રેસિપી / કૅલ્શિયમથી ભરપૂર છે કેળાંની બરફી અને વેઢમી, નાના મોટાં સૌને ભાવશે

કેળાંની બરફી

સામગ્રી

- 6 મોટા પાકા કેળાં
- 2 કપ દૂધ
- 3 કપ ખાંડ
- 3 ટીસ્પૂન ઘી
- 100 ગ્રામ નારિયેળ
- 1 કપ ક્રશ અખરોટ

રીત

કેળાંની છાલ ઉતારીને તેને મેશ કરી લો. હવે મેશ કરેલા કેળાંને દૂધ સાથે એક પેનમાં ત્યાં સુધી પકાવો. જ્યાં સુધી તે ડ્રાય ન થઈ જાય. હવે તેમાં ઘી ઉમેરો અને જ્યાં સુધી મિશ્રણનો રંગ બ્રાઉન ન થાય ત્યાં સુધી સતત હલાવતા રહો. હવે તેમાં ખાંડ અને છીણેલું નાળિયેર ઉમેરો. સાથે અખરોટ પણ મિક્સ કરો. હવે ગેસની આંચ પરથી નીચે ઉતારી લો. એક પ્લેટમાં ઘી લગાડીને તેને ગ્રિસ કરો અને તેના પર આ મિશ્રણ પાથરી લો. તેને પ્લેટમાં એકસમાન રીતે ફેલાવી દો. એકવાર બરફી ઠંડી પડે પછી તેના જોઈતા આકાર અને માપના ટુકડા કરી લો. ડ્રાય ફ્રૂટ સાથે ગાર્નિશ કરીને સર્વ કરો.

કેળાંની વેઢમી

સામગ્રી

- 3 કપ ઘઉંનો લોટ 
- 5 નંગ પાકા કેળાં
- 3 ચમચી એલચીનો પાઉડર
- 3 ચમચી જાયફળનો પાઉડર
- 1 કપ બુરું ખાંડ  
- જરૂર પ્રમાણે તેલ 
- જરૂર પ્રમાણે ઘી

રીત

કેળાંને છૂંદીને તેમાં પૂરણની બધી સામગ્રી ભેગી કરો. લોટમાં મોણ જેટલું તેલ ભેળવી ગરમ પાણીથી કણક બાંધો. તેમાંથી પાતળી રોટલી વણી વચ્ચે કેળાંનું પૂરણ મુકીને રોટલી વણી લો. ત્યાર પછી બંને બાજુ કોરી શેકી લો અને ઉપર ઘી લગાવી ગરમગરમ વેઢમીનો સ્વાદ માણો.