સ્થાનિક સ્વરાજ્યની ચૂંટણી / મતદાન કરો અને પેટ્રોલમાં 5 રુપિયાની છૂટ, ગુજરાતમાં આ ઠેકાણે પેટ્રોલ પંપે કરી અનોખી પહેલ

પોરબંદર જિલ્લાના રાણાવાવમાં મતદાન જાગૃતિ માટે અનોખી પહેલ કરવામાં આવી છે. બિલેશ્વર મહાદેવ પેટ્રોલ પંપ દ્વારા મતદારોને પ્રોત્સાહિત કરવા માટે ખાસ ઓફર જાહેર કરવામાં આવી છે, જે હાલમાં ચર્ચાનો વિષય બની છે.

મતદાન કર્યાનું નિશાન બતાવો અને મેળવો ડિસ્કાઉન્ટ

આ પહેલ અંતર્ગત જે કોઈ મતદાર પોતાનું મતદાન પૂર્ણ કર્યા પછી આંગળી પર લાગેલું શાહીનું નિશાન (ઇંક માર્ક) બતાવશે, તેને પેટ્રોલ ભરાવતી વખતે પ્રતિ લીટર 5 રૂપિયાનું ડિસ્કાઉન્ટ આપવામાં આવશે. પેટ્રોલ પંપના સંચાલકે જણાવ્યું કે, આ પહેલનો મુખ્ય ઉદ્દેશ લોકોને મતદાન માટે પ્રેરિત કરવાનો છે અને લોકશાહી પ્રત્યે તેમની જવાબદારી નિભાવવામાં પ્રોત્સાહન આપવાનો છે.

પેટ્રોલ પંપે મતદારો માટે આકર્ષક ઓફર જાહેર કરી

સંચાલકએ વધુમાં ઉમેર્યું કે, મતદાન દરેક નાગરિકનો અધિકાર અને ફરજ છે. અમે ઈચ્છીએ છીએ કે વધુમાં વધુ લોકો મતદાન પ્રક્રિયામાં ભાગ લે અને મજબૂત લોકશાહી માટે પોતાનો યોગદાન આપે.

આ પણ વાંચોઃ ગુજરાતમાં કાળઝાળ ગરમીની આગાહી, અમદાવાદ,ગાંધીનગરમાં તાપમાન 43 ડિગ્રીને પાર

સ્થાનિક લોકોમાં આ ઓફરને લઈને ઉત્સાહ જોવા મળી રહ્યો છે. ઘણા મતદારો આ પહેલને આવકાર આપી રહ્યા છે અને તેને કારણે મતદાન ટકાવારીમાં વધારો થવાની આશા વ્યક્ત કરવામાં આવી રહી છે. આ પ્રકારની નવીન પહેલો મતદાન પ્રત્યે જાગૃતિ લાવવામાં મહત્વપૂર્ણ સાબિત થઈ શકે છે અને અન્ય વિસ્તારો માટે પણ પ્રેરણારૂપ બની શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ