વાયરલ / VIDEO : રામાયણ કાળનું જટાયું પક્ષી ફરી દેખાતાં ભારે ઉત્સુકતા, રોડ સાઈડે બેસતાં સેલ્ફી લેવા પડાપડી

Jatayu Lookalike Bird Viral Video: જો તમે ધાર્મિક ગ્રંથિ વાંચતાં હશો કકે પછી ભારતવર્ષના ઇતિહાસ વિષે જાણતા હશો તો એ પણ જાણતા હશો કે તેમાં રહેલા ઘણા પાત્રો અમર છે અને એવું માનવામાં આવે છે કે તે અમર પાત્રો આજે પણ પૃથ્વી પર હયાત છે. હાલ સોશિયલ મીડિયા પર જે વીડિયો વાયરલ થઈ રહ્યો છે તે જોઈને પણ લોકોને એ જ જૂન કાળની યાદ આવી ગઈ છે.

વાત જાણે એમ છે કે હાલ સોશિયલ મીડિયા પર એક વીડિયો વાયરલ થઈ રહ્યો છે. લોકોને રસ્તા પર એક એવું પક્ષી નજર આવી રહ્યું છે કે જેને જોઈને લોકો આશ્ચર્ય ચકિત થઈ ગયા છે અને તેની સાથે સેલ્ફી અને વીડિયો રેકોર્ડ કરી રહ્યા છે. જો તમે રામાયણની કથા વિષે જાણતા હશો તો તેમ આવતા જટાયું નામના વિશાળકાય પક્ષી વિશે પણ જાણતા જ હશો. અત્યારે ટ્રેન્ડ થઈ રહેલા વાયરલ વિડિયોમાં એક મહાકાય પક્ષી રસ્તાના સાઈડમાં એક ખડક પર બેસેલું દેખાય છે અને તેને જોઈને લોકોને રામાયણના જટાયું ની યાદ આવી ગઈ છે. તેના મહાકાય શરીરને કારણે લોકોમાં તેણે ખાસ આકર્ષણ અને ઉત્સુકતા જન્માવી છે. વિડિયોમાં જોઈ શકાય છે કે એક જટાયું જેવુ દેખાતું વિશાળકાય પક્ષી, ગીધ જેવુ મોટું પક્ષી રસ્તાના જીનારે શાંતિથી બેઠું છે. લોકો તેની તરફ એટલા માટે પણ વધારે આકર્ષાઈ રહ્યા છે કારણકે તે ખૂબ વિશાળ છે અને શાંત મુદ્રામાં બેઠું છે. જોવા વાળાને આ જટાયુંની યાદ અપાવી રહ્યું છે.

કયું છે પક્ષી?

રસ્તે જતાં લોકો રોકાઈને આ દુર્લભ પક્ષીના ફોટો અને વીડિયો રેકોર્ડ કરવા લાગ્યા અને આ વીડિયોને લીધે જ હાલ તે ઈન્ટરનેટ પર સમાચારમાં આવી ગયું છે. આ વિડિયોમાં જે પક્ષી નજરે આવી રહ્યું છે તે અસલમાં એક દુર્લભ ગીધ પ્રજાતિનું પક્ષી છે. આ પ્રજાતિનું નામ એન્ડીયન કોન્ડોર (Andean Condor) છે જે દક્ષિણ અમેરિકાના એન્ડીઝ પર્વતમાળામાં જોવા મળે છે. આમ તો આ પક્ષી માનવ વસાહતોથી દૂર એકલતામાં શાંતમાં રહે છે પણ આ વિડિયોમાં જોઈ શકાય છે કે તે માત્ર રસ્તાના કિનારે બેઠું જ નથી પણ તેણે ભીડથી પણ કોઈ તકલીફ પડી રહી નથી. તેનું શાંત વર્તન જ લોકોમાં વધુ ઉત્સુકતા જન્માવી રહ્યું છે.

વાત કરીએ રામાયણની તો રામાયણમાં જટાયું એક વીર ગીધ હતું જેણે માતા સીતાના રક્ષણ માટે રાવણ સાથે યુદ્ધ કર્યું હતું. અને માટે જ આઆ વિશાળકાય પક્ષીને 'જટાયુંનો અવતાર' લોકો કહી રહ્યા છે. વીડિયો વાયરલ થયા પછી સોશિયલ મીડિયા પર કમેંટ્સ વધી ગઈ છે. અમુક શ્રધ્ધાળુઓએ તેને રામાયણ કાળનો સંકેત ગણાવ્યો છે તો અમુક લોકોએ આને પ્રકૃતિ/કુદરતનો અદભૂત ચમત્કાર.

વધુ વાંચો: VIDEO: મહિલાઓ પર અભદ્ર ટિપ્પણી કરવી કથાકાર અનિરુદ્ધાચાર્યને ભારે પડી, આખરે માફી માંગી

આ વીડિયોને સોશિયલ મીડિયા પ્લેટફોર્મ X પર swetasamadhiya નામના એકાઉન્ટ પરથી શેર કરવામાં આવ્યું છે. અને અત્યાર સુધીમાં આ વીડિયોને 2 લાખથી વધુ લોકો જોઈ ચૂક્યા છે.

હજારો લોકોએ લાઇક કર્યું છે. એક યુઝરે કહ્યું કે " લાગે છે કે રામાયણ કાળ પાછો આવી ગયો છે" તો બીજાએ કહ્યું કે "આ ભારતમાં જોવા મળતા નથી" ત્રીજાએ કહ્યું કે "આ બિલકુલ રામાયણના જટાયું જેવુ દેખાઈ રહ્યું છે. "

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ