કરિયર / SSC સિલેક્શન પોસ્ટમાં પડી ભરતી,10-12 અને ગ્રેજ્યુએટ યુવા કરી શકે છે એપ્લાય

SSC ની તૈયારી કરી રહેલા લોકો માટે સારા સમાચાર આવ્યા છે. જેમાં સ્ટાફ સિલેક્શન કમિશને ફેઝ 14 ભરતી પરીક્ષા માટે એક સૂચના બહાર પાડી છે, જેનાથી અરજી પ્રક્રિયા શરૂ થઈ ગઈ છે. જે ઉમેદવારો પાત્રતા માપદંડોને પૂરી કરે છે અને સરકારી નોકરી શોધી રહ્યા છે તેઓ SSC ની સત્તાવાર વેબસાઇટ, ssc.gov.in ની મુલાકાત લઈને ફોર્મ ભરી શકે છે. જેમાં ફોર્મ ભરવાની છેલ્લી તારીખ 4 મે 2026 છે.

• ભરતીની મહત્વપૂર્ણ તારીખો
  આ ભરતીમાં ઓનલાઈન અરજી 13 એપ્રિલ 2026 થી શરૂ થઇ છે. જેમાં અરજી ફોર્મ ભરવાની છેલ્લી તારીખ 4 મે 2026 રખાઈ છે. તો અરજી ફી જમા કરવાની છેલ્લી તારીખ 5 મે 2026 રખાઈ છે. ફોર્મમાં સુધારા કરવાની તારીખ 11-13 મે 2026 રખાઈ છે. સીબીટી પરીક્ષા તારીખ જૂન 2026 રખાઈ છે.
  

જનરલ, OBC અને EWS કેટેગરીના ઉમેદવારોએ અરજી સાથે 100 રૂપિયાની અરજી ફી ચૂકવવાની રહેશે. SC/ST અને PH કેટેગરીના ઉમેદવારો આ ભરતી માટે મફતમાં અરજી કરી શકે છે.

ભરતી વિગતો
આ ભરતી પ્રક્રિયા દ્વારા કુલ 3003 ખાલી જગ્યાઓ ભરવામાં આવશે. જેમાંથી 1534 જગ્યાઓ જનરલ માટે, 667 જગ્યાઓ ઓબીસી માટે, 271 જગ્યાઓ ઇડબ્લ્યુએસ માટે, 346 જગ્યાઓ એસસી માટે અને 185 જગ્યાઓ એસટી માટે રીઝર્વ છે.

• પાત્રતા અને માપદંડ
  આ ભરતીમાં ભાગ લેવા માટે ઉમેદવારોએ પદના આધારે માન્ય બોર્ડ/સંસ્થામાંથી 10મું/12મું/ગ્રેજ્યુએશન પાસ કરેલું હોવું જોઈએ. પદના આધારે મીનીમમ વય મર્યાદા 18 વર્ષ અને મહત્તમ વય મર્યાદા 25/28/30 વર્ષ રખાઈ છે. છે. જેમાં અનામત કેટેગરીના ઉમેદવારોને નિયમો અનુસાર ઉપલી વય મર્યાદામાંથી છૂટછાટ આપવામાં આવી છે.
  

વધુ વાંચો : ઇન્ડિયન બેંકમાં સ્પેશિયાલિસ્ટ ઓફિસરના પદો પર પડી ભરતી, જાણો લાયકાતથી લઇ તમામ વિગત

• અરજી ફોર્મ કેવી રીતે ભરવું
  

1. પહેલા સત્તાવાર વેબસાઇટ, ssc.gov.in પર જાઓ.
2. હોમ પેજ પર અરજી કરો લિંક પર ક્લિક કરો અને પછી ભરતી સંબંધિત લિંક પર ક્લિક કરો.
3. અહીં "New User? Register Now"" લિંક પર ક્લિક કરો અને જરૂરી માહિતી દાખલ કરીને રજિસ્ટ્રેશન કરો.
4. આ લિંકને અનુસરીને, લોગિન દ્વારા બીજી વિગતો ભરીને અરજી પ્રોસેસ પૂરી કરો.
5. અરજી ફી ચૂકવો અને ભરેલા ફોર્મનું પ્રિન્ટઆઉટ લો અને તેને સુરક્ષિત રાખો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ