દિવાળી 2019 / ફરસીપૂરી તો બહુ ખાધી, આ વર્ષે દિવાળીના નાસ્તામાં બનાવો સાતપડી પૂરી, મોંઢામાં રહી જશે સ્વાદ!

Published By: Bhushita

Last Updated: 09:25 AM, 19 October 2019

FOLLOW ON

શેર કરો

દિવાળીની સીઝન શરૂ થવાને લગભગ એક અઠવાડિયાનો સમય બાકી છે ત્યારે દરેક ઘરમાં હવે દિવાળીમાં શું નાસ્તા બનાવવા તેની તૈયારીઓ શરૂ થઈ હશે. જો તમે પણ નાસ્તાને લઈને મૂંઝવણમાં છો તો તમે આ વર્ષે પરંપરાગત રીતે બનાવવામાં આવતી ફરસીપૂરીના બદલે સાતપડની પૂરી નાસ્તા માટે બનાવી શકો છો.

સાતપડી પૂરી ખૂબ જ સોફ્ટ હોય છે અને તે દેખાવમાં પણ સુંદર લાગે છે. નમકીન ગણાતી આ પૂરી તમે મહેમાનોને ચાની સાથે સર્વ કરી શકો છો. જાણી લો કઈ રીતે બનાવશો આ સાતપડી પૂરી.

સાતપડી પૂરી

સામગ્રી

2 કપ ઘઉંનો લોટ
2 કપ મેંદો
2 ચમચી શેકેલું જીરુ અને અજમો
2 ચમચો તેલ મોણ માટે
2 ચમચી અધકચરા ખાંડેલા મરી
મીઠું સ્વાદાનુસાર
તેલ તળવા માટે

રીત

સૌપ્રથમ લોટ અને મેંદાને સાથે ચાળી લો. તેમાં મીઠું, મરી, શેકેલું જીરૂં અને અજમો નાખી સારી રીતે મિક્સ કરી લો. હવે મોણ માટે તેલ ઉમેરી અને પાણી વડે લોટ બાંધી લો. રોટલીના લોટથી સહેજ કડક લોટ બાંધો. બાંધેલા લોટમાંથી મોટા મોટા રોટલા વણી લો. હવે ચોખાનો લોટ અને ઘી ભેળવીને બનાવેલો સાટો આખા રોટલા પર લગાવી રોટલાનો રોલ વાળી દો. આ રોલને નાના ટુકડામાં કાપીને દબાવીને નાની નાની પૂરી વણી લો. ગરમ તેલમાં તળી લો. બંને બાજુથી લાઈટ બ્રાઉન રંગની થાય ત્યાં સુધી તળો. પડવાળી મસ્ત પૂરી તૈયાર થશે. તેને તમે મહેમાનને ચા કે કોફી સાથે આપી શકો છો.

સંકળાયેલા મુદ્દાઓ

DIwali 2019 Recipe Satpadi Puri nasta ગેસ્ટ વેલકમ દિવાળી 2019 નાસ્તા રેસિપી સાતપડી પૂરી Diwali 2019