જાણી લો / ચૂંટણીપંચે ઈલેકટોરલ બોન્ડની 763 પેજની 2 યાદી કરી અપલોડ, વર્ષ 2017-18નો ડેટા સાર્વજનિક

ચૂંટણી પંચે 16 માર્ચે સુપ્રીમ કોર્ટની રજિસ્ટ્રીમાંથી મળેલા ઈલેક્ટોરલ બોન્ડના નવા ડેટા રવિવારે તેમની ઓફિસિયલ વેબસાઈટ પર અપલોડ કર્યા હતા. નવા ડેટામાં નાણાકીય વર્ષ 2017-18 માટે બોન્ડની માહિતીનો સમાવેશ કરવામાં આવ્યો છે. 14 માર્ચે કમિશને 763 પેજની બે લિસ્ટ જાહેર કર્યા હતા. જેમાં એપ્રિલ 2019 પછી ખરીદેલા અથવા રોકડ કરાયેલ બોન્ડ વિશેની માહિતી વેબસાઇટ પર અપલોડ કરી હતી. એક યાદીમાં બોન્ડ ખરીદનારાઓની માહિતી છે જ્યારે બીજી યાદીમાં રાજકીય પક્ષોને મળેલા બોન્ડની માહિતી છે.

ચૂંટણી બોન્ડમાં કોને કેટલા મળ્યા ?
સુપ્રીમ કોર્ટના નિર્દેશો પર સ્ટેટ બેંક ઓફ ઈન્ડિયા (SBI) એ 14 માર્ચે ચૂંટણી પંચને બોન્ડ સંબંધિત માહિતી આપી હતી. તેમાં બોન્ડના અનન્ય આલ્ફા ન્યુમેરિક નંબરો નહોતા. કોર્ટે SBIને 15 માર્ચે નોટિસ પાઠવીને 18 માર્ચ સુધીમાં જવાબ માંગ્યો હતો. ચૂંટણી પંચના ડેટા અનુસાર ભાજપે કુલ રૂપિયા 6 હજાર 986 કરોડના ઈલેક્ટોરલ બોન્ડને રોક્યા છે. પાર્ટીને 2019-20માં સૌથી વધુ 2 હજાર 555 કરોડ રૂપિયા મળ્યા છે. જ્યારે ડીએમકેને ચૂંટણી બોન્ડ દ્વારા રૂ. 656.5 કરોડ મળ્યા હતા. જેમાં લોટરી કિંગ સેન્ટિયાગો માર્ટિન્સ ફ્યુચર ગેમિંગના રૂ. 509 કરોડનો પણ સમાવેશ થાય છે.

સમગ્ર યાદી વાંચવા અહીં ક્લિક કરો

વાંચવા જેવું: BIG NEWS: બે રાજ્યોમાં મતગણતરીની તારીખમાં ફેરફાર, આ કારણે ચૂંટણીપંચે લીધો નિર્ણય

બોન્ડ્સના યુનિક નંબર
ચૂંટણી પંચની વેબસાઇટ પર ઉપલબ્ધ ડેટા અનુસાર કેટલાક પક્ષોએ એસબીઆઈ પાસેથી બોન્ડના યુનિક નંબરો માંગ્યા છે. તૃણમૂલ કોંગ્રેસે કહ્યું છે કે તેમને નંબરોની જરૂર છે જેથી તે સુપ્રીમ કોર્ટના નિર્દેશોનું પાલન કરી શકે. ભારતીય જનતા પાર્ટીએ SBIને આવી કોઈ અપીલ કરી નથી, પરંતુ તેમણે સંપૂર્ણ ડેટા આપ્યો છે. બહુજન સમાજ પાર્ટીએ કહ્યું કે, તેમને ચૂંટણી બોન્ડ દ્વારા કોઈ દાન મળ્યું નથી. કમ્યુનિસ્ટ પાર્ટી ઓફ ઈન્ડિયા (માર્કસવાદી) એ પણ કહ્યું કે તેમને પણ ચૂંટણી બોન્ડમાંથી દાન મળ્યું નથી. કોંગ્રેસે કહ્યું કે તે SBI દ્વારા ચૂંટણી પંચને આપવામાં આવેલ ડેટા જાહેર કરશે.
VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો