નેશનલ / ''તેરા વો હાલ કરેંગે...'', ટાઈગર શ્રોફ પર ફાયરિંગ વચ્ચે સલમાનને બિશ્નોઈ ગેંગની ધમકી

મુંબઈમાં રવિવારે બનેલી ઘટના, જેમાં અભિનેતા ટાઈગર શ્રોફની કાર પર ગોળીબાર કરવામાં આવ્યો હતો, તેણે લોરેન્સ બિશ્નોઈ ગેંગના નેટવર્ક અંગે ફરી એકવાર અનેક પ્રશ્નો ઊભા કર્યા છે. અભિનેતા જ્યારે ફૂટબોલ રમીને પરત ફરી રહ્યા હતા ત્યારે તેમની ગાડી પર પાંચ રાઉન્ડ ફાયરિંગ કરવામાં આવ્યો હતો. ટાઈગર આ હુમલામાંથી માંડ માંડ બચી ગયા હતા, પરંતુ તેમના ડ્રાઈવરને ઈજાઓ પહોંચી હતી.

લોરેન્સ બિશ્નોઈ ગેંગ સાથે સંકળાયેલા અનિલ પંડિત અને હરમન સંધુએ આ હુમલાની જવાબદારી સ્વીકારી છે. આનાથી અનેક પ્રશ્નો ઊભા થાય છે: લોરેન્સ બિશ્નોઈ ગેંગના આ ગુર્ગાઓ ક્યાં છે, ખુદ લોરેન્સ ક્યાં છે, અને તે જેલમાં હોવા છતાં તેની ગેંગ આટલી સક્રિય કેવી રીતે છે? આવો, આ નેટવર્ક પાછળની સંપૂર્ણ હકીકત જાણીએ.

અનિલ પંડિત

અનિલ પંડિત મૂળ હરિયાણાના છે અને હાલમાં યુનાઇટેડ સ્ટેટ્સમાં છે. તેઓ લોરેન્સ બિશ્નોઈના નજીકના સાથી હોવાનું કહેવાય છે. અનિલ પંડિતે ભૂતકાળમાં થયેલા અનેક હુમલાઓની જવાબદારી સ્વીકારી છે. દરમિયાન, હરમન સંધુ પણ વિદેશમાં રહે છે.

હરિયાણાના જાણીતા ગાયક દિલેર ખરકિયાના વાહન પર થયેલા ગોળીબારના બનાવના સંદર્ભમાં અગાઉ અનિલ પંડિતનું નામ સામે આવ્યું હતું. તે ઘટનામાં ગાયક સહેજમાં બચી ગયા હતા. આ હુમલા બાદ, અનિલ પંડિતે સોશિયલ મીડિયા પોસ્ટ દ્વારા તેની જવાબદારી સ્વીકારી હતી.

હરમન સંધૂ

કહેવાય છે કે, હરમન સંધુ વિદેશમાં રહીને લોરેન્સ બિશ્નોઈ નેટવર્કની કામગીરીમાં સંકળાયેલો છે. આ બંનેએ ટાઈગર શ્રોફ પર થયેલા હુમલાની જવાબદારી સ્વીકારી છે. હરમન સંધુને બિશ્નોઈ ગેંગ સાથે જોડાયેલા એવા વ્યક્તિઓમાંથી એક માનવામાં આવે છે જે હાલમાં વિદેશમાં છે.

ગોલ્ડી બરાડ

ગોલ્ડી બ્રાર લોરેન્સ બિશ્નોઈ ગેંગમાં એક મહત્વપૂર્ણ વ્યક્તિ છે. તે લોરેન્સ બિશ્નોઈનો નજીકનો સાથી માનવામાં આવે છે અને ઉત્તર અમેરિકામાં ગેંગના નેટવર્કનું સંચાલન કરવામાં મુખ્ય ભૂમિકા ભજવતો હોવાનો આરોપ છે. અહેવાલો અનુસાર, તે યુનાઇટેડ સ્ટેટ્સમાં રહીને આ નેટવર્ક ચલાવે છે. અગાઉ એવા અહેવાલો હતા કે, ગોલ્ડી બ્રાર કેનેડાના ઓન્ટારિયો પ્રાંતના બ્રેમ્પટનમાં સક્રિય હતો. વધુમાં, યુ.એસ. એજન્સીઓના જણાવ્યા અનુસાર, તેણે કેલિફોર્નિયા અને કેનેડાના કેટલાક વિસ્તારોમાં સંપર્કો અથવા છુપાઈ રહેવાના ઠેકાણા બનાવી રાખ્યા છે.

અનમોલ બિશ્નોઇ

અનમોલ બિશ્નોઈ જેલમાં બંધ ગેંગસ્ટર લોરેન્સ બિશ્નોઈનો નાનો ભાઈ છે. તે ભારતમાં વોન્ટેડ વ્યક્તિ છે. હાલમાં, અનમોલ બિશ્નોઈ દિલ્હીની તિહાર જેલમાં બંધ છે. નવેમ્બર 2025માં તેને અમેરિકાથી ભારત પાછો લાવવામાં આવ્યો હતો, ત્યારબાદ NIA દ્વારા તેની ધરપકડ કરવામાં આવી હતી. તે સિદ્ધુ મૂસેવાલા અને બાબા સિદ્દીકીની હત્યા તેમજ સલમાન ખાનના નિવાસસ્થાન 'ગેલેક્સી એપાર્ટમેન્ટ્સ'ની બહાર થયેલી ગોળીબારની ઘટના સહિત અનેક કેસોમાં આરોપી છે.

ક્યા છે લોરેન્સ બિશ્નોઇ

બિશ્નોઈ ગેંગનો મુખ્ય સૂત્રધાર લોરેન્સ બિશ્નોઈ ગુજરાતની સાબરમતી સેન્ટ્રલ જેલમાં બંધ છે. જેલમાં હોવા છતાં, અનેક મોટી ઘટનાઓ અને ધમકીઓના સંદર્ભમાં તેની ગેંગનું નામ સતત સામે આવતું રહ્યું છે.

બિશ્નોઈ ગેંગ પર દેશ અને વિદેશમાં ખંડણી ઉઘરાવવી, ફાયરિંગ કરવો અને હત્યાઓ જેવી ઘટનાઓમાં સંડોવાયેલા હોવાનો આરોપ છે. જુલાઈ મહિનામાં, યુએસ ડિપાર્ટમેન્ટ ઓફ જસ્ટિસે દાવો કર્યો હતો કે લોરેન્સ ગેંગ એક એવા નેટવર્ક દ્વારા કામ કરે છે જેમાં જેલમાં બંધ ગેંગના સરગનાથી લઈને વિદેશમાં રહેલા તેના સાથીદારો અને સ્થાનિક શૂટરોનો સમાવેશ થાય છે.

આ પણ વાંચોઃ એટલે બિશ્નોઈની માફી નથી માંગતો સલમાન? સામે આવ્યું પિતા સલીમ ખાનનું નિવેદન

આ ગેંગનું નેટવર્ક વ્યાપક છે. પોલીસ તપાસમાં બહાર આવ્યું છે કે, વિદેશમાં રહેતા તેમના સાથીદારોનો ઉપયોગ ધમકીઓ આપવા, ગુનાહિત કૃત્યોની જવાબદારી સ્વીકારવા અને સોશિયલ મીડિયા પર સામગ્રી પોસ્ટ કરવા માટે કરવામાં આવે છે અને આ બધું જ 'બિશ્નોઈ ગેંગ'ના નામે કરવામાં આવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ