ક્રાઈમ / ભુજના રણમાં જુગારનો અડ્ડો ઝડપાયો, પોલીસે 11 લોકો સાથે 7 લાખનો મુદ્દામાલ જપ્ત કર્યો, 8 જુગારીઓ ફરાર

ભુજના બેરડો એકલ રણમાં પધ્ધર પોલીસનો જુગારધામ પર દરોડો પાડ્યો હતો. અંધારામાં અંદાજે 7 કિ.મી. પગપાળા ચાલી પોલીસે રેડ કરી હતી અને જુગાર રમતા 11 આરોપીઓને ઝડપી પાડ્યાં હતા. પોલીસે કુલ રૂ. 7.55 લાખનો મુદ્દામાલ જપ્ત કર્યો છે જેમાં રોકડા રૂ. 1.90 લાખ સહિત 10 મોબાઈલ ફોન પણ સામેલ છે. તે ઉપરાંત 5 ટુ-વ્હીલર-ફોર-વ્હીલર વાહનો પણ પોલીસે જપ્ત કર્યા હતા. જુગારની રેડ દરમિયાન 8 આરોપીઓ પોલીસને ચકમો આપી ફરાર થયા હતા.

પોલીસે અંધારા 7 કિમી ચાલીને જુગાર પર રેડ કરી

ભુજ તાલુકાના નાના વરનોરાના સુલેમાન ઈબ્રાહિમ મમણ અને ભુજના બોલાડી ગામના ઈબ્રાહિમ કરીમ મંધરિયાએ પાર્ટનરશીપમાં જુગાર ક્લબ શરૂ કરી હોવાની પોલીસને બાતમી હતી. બેઉ જણ બહારથી જુગારીઓને રમવા માટે બોલાવી, જુગાર રમવાની સગવડો પૂરી પાડી પૈસા ઉઘરાવતા હતા. નિર્જન રણ વિસ્તાર હોઈ પોલીસના વાહનોની હેડલાઈટ્સ જોઈ ખેલીઓ નાસી છૂટવાની પૂરી સંભાવના હતી. જેથી પધ્ધર પોલીસની રેઈડીંગ પાર્ટીએ વાહનો મૂકીને પગપાળા જવાનું નક્કી કર્યું હતું. અંદાજે ૭ કિલોમીટર સુધી અંધારામાં પગપાળા ચાલ્યાં બાદ મધરાતે બે વાગ્યે પોલીસની નજર રણમાં ઊભેલી એક બોલેરો પિકઅપ પર પડી હતી. ગોળ કુંડાળે બેસીને ખેલીઓ એલઈડી લાઈટના અજવાળે પાસા ફેંકી જુગાર રમતાં હતા પોલીસ નજીક પહોંચતાં બધા ખેલીઓએ નાસી છૂટવા દોટ મૂકેલી.

વધુ વાંચો : VIDEO : ગરબામાં જ ભાજપ નેતાએ છોકરીને માર્યો ધક્કો, વીડિયો વાયરલ, FIR દાખલ કરાઈ

11 આરોપીઓ ઝડપાયા, 8 ફરાર

પોલીસની રેડ પડતાં જુગારીઓમાં ખળભળાટ મચ્યો હતો. પોલીસે 11 આરોપીઓની ધરપકડ કરી હતી તો 8 ફરાર થયા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ