મનોરંજન / ''તેરા વો હાલ કરેંગે...'', ટાઈગર શ્રોફ પર ફાયરિંગ વચ્ચે સલમાનને બિશ્નોઈ ગેંગની ધમકી

બોલિવૂડમાં ફરી એકવાર ગેંગસ્ટર લોરેન્સ બિશ્નોઈનું નામ ચર્ચામાં આવ્યું છે. ટાઇગર શ્રોફ સાથે જોડાયેલા ફાયરિંગ કેસ બાદ હવે અભિનેતા સલમાન ખાનને ધમકી આપવામાં આવી હોવાનો મામલો સામે આવ્યો છે. મુંબઈ ક્રાઇમ બ્રાન્ચે ધમકીભર્યો ઓડિયો શેર કર્યો છે. આ ઓડિયોમાં અનિલ પંડિતના નામે બોલતી વ્યક્તિએ ટાઇગર શ્રોફના ફાયરિંગની જવાબદારી લેવાનો દાવો કર્યો છે. સાથે જ સલમાન ખાનને લોરેન્સ બિશ્નોઈ અને બિશ્નોઈ સમાજની માફી માગવા માટે દબાણ કરવામાં આવ્યું છે.

ઓડિયોમાં સલમાન ખાનને ચેતવણી આપતાં તેની સુરક્ષા વ્યવસ્થા પર પણ સવાલ ઉઠાવવામાં આવ્યા છે. ધમકી આપનાર વ્યક્તિએ કહ્યું છે કે સલમાન ખાન પોતાની સુરક્ષાને કારણે પોતાને સુરક્ષિત માનતા હોય તો તે તેમની ભૂલ છે. ઓડિયોમાં સલમાન ખાનના પરિવારને નુકસાન પહોંચાડવાની ધમકી પણ આપવામાં આવી છે. આ ઉપરાંત ફિલ્મ ઇન્ડસ્ટ્રીમાં લોરેન્સ બિશ્નોઈના વિરોધમાં કામ કરનારા અથવા સલમાન ખાન સાથે કામ કરનારા લોકોને પણ ગંભીર પરિણામો ભોગવવાની ચેતવણી આપવામાં આવી છે.

ઓડિયોમાં શું કહેવામાં આવ્યું છે?

ધમકીભર્યા ઓડિયોમાં બોલતી વ્યક્તિ પોતાનું નામ અનિલ પંડિત જણાવે છે અને પોતાને લોરેન્સ બિશ્નોઈનો નાનો ભાઈ ગણાવે છે. તે અરમન નામના વ્યક્તિનો પણ ઉલ્લેખ કરે છે અને ટાઇગર શ્રોફ સાથે જોડાયેલી ફાયરિંગની ઘટનાની જવાબદારી લેવાનો દાવો કરે છે. ઓડિયોમાં કહેવામાં આવ્યું છે કે ટાઇગર શ્રોફને અગાઉ સમજાવવાનો પ્રયાસ કરવામાં આવ્યો હતો, પરંતુ તે વાત સમજ્યો નહીં. ઓડિયોમાં બોલતી વ્યક્તિ ફિલ્મ ઇન્ડસ્ટ્રીના લોકોને પણ ચેતવણી આપે છે. તે કહે છે કે જે લોકો તેમના વિરોધમાં રહીને કામ કરશે અથવા સલમાન ખાન સાથે મળીને કામ કરશે, તેમને નિશાન બનાવવામાં આવશે. આને પહેલી અને છેલ્લી ચેતવણી ગણાવીને ફિલ્મ ઇન્ડસ્ટ્રીના અન્ય લોકોને પણ ધમકી આપવામાં આવી છે.

લોરેન્સ બિશ્નોઈ અથવા બિશ્નોઈ સમાજની માફી માગવી પડશે

સલમાન ખાનને સંબોધીને ઓડિયોમાં કહેવામાં આવ્યું છે કે તેમણે લોરેન્સ બિશ્નોઈ અથવા બિશ્નોઈ સમાજની માફી માગવી પડશે. જો તેઓ માફી નહીં માગે તો તેમના ઘરમાંથી કોઈને પણ છોડવામાં નહીં આવે અને તેમના સમગ્ર પરિવારને નુકસાન પહોંચાડવામાં આવશે તેવી ધમકી આપવામાં આવી છે. ઓડિયોમાં સલમાન ખાનને સુરક્ષા વ્યવસ્થા પર વધારે ભરોસો ન રાખવાની ચેતવણી પણ આપવામાં આવી છે. ધમકી આપનાર વ્યક્તિએ દાવો કર્યો છે કે સુરક્ષા વચ્ચે પણ સલમાન ખાનને નિશાન બનાવી શકાય છે. સાથે જ લોરેન્સ બિશ્નોઈ વિરુદ્ધ બોલનારા અન્ય લોકોને પણ ચેતવણી આપવામાં આવી છે કે તેમનો વારો પણ આવશે, ભલે તેમાં થોડો સમય લાગે.

A purported viral audio has sparked fresh panic after the firing incident involving Tiger Shroff! 🚨 In the audio circulating on social media, a man identified as Anil Pandit allegedly claims links to the Bishnoi gang and threatens to target people close to Salman Khan. ⚠️ I do not confirm the authenticity of this audio. It is spreading rapidly online, but how much truth lies behind these claims remains a matter of investigation. #TigerShroff #tigershroffnews https://t.co/IQUeVmngfJ

— Pinki (@PinkiPragya) October 18, 2026

સલમાન ખાનની સુરક્ષાને લઈને ફરી ચર્ચા

આ ધમકીભર્યા ઓડિયોને કારણે સલમાન ખાનની સુરક્ષાને લઈને ફરી ચર્ચા શરૂ થઈ છે. ઓડિયોમાં લોરેન્સ બિશ્નોઈ, અરમન અને અનિલ પંડિતનાં નામનો ઉલ્લેખ કરવામાં આવ્યો છે. જોકે, ઓડિયોમાં કરવામાં આવેલા દાવાઓની સ્વતંત્ર પુષ્ટિ થવી જરૂરી છે. માત્ર ઓડિયોમાં નામ લેવાથી કોઈ વ્યક્તિની સંડોવણી સાબિત થતી નથી. હાલમાં આ મામલે ઓડિયોની વિશ્વસનીયતા, તેમાં કરવામાં આવેલા દાવા અને ટાઇગર શ્રોફના ફાયરિંગ કેસ સાથેના સંબંધની તપાસ મહત્ત્વપૂર્ણ છે. સલમાન ખાન અને તેમના પરિવારને આપવામાં આવેલી ધમકીઓની ગંભીરતાને ધ્યાનમાં રાખીને પોલીસ તપાસમાં શું બહાર આવે છે તેના પર સૌની નજર રહેશે.

આ પણ વાંચો : સુરતમાં ‘અવધ યુટોપિયા’ ક્લબમાં ગરબાના નામે બોલિવૂડ ગીતો વગાડતા બજરંગ દળ મેદાને, પછી જે થયું...!

ધમકીભર્યા ઓડિયોમાં શું કહેવામાં આવ્યું?

ઓડિયોમાં બોલતી વ્યક્તિના શબ્દો હિન્દીમાં નીચે મુજબ છે. આ લખાણ ઓડિયોમાં કરવામાં આવેલા ટ્રાન્સક્રિપ્શન છે, તેની સત્યતાની પુષ્ટિ નથી. “રામ રામ જી સારે ભૈયા ને. મૈં અનિલ પંડિત લોરેન્સ બિશ્નોઈ કા છોટા ભાઈ. જો આજ યે મુંબઈ મેં ટાઇગર શ્રોફ કા કામ હુઆ હૈ, ઇસકી જિમ્મેદારી મૈં અનિલ પંડિત ઔર મેરા બડા ભાઈ અરમન સન લેતે હૈ. ઇસકો હમને સમજાયા થા, લેકિન ઇસકો સમજ મેં નહીં આઈ. ઔર જો ભી પૂરી ફિલ્મ ઇન્ડસ્ટ્રી મેં હમારે સે અલગ હોકર કામ કરેગા, યા સલમાન ખાન કે સાથ મિલકે કામ કરેગા, ઉસકો માર દેંગે હમ. ઔર યે પહેલી ઔર આખરી ચેતવણી હૈ. યે સલમાન ખાન દાવદ કા કુત્તા રખ્ખા હૈ, ઔર દાવદ નામ કા કુત્તા હમને ઘર મેં પાલ રખા હૈ. ઔર બાત સુન સલમાન ખાન ધ્યાન સે, અગર તૂને મેરે બડે ભાઈ લોરેન્સ બિશ્નોઈ સે યા અગર બિશ્નોઈ સમાજ સે માફી નહીં માંગી ના, તો તેરે ઘર મેં ના કુત્તા ભી નહીં છોડેંગે, તેરે પૂરે પરિવાર કા નાશ કર દેંગે. યે બાત માઇન્ડ મેં બિઠા લેના. જો તૂ યે સોચતા ના કી તૂ સિક્યુરિટી મેં હૈ તુજે કુછ નહીં હોગા, તેરા વહ હાલ કરેંગે તેરી સિક્યુરિટી કે અંદર હી, યે ના પૂરી દુનિયા યાદ રખેગી. ઔર ઇસસે અલગ કુછ કુત્તે હમારે ભાઈ કે ખિલાફ જો ભોંક રહે હૈ ના, યે ફેમ લેને કે લિયે જો ભોંકતે હૈ, તુમ ભી તૈયાર રહેના. થોડા ટાઇમ જરૂર લગ સકતા હૈ, લેકિન નંબર સબકા આયેગા.”

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ