Gujarat Rain Video / સુરતથી લઈ નવસારી સુધી મેઘમહેર, અનેક વિસ્તારો જળમગ્ન, જુઓ Video

Gujarat Rain Forecast: રાજ્યમાં આજે વરસાદનો વધુ એક રાઉન્ટ શરૂ થયો છે. દક્ષિણ ગુજરાત અને સૌરાષ્ટ્રના કેટલાક વિસ્તારમાં વરસાદ વરસી રહ્યો છે. સુરત, વલસાડ, નવસારીમાં મેઘરાજા મનમુકીને વરસતા અનેક વિસ્તારમાં પાણી ભરાયુ છે. નવસારી સહીત દક્ષિણ ગુજરાતમાં વરસાદને લઈને હવામાન વિભાગ દ્વારા ઓરેન્જ એલર્ટ અપાયું છે.

સુરત બમરોલી ખાડી ઓવરફ્લો

સુરતમાં મુશળધાર વરસાદની લઇ ખાડી ઓવરફ્લો થઇ છે. સુરત બમરોલી ખાડી ઓવરફ્લો થતા કમર સુધીના પાણી ભરાયા છે. ખાડી ઓવરફ્લો થતાં બમરોલી અલથાણ રોડ પાણીમાં ગરકાવ થયો છે. ખાડી કિનારે બનાવવામાં આવેલા ક્રિકેટ સ્પોર્ટ્સ એકેડેમી પાણીમાં ગરકાવ થયુ છે. બમરોલી થી અલથાણનો મુખ્ય માર્ગ પાણીમાં ગરકાવ થઈ જતા અનેક લોકો પરેશાન બન્યા છે.

સુરતમાં બીજા વરસાદમાં પણ પાણી ભરાવાની સમસ્યા જોવા મળી છે. કડોદરાથી સુરત જતો મુખ્ય માર્ગ પાણીમાં ગરકાવ થયો છે. હરિપુરા પાટિયા પાસે ઘૂંટણસમા પાણી ભરાતા ટ્રાફિકજામ થયો છે. વરસાદી પાણીનો નિકાલ ન થતા સમસ્યા થઈ હોવાનો સ્થાનિકોનો આરોપ છે.

સુરત મહાનગરપાલિકાની પ્રિ-મોન્સૂન કામગીરી પર પાણી ફરી વળ્યું છે. ભારે વરસાદને લઈ શહેરના વિવિધ વિસ્તારમાં પાણી ભરાયા છે. શહેરની અનેક સોસાયટી અને રસ્તામાં પાણી ભરાયા છે. શ્રીનિવાસ વિસ્તારનો મુખ્ય માર્ગ પાણીમાં ગરકાવ. પ્રિ-મોન્સૂન કામગીરી માત્ર કાગળ પર થઈ હોવાનો સ્થાનિકોનો આરોપ છે.

નવસારીમાં બે કલાકમાં એક ઇચ વરસાદ

નવસારીમાં 1 ઈંચ વરસાદમાં પાણી ભરાવાની સમસ્યા જોવા મળી છે. શહેરના અનેક વિસ્તારમાં વરસાદી પાણી ભરાયા છે. સિટી ગાર્ડન સોસાયટી અને રોયલ પાર્ક સોસાયટીનો મુખ્ય માર્ગ પાણીમાં ગરકાવ થયા છે. રસ્તા પર પાણી ફરી વળતા વાહનચાલકો પરેશાન બન્યા છે. દરવર્ષે ચોમાસામાં પાણી ભરાતું હોવાનો સ્થાનિકોનો આરોપ છે. અનેક રજૂઆત કરવા છતાં સમસ્યાનું સમાધાન ન થયું હોવાનો દાવો કરાયો છે.

ગણદેવીના ભાટ ગામે મોટાભાગના ઘરમાં પાણી ભરાયા

નવસારી સહીત દક્ષિણ ગુજરાતમાં ઓરેન્જ એલર્ટ વચ્ચે જિલ્લામાં ધોધમાર વરસાદ વરસી રહ્યો છે. ભારે વરસાદને કારણે ગણદેવીના ભાટ ગામે મોટાભાગના ઘરમાં પાણી ભરાયા છે. પાણી ફરી વળતા ઘરોના લોકોને ઘરની બહાર નીકળવું મુશ્કેલ બન્યુ છે. જોકે તંત્ર દ્વારા ઝીંગાના તળાવની પાળ તોડવાની કામગીરી શરૂ કરી છે. ઝીંગાના તળાવની પાળ તૂટ્યા બાદ 30 મિનિટમાં પાણી ઉતરી જવાની સંભાવના છે.

વાપી ઈસ્ટ અને વેસ્ટને જોડતા અંડરપાસમાં પાણી ભરાયું

વલસાડ જિલ્લામાં વહેલી સવારથી વરસાદી માહોલ જામ્યો છે. છેલ્લા 24 કલાકમાં વલસાડ જિલ્લાના તમામ તાલુકામાં વરસાદ વરસ્યો છે. સૌથી વધુ વલસાડ, વાપી અને કપરાડા તાલુકામાં વરસ્યો છે. મોડી રાતથી ચાલુ થયેલા વરસાદના કારણે અનેક વિસ્તારોમાં પાણી ભરાયું છે. વાપી ઈસ્ટ અને વેસ્ટને જોડતા અંડરપાસમાં પાણી ભરાયું છે.

આ પણ વાંચોઃ Video / સુરતમાં સામાન્ય વરસાદે ફરી ખોલી પ્રિ-મોન્સૂન કામગીરીની પોલ, પાણી ભરાતા સ્થાનિકોનો SMC સામે વિરોધ

જૂનાગઢ જિલ્લામાં સતત ત્રીજા દિવસે વરસાદી માહોલ જોવા મળે છે. શહેરના અનેક વિસ્તારોમાં પણ ધીમીધારે વરસાદ વરસી રહ્યો છે. ભવનાથ અને દાતાર વિસ્તારમાં વરસાદ પડતા રસ્તા પર પાણી ફરી વળ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ