વિવાદ / VIDEO: મહિલાઓ પર અભદ્ર ટિપ્પણી કરવી કથાકાર અનિરુદ્ધાચાર્યને ભારે પડી, આખરે માફી માંગી

સુપ્રસિદ્ધે ધાર્મિક કથાકાર અનિરુદ્ધાચાર્યએ મહિલાઓ વિશે આપેલા વિવાદાસ્પદ નિવેદન બદલ માફી માંગી છે. તેમના આશ્રમમાં ભક્તો સાથેની વાતચીત દરમિયાન, તેમન છોકરીઓના લગ્ન અને ચારિત્ર્ય વિશે વિવાદાસ્પદ નિવેદન આપ્યું હતું. આ પછી, મહિલાઓએ તેમના વિરુદ્ધ વિરોધ શરૂ કર્યો હતો.

સોશિયલ મીડિયા પર એક વીડિયો જાહેર કરીને અનિરુદ્ધાચાર્યે માફી માંગી છે. તેમણે કહ્યું કે, મેં કેટલીક મહિલાઓ વિશે વાત કરી હતી, દરેક વિશે નહીં. તેમણે કહ્યું કે વીડિયો વાયરલ થાય તે પહેલાં, મુખ્ય શબ્દ કાપી નાખવામાં આવ્યો હતો અને તેથી જ મારા નિવેદનનું ખોટું અર્થઘટન કરવામાં આવ્યું હતું.

અનિરુદ્ધાચાર્યએ કહ્યું હતું કે છોકરીઓના લગ્ન માટે યોગ્ય ઉંમર 25 વર્ષ પહેલાં હોવી જોઈએ. તેમaniruddhacharya maharajના મતે, જો છોકરીઓ મોડા લગ્ન કરે છે, તો તેમને ઘણા બોયફ્રેન્ડ મળે છે જેમની સંખ્યા 4 થી 5 હોઈ શકે છે. તેમણે એવો પણ દાવો કર્યો હતો કે આવા સંપર્કો છોકરીઓના લગ્ન જીવનને અસર કરે છે. આજની જીવનશૈલી અને સોશિયલ મીડિયાને કારણે, છોકરીઓના જીવનમાં સ્થિરતા ઘટી રહી છે. તેથી, માતાપિતાએ તેમની પુત્રીઓના લગ્ન સમયસર નક્કી કરવા જોઈએ. આ નિવેદન પછી, સોશિયલ મીડિયા પર ગરમાગરમ ચર્ચા શરૂ થઈ ગઈ.

વધુ વાંચો: રાષ્ટ્રીય શિક્ષણ નીતિના 6 ફેરફારો, જે દરેક વિદ્યાર્થીઓ અને વાલીઓએ જાણવા જરૂરી

પ્રયાગરાજમાં મહિલા સંગઠનો અને સામાજિક કાર્યકરોએ અનિરુદ્ધાચાર્યના નિવેદનને મહિલા વિરોધી અને અસંવેદનશીલ ગણાવ્યું છે. તેમનું કહેવું છે કે આ નિવેદન માત્ર મહિલાઓની સ્વતંત્રતા અને ગૌરવ પર હુમલો કરતું નથી, પરંતુ સામાજિક દૃષ્ટિકોણને પણ પાછળ લઈ જાય છે.

અનિરુદ્ધાચાર્યે શું કહ્યું?

અનિરુદ્ધાચાર્યએ વૈવાહિક સંબંધો વિશે કહ્યું હતું કે, તેઓ 25 વર્ષની છોકરી લાવે છે. હવે 25 વર્ષની છોકરીએ ઘણી બધી વસ્તુઓ અજમાવી છે. બધી નહીં પણ ઘણી બધી. જ્યારે તે પુખ્ત થાય છે, ત્યારે તેની યુવાની ક્યાંક સરકી જાય તે સ્વાભાવિક છે. તમને જણાવી દઈએ કે અનિરુદ્ધાચાર્ય મધ્યપ્રદેશના જબલપુરના રહેવાસી છે. તેઓ ઉત્તર પ્રદેશના વૃંદાવનમાં ગૌરી ગોપાલ આશ્રમ ચલાવે છે. આ આશ્રમમાં ગાયોની સંભાળ રાખવામાં આવે છે. આ ઉપરાંત, તેઓ એક વૃદ્ધાશ્રમ પણ ચલાવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ