કામની વાત / ઓનલાઇન પાનકાર્ડ માટે Apply કરવું છે? તો પ્રોસેસ કરતા પહેલા આટલું જાણી લેજો

PAN Card: 1 એપ્રિલ 2026 થી પાનકાર્ડ મેળવવાના નિયમોમાં બદલાવ થવા જઇ રહ્યો છે. હવે ફક્ત આધારથી કામ થશે નહીં. તમારે વધારાના દસ્તાવેજો આપવા પડશે. જો તમે નવું પાનકાર્ડ બનાવવાનું વિચારી રહ્યા છો અથવા તેને અપડેટ કરવાનું વિચારી રહ્યા છો, તો અરજી કરતી વખતે કોઈપણ મુશ્કેલીઓ ટાળવા માટે પહેલા આ ફેરફારોને જાણી લો.

તમારી પાસે પરમેનન્ટ એકાઉન્ટ નંબર (PAN) છે અથવા તમે નવું બનાવવાનું વિચારી રહ્યા છો, તો આ સમાચાર ઉપયોગી છે. પાનએ ભારતના આવકવેરા વિભાગ દ્વારા જારી કરાયેલ એક ખાસ આલ્ફાન્યૂમેરિક કોડ છે. જેને ભારતનું ઇન્કમટેક્સ ડિપાર્ટમેન્ટ જારી કરે છે. હવે ધ્યાન આપવાની વાત એ છે કે પાનકાર્ડ સાથે જોડાયેલા નિયમો 1 એપ્રિલ 2026 થી બદલાઇ રહ્યા છે. સીએસી ઈ-ગવર્નન્સ સર્વિસીસ ઈન્ડિયા લિમિટેડે તેના સત્તાવાર એક્સ એકાઉન્ટ દ્વારા આ માહિતી પ્રદાન કરી છે.

જો તમે નવું પાનકાર્ડ બનાવવાનું વિચારી રહ્યા છો અથવા હાલના પાનકાર્ડને અપડેટ કરવાનું વિચારી રહ્યા છો, તો આ ફેરફારોને અગાઉથી સમજવું મહત્વપૂર્ણ છે. નવા નિયમો અમલમાં આવ્યા પછી તમે પાન કાર્ડ માટે સરળતાથી કેવી રીતે અરજી કરી શકો છો.

નવા PAN કાર્ડ નિયમો 2026: ફેરફારો વિશે જાણો

ફક્ત આધારનો ઉપયોગ કરીને પાનકાર્ડ માટે અરજી કરવી હવે શક્ય રહેશે નહીં. તમારે તમારી ઓળખ અને જન્મ તારીખ સાબિત કરવા માટે વધારાના દસ્તાવેજો આપવા જરૂરી છે.

બીજો મહત્વપૂર્ણ ફેરફાર એ છે કે તમારા પાનકાર્ડ અને આધાર કાર્ડ પરનું નામ બરાબર સમાન હોવું જોઈએ. જો નામ અલગ હોય તો તમારી અરજીમાં વિલંબ થઈ શકે છે.

કયા દસ્તાવેજોની જરૂર પડશે?

નવા નિયમો અમલમાં આવ્યા પછી તમારે તમારા આધાર કાર્ડ સાથે નીચેના દસ્તાવેજોમાંથી એક સબમિટ કરવાની જરૂર પડશે.

જન્મ પ્રમાણપત્ર

મતદાર આઇડી કાર્ડ

પાસપોર્ટ

ડ્રાઇવિંગ લાઇસન્સ

10મું (મેટ્રિક્યુલેશન) પ્રમાણપત્ર

મેજિસ્ટ્રેટ દ્વારા જારી કરાયેલ સોગંદનામું

આ પણ વાંચોઃ તમારા કામનું / ઘરે બેઠાં PNG માટે કરો આ રીતે એપ્લાય, મળશે 7 જ દિવસમાં કનેક્શન!

કેવી રીતે અરજી કરવી?

પ્રથમ તમારું વેબ બ્રાઉઝર ખોલો (જેમ કે Chrome અથવા Microsoft Edge).

હવે UTIITSL વેબસાઇટ પર જાઓ અને PAN card services વિભાગ પસંદ કરો.

જો તમે ઇચ્છો તો તમે આવકવેરા વિભાગ અથવા Protean વેબસાઇટની પણ મુલાકાત લઈ શકો છો.

અહીં તમને Indian citizen/NRI માટે પાનકાર્ડ વિકલ્પ દેખાશે. તેને પસંદ કરો.

નવા નિયમો હેઠળ નવા પાન કાર્ડ માટે અરજી કરવા માટે ફોર્મ પસંદ કરો.

હવે તમારા આધાર કાર્ડ પર છે તે રીતે તમારી બધી વિગતો ભરો.

આગળ તમારા આઇડી પ્રૂફ અને તમારી જન્મ તારીખ (DOB) સંબંધિત દસ્તાવેજો અપલોડ કરો.

ફોર્મ સબમિટ કરતા પહેલા બધી વિગતો બે વાર તપાસો જેથી ખાતરી થાય કે કોઈ ભૂલો નથી.

છેલ્લે ફી ચૂકવો અને તમારી કિસ્વેસ્ટ સબમિટ કરો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ