કામની વાત / આજથી 24 જુલાઈ સુધી આ રૂટ પરથી પસાર થનારી ટ્રેનો રદ, જોઇ લેજો લિસ્ટ

શું તમને પણ એવું લાગે છે કે એકવાર ટ્રેનની કન્ફર્મ ટિકિટ મળી જાય, પછી માત્ર મુસાફરીના દિવસે સ્ટેશન પર પહોંચીને આરામથી મુસાફરી થાય છે? જો એમ હોય, તો આવી વિચારસરણી તમને ભારે પડી શકે છે, કારણ કે રેલવે ઘણીવાર જરૂરી કામકાજને લીધે ટ્રેન સંચાલનમાં ફેરફાર કરતી હોય છે.જો તમે આગામી દિવસોમાં ટ્રેન દ્વારા મુસાફરી કરવાનું આયોજન કરી રહ્યા હોય, તો કૃપા કરીને નોંધ લો કે સેન્ટ્રલ રેલવેના કરજત-લોનાવાલા ઘાટ સેક્શનમાં લેન્ડસ્લાઇડના કારણે હાલમાં ટ્રેક સમારકામની કામગીરી ચાલી રહી છે. પરિણામે, રેલવેએ કેટલીક ટ્રેનો રદ કરવાનો નિર્ણય લીધો છે. આજથી એટલે કે 18 જુલાઈથી 24 જુલાઈ સુધી ટ્રેન સેવાઓ પ્રભાવિત થશે.

કઇ કઇ ટ્રેનો રેલ્વેએ કરી કેન્સલ?

• ટ્રેન નંબર 11028 સતારા-દાદર 18, 20, 21 અને 25 જુલાઈના રોજ રદ રહેશે.
• ટ્રેન નંબર 22944 ઈન્દોર-દૌંડ 18 થી 24 જુલાઈ દરમિયાન રદ રહેશે.
• ટ્રેન નંબર 11027 દાદર-સતારા 19, 20 અને 24 જુલાઈના રોજ રદ રહેશે.
• ટ્રેન નંબર 20496 હડપસર-જોધપુર 18 થી 24 જુલાઈ દરમિયાન દોડશે નહીં.
• ટ્રેન નંબર 20495 જોધપુર-હડપસર 18 થી 24 જુલાઈ દરમિયાન દોડશે નહીં.
• ટ્રેન નંબર 22732 છત્રપતિ શિવાજી મહારાજ ટર્મિનસ - હૈદરાબાદ 18 થી 24 જુલાઈ દરમિયાન દોડશે નહીં.
• ટ્રેન નંબર 22731 હૈદરાબાદ–છત્રપતિ શિવાજી મહારાજ ટર્મિનસ 18 થી 24 જુલાઈ દરમિયાન દોડશે નહીં.
• ટ્રેન નંબર 22943 દૌંડ–ઈન્દોર 18 થી 24 જુલાઈ દરમિયાન રદ રહેશે.
• ટ્રેન નંબર 22157 છત્રપતિ શિવાજી મહારાજ ટર્મિનસ (મુંબઈ)–ચેન્નાઈ સેન્ટ્રલ 18 થી 24 જુલાઈ દરમિયાન રદ કરવામાં આવી છે.
• ટ્રેન નંબર 11042 શિરડી-દાદર 19, 22, 23 અને 24 જુલાઈના રોજ દોડશે નહીં.
• ટ્રેન નંબર 11041 દાદર-શિરડી 18, 21, 22 અને 23 જુલાઈના રોજ દોડશે નહીં.
• ટ્રેન નંબર 22158 ચેન્નાઈ સેન્ટ્રલ-છત્રપતિ શિવાજી મહારાજ ટર્મિનસ 18 થી 24 જુલાઈ દરમિયાન રદ રહેશે.

આ પણ વાંચોઃ દેશની સૌથી મોટી પરીક્ષા એજન્સીમાં નોકરીનો મોકો, સેલરી 2,00,000 સુધી

સફર પહેલા કરો આ કામ

રેલવેએ મુસાફરોને સલાહ આપી છે કે સ્ટેશન પર પહોંચ્યા પછી કોઈ અગવડતા ન પડે તે માટે તેઓ સ્ટેશન માટે નીકળતા પહેલા ટ્રેનની તાજેતરની સ્થિતિ તપાસી લે. આ માટે તમે રેલવેના હેલ્પલાઇન નંબરનો પણ ઉપયોગ કરી શકો છો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ