પ્રવાસ / હવે દુબઇ-અબુ ધાબી ફરવા જશો તો આ સેવા મળશે ફ્રી, દુનિયામાં સૌપ્રથમ આવો પ્રયોગ

યૂએઈના અધિકારીઓએ જાણકારી આપતાં કહ્યું કે ઓળખ અને નાગરિકતાની બાબતોની જાહેરાત કરતાં કહ્યું કે પર્યટકોને ફ્રીમાં મળનારા સિમ કાર્ડની વેલિડિટી એક મહિના સુધી રહેશે. જો પર્યટક પોતાના વીઝા સમયને વધારે છે તો તે સિમ કાર્ડ પણ જાતે જ અપડેટ થઈ જશે.

એક રિપોર્ટ અનુસાર અધિકારીઓ અને ટેલીકોમનાઉની સાથે થયેલા કરાર પર મંગળવારે અબુ ધાબીમાં કર્નલ ખમીસ અલ કાબી, મુસાનાદા સેવાઓના કાર્યકારી નિર્દેશક અને ટેલીકોમના નેતાઓ વચ્ચે હસ્તાક્ષર કરવામાં આવ્યા હતા. 

લિતાનીએ જણાવ્યું કે અહીં પ્રવાસીઓ આવશે ત્યારે પાસપોર્ટ કંટ્રોલ ઓફિસરની તરફથી તેમને ગિફ્ટ રૂપે સિમ કાર્ડ આપવામાં આવશે. તેમાં ડેટા અને ટોક ટાઈમ હશે. જેને તમે દેશમાં ક્યાંય પણ રિચાર્જ કરાવી શકો છો. તેઓએ પર્યટકો માટે આ નવી સેવાના લાગૂ કરી છે જે લગભગ એક વર્ષ સુધી કાર્યરત રહેશે. પ્રવાસીઓ જ્યાં સુધી દેશમાં રહેશે ત્યાં સુધી તે કામ કરશે. જો પ્રવાસી વીઝાનો સમય વધારે છે તો તેનો સમય પણ આપમેળે વધશે. આ કાર્ડ મેળવવા માટે કોઈ ડોક્યૂમેન્ટ્સની પણ જરૂર રહેતી નથી.

ઇમીગ્રેશન પર પ્રવાસીઓ જ્યારે કાર્ડને મોબાઈલમાં ઇન્સર્ટ કરશે ત્યારે તેઓએ પોતાની ઓળખ અને આવ્યાની તારીખ ભરવાની રહેશે. ત્યારબાદ તેમનો ફોન ચાલુ થઈ જશે. ફક્ત 2 મિનિટની અંદર જ પર્યટક આ સુવિધાનો ઉપયોગ કરી શકશે. આ પ્રયોગ દુનિયામાં પહેલી વાર કરવામાં આવી રહ્યો છે. 
 

ફોટો સૌજન્ય - Social Media