બિઝનેસ / ના હોય, ₹8000 સસ્તી થઇ ચાંદી, તો સોનું કેટલે જઇને અટક્યું? USથી આવ્યા મોટા સમાચાર

ઘરેલું કોમોડિટી બજારમાં સોના અને ચાંદીના ભાવમાં મોટો ઘટાડો જોવા મળ્યો છે. એમસીએક્સ (MCX) પર 4 ડિસેમ્બરના વાયદા માટે ચાંદી 8,000 રૂપિયા સુધી તૂટી ગઈ છે, જે ઘટીને રૂ. 2,10,508 પ્રતિ કિલોની આસપાસ પહોંચી ગઈ છે. આ સાથે જ સોનાની કિંમતમાં પણ ભારે ઘટાડો નોંધાયો છે.

સોના-ચાંદીના તાજા ભાવ

એમસીએક્સ પર 10 ગ્રામ સોનાનો ભાવ રૂ. 2,084 એટલે કે 1.50 ટકા ઘટીને રૂ. 1,46,366 પર આવી ગયો છે. જ્યારે ચાંદી આશરે રૂ. 8,237 એટલે કે 3.76 ટકા ઘટીને રૂ. 2,10,508 પ્રતિ કિલો થઈ ગઈ છે. સોના-ચાંદીમાં આ અચાનક આવેલી મોટી ગિરાવટનું મુખ્ય કારણ આંતરરાષ્ટ્રીય બજારમાં થયેલા પ્રમુખ ફેરફારો છે.

આંતરરાષ્ટ્રીય બજારમાં પણ ભાવ ગગડ્યા

વૈશ્વિક બજારમાં સોનું 1.31 ટકા ઘટીને 4,122.05 ડોલર પ્રતિ ઓંસ પર આવી ગયું છે, જ્યારે ચાંદી 4.18 ટકા ઘટીને 57.035 ડોલર પ્રતિ ઓંસ પર ટ્રેડ થઈ રહી છે.

અમેરિકાના આંકડાઓએ બગાડ્યો ખેલ

બુધવારે અમેરિકામાં ફુગાવાના નવા આંકડા સામે આવ્યા છે, જેમાં સીપીઆઈ (CPI) માં વધારો જોવા મળ્યો છે. સપ્ટેમ્બર મહિનામાં અમેરિકાનો સીપીઆઈ ફુગાવાનો દર મહિને-દર મહિને 0.6% વધ્યો છે. ફુગાવાનો આ આંકડો અપેક્ષા કરતા વધુ રહેવાને કારણે બજારમાં એવી આશંકા ઊભી થઈ છે કે યુએસ ફેડરલ રિઝર્વ વ્યાજદરોમાં ફરી વધારો કરી શકે છે. આ ડરના કારણે સોના અને ચાંદીમાં જોરદાર વેચવાલી (Selling) જોવા મળી છે.

આ પણ વાંચોઃ રાહુલ ગાંધીની અરજીની ખામીઓ દૂર, સુપ્રીમ કોર્ટમાં સુનાવણીની સંભવિત તારીખ સામે આવી

ડોલર મજબૂત થવાથી અસર

આંતરરાષ્ટ્રીય બજારમાં સોના અને ચાંદીનો વેપાર ડોલરમાં થાય છે. ડોલર મજબૂત થવાને કારણે અન્ય દેશોના ખરીદદારો માટે કિંમતી ધાતુઓ મોંઘી બની જાય છે, જેનાથી તેની માંગ પર દબાણ વધ્યું છે. આ ઉપરાંત, જો અમેરિકામાં વ્યાજદરો ઊંચા રહે છે અથવા વધે છે, તો રોકાણકારો માટે વ્યાજ આપતા બોન્ડ્સ વધુ આકર્ષક બને છે. જેના કારણે સુરક્ષિત રોકાણ મનાતા સોના અને ચાંદીના ભાવમાં ઘટાડો થયો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ