષ છે જ્યારે અમારી નવી પ્રોડક્ટ્સ બજારમાં આવશે. ત્યાં સુધીમાં અમારી પાસે રેન્જ રોવર BEV અને અન્ય ઉત્પાદનો પણ બજારમાં હશે. ત્યાં સુધીમાં અમે એવા કેટલાક વાહનોને બદલવાનું શરૂ કરીશું જેમાંથી અમારી કમાણી ઓછી છે. આને નવા વાહનોથી બદલવામાં આવશે.”

આ પણ વાંચોઃ દર મહિને જમા કરો બસ આટલા રૂપિયા અને બનો કરોડપતિ, આ ગજબની ફોર્મ્યુલા લાગી હાથ

રેન્જ રોવર BEV પર તેમણે કહ્યું, “અમે તેને અલગ રીતે કરી રહ્યા છીએ. આ BEV (બેટરી ઇલેક્ટ્રિક વાહન) નથી જે રેન્જ રોવર તરીકે વેચવામાં આવશે. આ BEV પાવરટ્રેન વાળું રેન્જ રોવર છે.”