વડોદરા / 8 મહિના બાદ ફરીથી ખુલ્લો મુકાશે વડોદરાનો ગંભીરા બ્રિજ

વડોદરા જિલ્લાના પાદરા–મુજપુર માર્ગ પર આવેલ ગંભીરા બ્રિજ લાંબા સમયથી બંધ રહ્યા બાદ હવે ફરીથી વાહન વ્યવહાર માટે ખુલ્લો મુકવામાં આવવાનો છે. માર્ગ અને મકાન વિભાગ દ્વારા મળતી માહિતી અનુસાર, આ બ્રિજને 1 એપ્રિલથી ટ્રાયલ આધારે શરૂ કરવામાં આવશે.

ગત 8 મહિનાથી બ્રિજ બંધ હોવાના કારણે આસપાસના ગામો અને શહેરોમાં રહેતા હજારો લોકોને ભારે મુશ્કેલીઓનો સામનો કરવો પડતો હતો. દૈનિક આવન-જાવન માટે લોકોને લાંબું ફરીને જવાનો વારો આવતો હતો. જેના કારણે સમય અને ઇંધણ બંનેનો વ્યય થતો હતો.

તૂટેલા બ્રિજ પર સ્ટીલનું માળખું લગાવવામાં આવ્યું

બ્રિજના નુકસાનગ્રસ્ત ભાગને સુધારવા માટે તેમાં મજબૂત સ્ટીલનું માળખું સ્થાપિત કરવામાં આવ્યું છે. સાથે જ, વાહન વ્યવહારને સુરક્ષિત બનાવવા માટે રોડ સેફ્ટી ગાર્ડરેલ પણ લગાવવામાં આવ્યા છે. ખાસ કરીને મોટા અને ભારે વાહનો બ્રિજ પરથી પસાર ન થાય તે માટે જરૂરી તકેદારી રાખવામાં આવી છે.

આ પણ વાંચોઃ સાબરકાંઠાના દલપુરમાં દીવાલ ધરાશાઈ, એકનું મોત, બે ઘાયલ

બ્રિજની મજબૂતી અને સુરક્ષાની ચકાસણી કરવામાં આવશે

માર્ગ મકાન વિભાગ દ્વારા 1 એપ્રિલના રોજ ટ્રાયલ રન કરીને બ્રિજની મજબૂતી અને સુરક્ષાની ચકાસણી કરવામાં આવશે. ટ્રાયલ સફળ રહેશે તો તરત જ સામાન્ય વાહન વ્યવહાર માટે બ્રિજ ખુલ્લો મુકવામાં આવશે. બ્રિજ ફરી શરૂ થતા હજારો વાહનચાલકોને મોટી રાહત મળશે અને વિસ્તારના પરિવહન વ્યવસ્થામાં ફરીથી સુગમતા આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ