રેસિપી / શિયાળાની સીઝનમાં હેલ્થ માટે ઉપયોગી છે ગાજરનો સૂપ, આજથી કરો ટ્રાય

સામગ્રી

- 500 ગ્રામ ગાજર 
- 2 મીડીયમ બટાકું
- 2 નાની ડુંગળી 
- 1 ટુકડો આદું 
- 1 કપ વ્હાઈટ સોસ 
- 4 ટીસ્પૂન ક્રીમ 
- 2 ટીસ્પૂન બટર 
- 2 કપ બ્રેડના તળેલા કટકા 
- 2 તમાલપત્ર 
- મીઠું, તજ-મરીનો ભૂકો સ્વાદમુજબ

રીત 

ગાજરને છોલી, ધોઈ, વચ્ચેનો સફેદ ભાગ કાઢી, ઝીણા સમારવા. બટાકા અને ડુંગળીને છોલી ઝીણા સમારવા. એક તપેલીમાં બટર ગરમ કરી, તેમાં તમાલપત્ર નાંખી, તેમાં ૪-૫ કપ પાણી નાંખી ઉકાળવું. પાણી ઉકળે એટલે તમા આદું, ડુંગળી, બટાકા અને ગાજરના ટુકડા નાંખવા. બધું શાક બફાય એટલે ગેસ બંધ કરી, ઠંડુ કરી, બ્લેન્ડરથી એકરસ કરી, સુપના સંચાથી ગાળી લેવું. પછી એક તપેલીમાં સૂપ ગરમ કરવા મુકવો. સૂપ ઉકળે અને થોડો ઘટ્ટ થાય એટલે તેમાં વ્હાઈટ સોસ, તજ-મરીનો ભૂકો અને મીઠું નાંખી, બરાબર મિક્સ કરી, ગેસ બંધ કરવો. એક બાઉલમાં સૂપ કાઢી, તેમાં થોડું ક્રીમ, લીલાં ધાણાં અને થોડા બ્રેડના ટુકડા નાંખી, ગરમ-ગરમ સૂપ આપવો.