બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અન્ય જિલ્લા / આગામી 48 કલાક ગુજરાત માટે ભારે, અંબાલાલ પટેલે ભારેથી અતિભારે વરસાદની કરી આગાહી
6 ફોટો ગેલેરી
Last Updated: 01:37 PM, 21 July 2026
FOLLOW ON
શેર કરો
1/6
હવામાન નિષ્ણાંત અંબાલાલ પટેલે ગુજરાતમાં આગામી દિવસોમાં વરસાદને લઈને મહત્વપૂર્ણ આગાહી વ્યક્ત કરી છે. તેમના જણાવ્યા મુજબ આગામી 48 કલાક દરમિયાન રાજ્યના વિવિધ ભાગોમાં વરસાદી માહોલ જોવા મળશે. ખાસ કરીને સૌરાષ્ટ્રના વિસ્તારોમાં વરસાદી ઝાપટાં પડવાની શક્યતા છે. તેમણે જણાવ્યું કે અષાઢ સુદ નોમની વીજળી વરસાદ માટે સારા સંકેત આપી રહી છે. સાથે જ બંગાળના ઉપસાગરમાંથી સર્જાયેલું વરસાદી વહન ગુજરાત તરફ આગળ વધી રહ્યું છે, જેના કારણે આગામી દિવસોમાં વરસાદની તીવ્રતા વધી શકે છે.
આ તસવીર શેર કરો
2/6
અંબાલાલ પટેલના જણાવ્યા મુજબ 24થી 27 જુલાઈ દરમિયાન રાજ્યના કેટલાક વિસ્તારોમાં ભારેથી અતિભારે વરસાદ પડી શકે છે. ખાસ કરીને ગોધરા, લુણાવાડા અને દાહોદ જિલ્લાના ભાગોમાં ભારેથી અતિભારે વરસાદની શક્યતા વ્યક્ત કરવામાં આવી છે. મધ્ય ગુજરાતના અનેક વિસ્તારોમાં પણ ભારે વરસાદની આગાહી કરવામાં આવી છે, જેના કારણે નીચાણવાળા વિસ્તારોમાં પાણી ભરાવાની સ્થિતિ સર્જાઈ શકે છે.
આ તસવીર શેર કરો
3/6
તેમણે ઉત્તર ગુજરાત માટે પણ વરસાદની આગાહી કરી છે. મહેસાણા, પાટણ, સાબરકાંઠા, અરવલ્લી અને બનાસકાંઠાના વિવિધ વિસ્તારોમાં સારો વરસાદ પડી શકે છે. આ ઉપરાંત દક્ષિણ ગુજરાતમાં પણ ભારેથી અતિભારે વરસાદ થવાની શક્યતા છે. કચ્છના કેટલાક વિસ્તારોમાં ભારે વરસાદની સંભાવના વ્યક્ત કરવામાં આવી છે, જ્યારે પશ્ચિમ સૌરાષ્ટ્રના ભાગોમાં પણ વરસાદી માહોલ જામે તેવી શક્યતા દર્શાવવામાં આવી છે.
આ તસવીર શેર કરો
4/6
અંબાલાલ પટેલે ખેડૂતોને ખાસ સાવચેતી રાખવાની અપીલ કરી છે. તેમણે જણાવ્યું કે ભારેથી અતિભારે વરસાદને કારણે ખેતરોમાં પાણી ભરાઈ શકે છે, તેથી ખેડૂતોને અગાઉથી પાણીના નિકાલની યોગ્ય વ્યવસ્થા કરી લેવી જોઈએ. જો સમયસર પાણીનો નિકાલ નહીં થાય તો ઉભા પાકને નુકસાન થવાની શક્યતા વધી શકે છે. તેથી ખેડૂતો માટે આ આગાહી મહત્વપૂર્ણ માનવામાં આવી રહી છે.
આ તસવીર શેર કરો
5/6
તેમણે વધુમાં જણાવ્યું કે 30 જુલાઈથી 2 ઓગસ્ટ દરમિયાન વધુ એક વરસાદી વહન સક્રિય થશે, જેના કારણે ફરી એકવાર ગુજરાતના અનેક વિસ્તારોમાં વરસાદનું જોર વધી શકે છે. દક્ષિણ ગુજરાત સહિત રાજ્યના વિવિધ ભાગોમાં સારો વરસાદ થવાની સંભાવના છે. આ વરસાદને કારણે મધ્યપ્રદેશમાં પણ સારો વરસાદ પડશે અને તેના કારણે નર્મદા નદીના જળસ્તરમાં વધારો થવાની શક્યતા છે.
આ તસવીર શેર કરો
6/6
અંબાલાલ પટેલના જણાવ્યા મુજબ વરસાદી સિસ્ટમના પ્રભાવથી સાબરમતી નદીમાં પણ નવા નીર આવવાની સંભાવના છે. આગામી દિવસોમાં ગુજરાતમાં ચોમાસું વધુ સક્રિય બનશે અને અનેક વિસ્તારોમાં વરસાદી માહોલ જોવા મળશે. તેમણે લોકોને હવામાન વિભાગ અને સ્થાનિક તંત્રની સૂચનાઓનું પાલન કરવાની સલાહ આપી છે તેમજ ભારે વરસાદ દરમિયાન જરૂરી સાવચેતી રાખવા અપીલ કરી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
