જો તમે ખાવાની સાથે હેલ્થને પણ મહત્વ આપો છો તો તમે કેળાની બરફી અને વેઢમીને ટ્રાય કરી શકો છો. આ સ્વીટ ડિશ નાના મોટા સૌને પસંદ આવી શકે છે. કેળાએ કેલ્શિયમ માટેનો સૌથી સારો સોર્સ ગણાય છે. જો તમને સીધી રીતે કેળા ખાવાનું પસંદ ન હોય તો તમે તેને આ રીતે પણ ઉપયોગમાં લઈ શકો છો. આ વાનગીઓ બનાવવાનું પણ ખૂબ સરળ છે.
કેળાંની છાલ ઉતારીને તેને મેશ કરી લો. હવે મેશ કરેલા કેળાંને દૂધ સાથે એક પેનમાં ત્યાં સુધી પકાવો. જ્યાં સુધી તે ડ્રાય ન થઈ જાય. હવે તેમાં ઘી ઉમેરો અને જ્યાં સુધી મિશ્રણનો રંગ બ્રાઉન ન થાય ત્યાં સુધી સતત હલાવતા રહો. હવે તેમાં ખાંડ અને છીણેલું નાળિયેર ઉમેરો. સાથે અખરોટ પણ મિક્સ કરો. હવે ગેસની આંચ પરથી નીચે ઉતારી લો. એક પ્લેટમાં ઘી લગાડીને તેને ગ્રિસ કરો અને તેના પર આ મિશ્રણ પાથરી લો. તેને પ્લેટમાં એકસમાન રીતે ફેલાવી દો. એકવાર બરફી ઠંડી પડે પછી તેના જોઈતા આકાર અને માપના ટુકડા કરી લો. ડ્રાય ફ્રૂટ સાથે ગાર્નિશ કરીને સર્વ કરો.