હાલમાં સોશ્યલ મીડિયા પર એક વીડિયો જબરો વાયરલ થઈ રહ્યો છે. જેમાં એક બતક તળાવની માછલીઓને દાણાં ખવડાવી રહ્યું છે. ભારતીય વન સેવાના અધિકારી પ્રવીણ કાસવાને 32 સેકન્ડનો એક વીડિયો ટ્વિટર પર શેર કર્યો છે. વીડિયોમાં દેખાઈ રહ્યું છે કે અનાજથી ભરેલી ટ્રે તળાવના કિનારે રાખેલી છે. ત્યાર બાદ બતક પોતાની ચાંચમાં દાણાં રાખીને ટ્રેની પાસે આવીને માછલીઓને દાણાં ખવડાવી રહ્યું છે.
બીજી બાજુ યુઝર્સ પણ આ વીડિયો જોઈને ખુશ થઈ ગયાં છે. કેટલાંકે કોમેન્ટ કરી હતી કે આનાથી વધારે દોસ્તીનું ઉદાહરણ બીજું કોઈ ન હોઈ શકે. જ્યારે અન્યએ લખ્યું હતું કે માણસોએ આ લોકો પાસેથી દોસ્તી શીખવી જોઈએ.