બ્રેકિંગ ન્યુઝ
બ્રેકિંગ ન્યુઝ
8 ફોટો ગેલેરી
Last Updated: 12:59 PM, 18 July 2026
FOLLOW ON
શેર કરો
1/8
રાજ્યના અનેક વિસ્તારોમાં હાલમાં છૂટાછવાયા વરસાદી ઝાપટાં પડી રહ્યા છે પરંતુ આગામી સપ્તાહથી વરસાદી માહોલ વધુ સક્રિય બનવાની સંભાવના વ્યક્ત કરવામાં આવી છે. હવામાન નિષ્ણાત અંબાલાલ પટેલના જણાવ્યા અનુસાર, 22 જુલાઈ બાદ વરસાદનો બીજો તબક્કો શરૂ થશે અને 27 થી 30 જુલાઈ દરમિયાન રાજ્યના અનેક ભાગોમાં ભારે વરસાદ વરસી શકે છે. ખાસ કરીને દક્ષિણ અને મધ્ય ગુજરાતમાં સારા વરસાદની શક્યતાઓ જોવા મળી રહી છે.
આ તસવીર શેર કરો
2/8
અંબાલાલ પટેલના જણાવ્યા પ્રમાણે 20 જુલાઈ સુધી રાજ્યમાં હળવાથી મધ્યમ અને છૂટાછવાયા વરસાદી ઝાપટાં પડતા રહેશે. કેટલાક વિસ્તારોમાં વાદળછાયું વાતાવરણ રહેશે, જ્યારે કેટલાક વિસ્તારોમાં સામાન્ય વરસાદ નોંધાઈ શકે છે. ત્યારબાદ વરસાદની ગતિ ધીમે ધીમે વધવાની સંભાવના છે.
આ તસવીર શેર કરો
3/8
22 જુલાઈ બાદ વરસાદની નવી સિસ્ટમ સક્રિય થતાં રાજ્યમાં વરસાદનું જોર વધશે. 27 થી 30 જુલાઈ વચ્ચે અનેક જિલ્લાઓમાં ભારે વરસાદ પડી શકે છે. આ સમયગાળા દરમિયાન નદી-નાળાઓમાં પાણીની આવક પણ વધી શકે છે અને ખેડૂતો માટે પણ આ વરસાદ લાભદાયી સાબિત થઈ શકે છે.
આ તસવીર શેર કરો
4/8
દક્ષિણ ગુજરાતમાં ભારે વરસાદની સંભાવના વ્યક્ત કરવામાં આવી છે. મધ્ય ગુજરાતના વડોદરા, આણંદ અને ખેડા સહિતના વિસ્તારોમાં પણ સારો વરસાદ થઈ શકે છે. કેટલાક વિસ્તારોમાં 4 ઈંચ કે તેથી વધુ વરસાદ નોંધાવાની શક્યતા હોવાનું જણાવાયું છે.
આ તસવીર શેર કરો
5/8
અમદાવાદ અને ગાંધીનગરમાં હળવાથી ભારે વરસાદના ઝાપટાં પડી શકે છે. ઉત્તર ગુજરાતમાં સામાન્યથી લઈને 3 ઈંચ સુધી વરસાદ થવાની સંભાવના છે. કચ્છ અને ઉત્તર સૌરાષ્ટ્રના વિસ્તારોમાં પણ હળવાથી ભારે વરસાદ નોંધાઈ શકે છે.
આ તસવીર શેર કરો
6/8
દ્વારકા, પોરબંદર અને જામનગર સહિતના દરિયાકાંઠાના વિસ્તારોમાં વધુ વરસાદી ઝાપટાં પડવાની શક્યતા છે. આ વિસ્તારોમાં પવનની ગતિ પણ વધી શકે છે. માછીમારો અને દરિયાકાંઠાના વિસ્તારોમાં રહેતા લોકોને હવામાનની અપડેટ પર નજર રાખવાની સલાહ આપવામાં આવી રહી છે.
આ તસવીર શેર કરો
7/8
અંબાલાલ પટેલના જણાવ્યા અનુસાર ઓગસ્ટ મહિનાની શરૂઆતમાં પણ અણધાર્યા વરસાદી ઝાપટાં પડી શકે છે. 9 ઓગસ્ટ બાદ ભારે વરસાદની શક્યતાઓ વધુ મજબૂત બનશે. સમગ્ર ઓગસ્ટ મહિના દરમિયાન રાજ્યમાં સારો વરસાદ થવાની સંભાવના છે, જેના કારણે કૃષિ ક્ષેત્રને મોટો લાભ મળી શકે છે.
આ તસવીર શેર કરો
8/8
પેસિફિક મહાસાગરમાં MGOની સ્થિતિ નબળી પડતાં બંગાળની ખાડી ફરી સક્રિય બની રહી છે. હાલમાં એક નવી સિસ્ટમ બનવાની શક્યતા છે અને 24 જુલાઈ બાદ વધુ એક વરસાદી સિસ્ટમ વિકસિત થઈ શકે છે. આ સિસ્ટમોના કારણે ગુજરાત સહિત પશ્ચિમ ભારતના વિસ્તારોમાં વરસાદની ગતિવિધિ વધશે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
