8th Pay Commission / કેન્દ્રીય કર્મીઓને ક્યારે મળશે એરિયર્સ? જાણો વિવિધ પગારપંચના આંકડા

8th pay commission: કેન્દ્રીય કર્મચારીઓ અને પેન્શનરોની નજર 8મા પગાર પંચ હેઠળ પગાર સુધારણા અને બાકી રકમ પર ટકેલી છે. કર્મચારીઓ માંગ કરી રહ્યા છે કે નવા પગાર ધોરણના લાભો 1 જાન્યુઆરી 2026 થી લાગુ કરવામાં આવે. જોકે કમિશનની ભલામણો ક્યારે લાગુ કરવામાં આવશે અને બાકી રકમ ક્યારે ચૂકવવામાં આવશે તે અંગેનો અંતિમ નિર્ણય હજુ બાકી છે.

અપસ્ટોક્સના 13 ઓક્ટોબર 2026 ના રીપોર્ટ મુજબ છેલ્લા ત્રણ પગાર પંચનો ઇતિહાસ દર્શાવે છે કે કર્મચારીઓ માટે બાકી રકમની ગણતરી અને ચુકવણીની તારીખ મહત્વપૂર્ણ હોય છે. 5મા અને 6ઠ્ઠા પગાર પંચમાં મોટી બાકી રકમ ચૂકવી હતી, જ્યારે 7મા પગાર પંચે મોટા બાકી રકમને કારણે થતા નાણાકીય દબાણને ઘટાડવાનો પ્રયાસ કર્યો હતો.

5મા પગાર પંચ હેઠળ બે હપ્તામાં બાકી રકમ ચૂકવવામાં આવી હતી

7મા પગાર પંચના રિપોર્ટમાં જણાવાયું હતું કે 5મા પગાર પંચ હેઠળ બાકી રકમ બે નાણાકીય વર્ષોમાં ચૂકવવામાં આવી હતી. પહેલો હપ્તો 1997-98માં અને બીજો 1998-99માં ચૂકવવામાં આવ્યો હતો. એરિયર ચુકવણીથી સરકારી ખર્ચ પર પણ અસર પડી હી. કુલ સંરક્ષણ મહેસૂલ ખર્ચમાં સંરક્ષણ ક્ષેત્રના પગાર અને ભથ્થાંનો હિસ્સો આશરે 45% થયો, જે અગાઉ આશરે 40-41% હતો.

છઠ્ઠા પગાર પંચમાં મોટી ચુકવણી

છઠ્ઠા પગાર પંચના પાલનમાં બાકી એરયર્સ પેમેન્ટની ચુકવણી પણ સરકાર માટે એક નોંધપાત્ર ખર્ચ હતો. સાતમા પગાર પંચે અગાઉના કમિશનના અનુભવોને ટાંકીને તેના દસ્તાવેજોમાં જણાવ્યું હતું કે બાકી રકમ સરકારી ખર્ચમાં કામચલાઉ વધારો કરી શકે છે. આનાથી નાણાકીય સ્થિરતા અને કિંમતો પર પણ અસર પડી શકે છે.

સાતમા પગાર પંચે નવા પગાર ધોરણનો અમલ ક્યારે કર્યો?

સાતમા પગાર પંચે તેના પગાર સુધારાની અસરકારક તારીખ 1 જાન્યુઆરી 2016 રાખવાની ભલામણ કરી હતી. કર્મચારી સંગઠનોએ માંગ કરી હતી કે તેનો અમલ 1 જાન્યુઆરી 2014 થી કરવામાં આવે, પરંતુ પંચે આ માંગણી સ્વીકારી ન હતી.

સાતમા પગાર પંચમાં ફિટમેન્ટ ફેક્ટર શું હતું? સાતમા પગાર પંચે 2.57 ના ફિટમેન્ટ ફેક્ટરની ભલામણ કરી હતી. આમાંથી 2.25% તે સમયના 125% મોંઘવારી ભથ્થાને મૂળ પગારમાં સમાયોજિત કરવા સંબંધિત હતું, જ્યારે બાકીનો ભાગ લગભગ 14.2% ના વાસ્તવિક વધારાનું ઇંક્રીમેંટ બેસતુ હતું.

8મા પગાર પંચ હેઠળ બાકી એરિયર ક્યારે મળશે?

કર્મચારીઓ 8મા પગાર પંચ લાગુ થયાની તારીખ 1 જાન્યુઆરી 2026 ની અપેક્ષા રાખી રહ્યા છે. આનું કારણ એ છે કે અગાઉના પગાર પંચની જેમ 10-વર્ષના ચક્ર પર આધારિત નવા પગાર સુધારણા માટેની અસરકારક તારીખની ચર્ચા થઈ રહી છે.

આ પણ વાંચોઃ તમારા કામનું / નવો રિચાર્જ પ્લાન લોન્ચ! માત્ર ₹202માં 32 દિવસની વેલિડિટી સાથે કોલિંગ અને ડેટાનો લાભ

આયોગની રચના 3 નવેમ્બર 2025 ના કરવામાં આવી હતી, અને તેને તેની ભલામણો સબમિટ કરવા માટે 18 મહિનાનો સમય આપવામાં આવ્યો છે. તે મુજબ રિપોર્ટ મે 2027 ની આસપાસ આવવાની સંભાવના છે. આ પછી પણ સરકારની સમીક્ષા, મંજૂરી અને સૂચના પ્રક્રિયા પૂર્ણ થવામાં સમય લાગી શકે છે.

જો સરકાર 1 જાન્યુઆરી 2026 થી પગાર સુધારણાની જાહેરાત કરે છે, તો અમલીકરણની તે તારીખથી એરિયર રકમ બની શકે છે, પરંતુ તેની ગણતરી નવા પગાર ધોરણ, મોંઘવારી ભથ્થા, અન્ય ભથ્થાં અને સરકારના અંતિમ નિયમો પર આધારિત રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ