તમારા કામનું / ઘરે બેઠાં PNG માટે કરો આ રીતે એપ્લાય, મળશે 7 જ દિવસમાં કનેક્શન!

PNG Gas Connection In India: સરકાર મુજબ કોઈપણ નવા PNG કનેક્શનને 7 દિવસની અંદર મંજૂરી આપવાનો નિર્દેશ અપાયો છે. આનો હેતુ વધુ લોકોને એલપીજીથી પીએનજી પર શિપ્ટ કરવાનો છે.

મધ્ય પૂર્વમાં તણાવને કારણે દેશમાં એલપીજી સિલિન્ડરની અછત વચ્ચે સરકારે એક મોટો નિર્ણય લીધો છે. સરકારના જણાવ્યા મુજબ કોઈપણ નવા પીએનજી કનેક્શનને 7 દિવસની અંદર મંજૂરી આપવી આવશ્યક છે. આનો હેતુ વધુ લોકોને એલપીજીથી પીએનજી પર સ્વિચ કરવા માટે પ્રોત્સાહિત કરવાનો છે. અહેવાલો અનુસાર તાજેતરના સમયમાં પીએનજી કનેક્શનની માંગ ઝડપથી વધી છે, અને ટૂંકા ગાળામાં મોટી સંખ્યામાં નવા કનેક્શન જારી કરવામાં આવ્યા છે. સૌથી મહત્વની વાત એ છે કે તમારે હવે પીએનજી કનેક્શન માટે ક્યાંય જવાની જરૂર નથી. તમે તમારા મોબાઇલ ફોનથી ઑનલાઇન અરજી કરી શકો છો, ફક્ત ગેસ કંપનીની વેબસાઇટ અથવા એપ્લિકેશનની મુલાકાત લઈને તમારી વિગતો ભરીને અને જરૂરી દસ્તાવેજો અપલોડ કરવાના રહેશે.

PNG કનેક્શન માટે કયા દસ્તાવેજો જરૂરી ?

પીએનજી કનેક્શન માટે ઓળખના પુરાવા તરીકે આધાર કાર્ડ, પાન કાર્ડ, મતદાર આઇડી અથવા પાસપોર્ટ જરૂરી છે. વધુમાં સરનામાના પુરાવા માટે વીજળી બિલ, ટેલિફોન બિલ, રેશન કાર્ડ અથવા પ્રોપર્ટી ટેક્સ જેવા દસ્તાવેજો જરૂરી છે. તમે ભાડાના મકાનમાં રહો છો, તો તમારે મકાનમાલિકનું એનઓસી અને ભાડા કરાર પણ આપવો જરૂર પડશે. પીડીએફ અથવા જેપીઇજી ફોર્મેટમાં પાસપોર્ટ-કદનો ફોટો તૈયાર કરવો પણ મહત્વપૂર્ણ છે.

PNG માટે ઑનલાઇન કેવી રીતે અરજી કરવી?

ઑનલાઇન અરજી પ્રક્રિયા એકદમ સરળ છે. પ્રથમ કંપનીની વેબસાઇટ અથવા એપ્લિકેશનની મુલાકાત લો અને "ઓનલાઇન અરજી" વિકલ્પ પસંદ કરો. આગળ ઘરેલું પીએનજી કનેક્શન સિલેક્ટ કરો અને તમારા વિસ્તારમાં સેવાની ઉપલબ્ધતા તપાસવા માટે તમારો પીન કોડ દાખલ કરો. જો તમારા વિસ્તારમાં પાઇપલાઇન ઉપલબ્ધ હોય તો રજિસ્ટ્રેશન ફોર્મ ભરો અને જરૂરી દસ્તાવેજો અપલોડ કરો. આ પછી સુરક્ષા ડિપોઝિટ જરૂરી છે, જે સામાન્ય રીતે 5,000 થી 7,000 સુધીની હોય છે. ચુકવણી પર તમને એક અરજી નંબર અથવા રેફરન્સ નંબર પ્રાપ્ત થાય છે, જે તમને તમારી અરજીની સ્થિતિને ટ્રૅક કરવા કામ લાગે છે.

આ પણ વાંચો: ''પેટ્રોલ-ડીઝલ અને ગેસની...'', મિડલ ઈસ્ટ સંકટ વચ્ચે લોકસભામાં PM મોદીનું મોટું નિવેદન

પેમેંટ અને વેરિફિકેશનમાં હોય છે અંતર

પીએનજી કનેક્શન માટેની અરજી પ્રક્રિયા અલગ-અલગ કંપનીઓમાં થોડી બદલાય છે. કેટલીક કંપનીઓ અરજી કરતી વખતે ફી જમા કરાવવાની જરૂર પડે છે, જ્યારે અન્ય કંપનીઓ પછીથી ચુકવણીનો વિકલ્પ આપે છે. ઘણી કંપનીઓ હપ્તામાં સુરક્ષા ડિપોઝિટ ચૂકવવાનો વિકલ્પ પણ આપે છે. ચકાસણી માટે કેટલીક કંપનીઓ આધાર-આધારિત ઇ કેવાયસી દ્વારા પ્રક્રિયા તાત્કાલિક પૂર્ણ કરે છે, જ્યારે અન્ય દસ્તાવેજો ચકાસવા માટે ઘરે સર્વે ટીમ મોકલે છે. આ પછી જ પાઇપલાઇન ઇન્સ્ટોલેશનનું કામ શરૂ થાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ