દર્દી ક્યાં જાય ? / મહીસાગરના સામુહિક આરોગ્ય કેન્દ્રમાં તાવ માપવા માટે થર્મોમીટર નથી, જાગૃત દર્દીએ વીડિયો કર્યો વાયરલ

મહીસાગરના સામુહિક આરોગ્ય કેન્દ્રમાં તાવ માપવા માટે થર્મોમીટર પણ ઉપલબ્ધ નથી એ સ્થિતિ છે.. આ આરોગ્ય કેન્દ્ર મહિસાગરનું વરધરી આરોગ્ય કેન્દ્ર છે.. જેનો વીડિયો સોશિયલ મીડિયા પર વાયરલ થયો છે. આ આરોગ્ય કેન્દ્ર પર એક પિતા પોતાના પુત્રનો તાવ મપાવવા માટે આવ્યા હતા અને ત્યારે એ વાત સામે આવી હતી કે આરોગ્ય કેન્દ્રમાં તાપ માપવા માટેના થર્મોમીટર જેવું એક તદ્દન સામાન્ય સાધન પણ નથી. એક જાગૃત દર્દીએ આરોગ્ય કેન્દ્રમાં થર્મોમીટર પણ ઉપલબ્ધ ન હોવાનો વીડિયો વાયરલ કર્યો હતો.

નવાઇની વાત એ છે કે પુત્રને કેટલો તાવ છે તે મપાવવા માટે આવેલા પિતાને આરોગ્ય કેન્દ્રના મેડિકલ ઓફિસરે એક કલાક સુધી ગોળ-ગોળ વાતો કરી ફેરવે રાખ્યા હતા અને મશીન આવે છે , હમણા આવી જશે જેવી વાતો કરી હતી.

View this post on Instagram

A post shared by VTV Gujarati News and Beyond (@vtv_gujarati_news)

આ પણ વાંચોઃ ગુજરાત યુનિવર્સિટી ફરી ચર્ચામાં: સમય રૈના અને રણવીર અલ્હાબાદિયાના પોસ્ટરથી સર્જાયો વિવાદ, જાણો સમગ્ર મામલો

આટલા મોટા આરોગ્ય કેન્દ્રમાં સુવિધાના નામ પર તાવ માપવાનું એક સામાન્ય થર્મોમીટર પણ ન હોય તે વાત આ આરોગ્ય કેન્દ્રને લઇને અનેક સવાલો ઉભા કરે છે. જો આટલી સુવિધા પણ ન હોય તો અહીં આવતા દર્દીઓને બીજી શું સુવિધા મળવાની અપેક્ષા રાખી શકાય.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ