નેશનલ / તમિલનાડુમાં આકાશ ચીરતો વિશાળ ટોર્નેડો, રૂંવાટી ઉભી કરી દેતો Video વાયરલ

તમિલનાડુના તૂતીકોરિનમાંથી કુદરતનું એક અદભૂત અને ડરામણું દૃશ્ય સામે આવ્યું છે. સ્થાનિક લોકો આકાશમાં દેખાયેલી અનોખી ઘટનાને જોઈ આશ્ચર્યચકિત થઈ ગયા હતા. વાયરલ વીડિયોમાં વાદળોમાંથી જમીન તરફ ઉતરતી ફરતી હવાની નળી જેવી રચના જોવા મળે છે. થોડા જ સમયમાં આ રચના ભયાનક બવંડરનું સ્વરૂપ ધારણ કરે છે. આ દૃશ્યે લોકોમાં ભારે ઉત્સુકતા અને ચર્ચા જગાવી છે.

તૂતીકોરિનમાં દેખાયો દુર્લભ ટોર્નેડો

તમિલનાડુના તૂતીકોરિન જિલ્લામાં આકાશમાં એક દુર્લભ ટોર્નેડો જોવા મળ્યો છે. આ ઘટનાનો વીડિયો સોશિયલ મીડિયા પર ખૂબ વાયરલ થઈ રહ્યો છે. વીડિયોમાં વાદળોમાંથી નીચે તરફ આવતી અને ઝડપથી ફરતી હવાની નળી સ્પષ્ટ જોવા મળે છે.

શું છે આ રહસ્યમય ઘટના?

હવામાન નિષ્ણાતોના જણાવ્યા અનુસાર, આ સામાન્ય પવનનો વંટોળ કે ચક્રવાત નથી. દૃશ્યોના આધારે તેને 'લેન્ડસ્પાઉટ ટોર્નેડો' તરીકે ઓળખવામાં આવી રહ્યો છે. આ પ્રકારનો ટોર્નેડો ખૂબ જ દુર્લભ માનવામાં આવે છે.

View this post on Instagram

A post shared by Sambhaav Nascent LLP (@vtv_gujarati_news)

લેન્ડસ્પાઉટ ટોર્નેડો કેવી રીતે બને છે?

જ્યારે જમીનની નજીક રહેલી હવા અચાનક ઝડપથી ગોળાકાર રીતે ફરવા લાગે છે, ત્યારે લેન્ડસ્પાઉટ બનવાની પ્રક્રિયા શરૂ થાય છે. હવાની ગતિ વધતા તે ઉપર તરફ ઊઠે છે અને વાદળો સાથે જોડાઈ જાય છે. દૂરથી જોતા તે એક વિશાળ ફરતી નળી જેવી દેખાય છે, જે પછી ટોર્નેડોનું સ્વરૂપ ધારણ કરે છે.

આ પણ વાંચોઃ જાણો, રામ મંદિરમાંથી શું શું ચોરાયું? 150 લોકોની થઇ પૂછપરછ, 4 ચોરના નામ આવ્યાં સામે

વીડિયોમાં જોવા મળ્યો કુદરતનો રૌદ્ર અવતાર

વાયરલ વીડિયોમાં જોવા મળે છે કે ફરતી હવાની આ નળી જમીનને સ્પર્શતા જ ધૂળ, માટી અને અન્ય કચરો ઝડપથી ઉપર ઉડવા લાગે છે. આ દૃશ્ય ખૂબ જ ભયાનક અને રોમાંચક લાગતું હતું. જોકે, સદનસીબે આ ઘટનાથી કોઈ મોટા નુકસાનના સમાચાર સામે આવ્યા નથી.

ભારતમાં ક્યાં જોવા મળે છે ટોર્નેડો?

ભારતમાં ટોર્નેડો જેવી કુદરતી ઘટનાઓ બહુ ઓછી જોવા મળે છે. સામાન્ય રીતે પશ્ચિમ બંગાળ અને ઓડિશા જેવા રાજ્યોમાં પ્રી-મોન્સૂન સીઝન દરમિયાન આવા બવંડરો સર્જાતા હોય છે. તમિલનાડુમાં આવી ઘટના જોવા મળવી ખૂબ જ અસામાન્ય માનવામાં આવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ