તમારા કામનું / 300 યુનિટ વીજળી ફ્રી, દમદાર સબસિડી, મોદી સરકારની આ સ્કીમ છે જોરદાર!

PM Surya Ghar Scheme : કેન્દ્ર સરકારની પીએમ સૂર્ય ઘર: મફત વીજળી યોજના હેઠળ દેશભરમાં 50.06 લાખથી વધુ ઘરોમાં રૂફટોપ સોલાર પ્લાન્ટ લગાવવામાં આવ્યા છે. આ યોજના હેઠળ લાભાર્થીઓને 300 યુનિટ મફત વીજળી અને ભારે સબસિડી મળે છે.

ઉર્જા મંત્રાલયે એક નિવેદનમાં જણાવ્યું હતું કે યોજના શરૂ થયા પછીના બે વર્ષમાં 50 લાખથી વધુ ઘરોમાં રૂફટોપ સોલાર પ્લાન્ટ લગાવવામાં આવ્યા છે. મંત્રાલયે જણાવ્યું હતું કે ₹75,021 કરોડના ખર્ચે આ યોજનાએ રૂફટોપ સોલાર ક્ષમતાના વિસ્તરણને વેગ આપ્યો છે. માહિતી અનુસાર છેલ્લા નવ મહિનામાં આ પ્લાન્ટ્સની સ્થાપનાની ગતિ 3.2 ગણી વધી છે, જેમાં ઓક્ટોબર 2025 માં 5,038 થી વધીને જુલાઈ 2026 માં આશરે 16,328 થઈ છે.

જુલાઈ 2026 માં 5.06 લાખ ઘરોમાં છત પર રૂફટોપ સોલાર પ્લાન્ટ લગાવવામાં આવ્યા હતા, જે અત્યાર સુધીનો સૌથી વધુ માસિક આંકડો છે. મંત્રાલયે જણાવ્યું હતું કે ડીબીટી દ્વારા યોજનાના લાભાર્થીઓને અત્યાર સુધીમાં ₹28,024 કરોડની સબસિડી આપવામાં આવી છે. આના પરિણામે આશરે 19 લાખ પરિવારોના વિજળી બીલ શૂન્ય થઇ ગયા છે.

આજની તારીખમાં આ યોજના હેઠળ 14.8 ગીગાવોટ રૂફટોપ સોલાર ક્ષમતા સ્થાપિત કરવામાં આવી છે. વધુમાં 34,219 રજિસ્ટર્ડ સેલર્સનું નેટવર્ક વિકસાવવામાં આવ્યું છે, જેમાંથી 29,469 સક્રિય છે, અને 2.32 લાખથી વધુ લોકોને તાલીમ આપવામાં આવી છે. સરકારી ઇમારતો પર સોલાર રૂફટોપ સોલાર પ્લાન્ટ્સ સ્થાપિત કરવાની પહેલ હેઠળ કેન્દ્ર અને રાજ્ય સરકારો દ્વારા ઓળખાયેલી 1.06 લાખ ઇમારતોમાં પ્લાન્ટ્સ સ્થાપિત કરવામાં આવ્યા છે.

કેવી રીતે અરજી કરવી?

પ્રથમ https://consumer.pmsuryaghar.gov.in/ પર સત્તાવાર વેબસાઇટની મુલાકાત લો. પ્રથમ સ્ટેપમાં તમારો મોબાઇલ નંબર દાખલ કરો અને તેને OTP સાથે ચકાસો. સફળ ચકાસણી પછી તમારું નામ દાખલ કરો, તમારું રાજ્ય અને જિલ્લો પસંદ કરો, અને બાકીની માહિતી ભરો. આગળ તમારું ઇમેઇલ આઇડી દાખલ કરો, તેને ઓટીપી સાથે વેરિફાઇ કરી પછી તમારી પ્રોફાઇલ સેવ કરો.

સ્ટેપ 2

વેંડર પસંદગીવાળા પોપ -અપ પર 'Yes' પર ક્લિક કરો, જો તમે ઇચ્છો છો કે વિક્રેતા તમારા માટે અરજી ભરે તો અન્યથા, 'ના' પર ક્લિક કરો.

સ્ટેપ 3

'Apply for Solar Rooftop' પર ક્લિક કરો. આ પછી રાજ્ય, જિલ્લો, ડિસ્કોમ અને ગ્રાહક નંબર પસંદ કરો. જરૂરી માહિતી આપમેળે ભરવા માટે 'fetch details' પર ક્લિક કરો. પછી અરજી પૂર્ણ કરવા અને સબમિટ કરવા માટે 'Next' બટન પર ક્લિક કરો.

સ્ટેપ 4

એકવાર તમને શક્યતા મંજૂરી મળી જાય, પછી વિક્રેતા પસંદ કરો અને સબસિડી મેળવવા માટે તમારી બેંક વિગતો સબમિટ કરો.

સ્ટેપ 5

પ્લાન્ટ ઇન્સ્ટોલેશન પૂર્ણ થયા પછી, વિક્રેતા તમને (ગ્રાહકને) ચકાસણી માટે ઇન્સ્ટોલેશન માહિતી પ્રદાન કરે છે અને પછી તેને ડિસ્કોમને સબમિટ કરે છે.

આ પણ વાંચોઃ ક્રાઈમ / બાપ રે..! 32 સેકન્ડમાં માર્યા 34 ઘા, પતિ છું કહીને સ્કૂલમાં ઘૂસ્યો અને શિક્ષિકા પર તૂટી પડ્યો

સ્ટેપ 6

ડિસ્કોમ ઇંસ્પેક્શન કરે છે અને ગ્રાહકને નિરીક્ષણ માહિતી પ્રદાન કરે છે. પછી ગ્રાહક સબસિડી ક્લેમ કરે છે અને તેને NPIA ને સબમિટ કરે છે.

સ્ટેપ 7

તમારી સબસિડી મંજૂર થાય છે, તો પૈસા 30 દિવસની અંદર બેંક ખાતામાં જમા થાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ