રાજકારણ / હવે આ પૂર્વોત્તર રાજ્યની કમાન સંભાળશે સોનિયા અને રાહુલ ગાંઘી, મોડી રાતે બેઠક કરીને લીધા મોટા નિર્ણય

• મેઘાલયના પૂર્વ સીએમ સાથે સોનિયા ગાંધીની બેઠક 
• સોનિયા ગાંધી અને રાહુલ ગાંધીએ મોડી રાતે કરી બેઠક 
• પાર્ટીમાં ચટાલી રહેલા મતભેદોને દૂર કરવા વિનંતી કરી 

સોનિયા ગાંધી અને રાહુલ ગાંધીએ મેઘાલયના પૂર્વ મુખ્યમંત્રી મુકુલ સંગમા અને રાજ્ય પાર્ટી પ્રમુખ વિન્ટેસ એચ પાલા સાથે સોમવાર મોડી રાતે બેઠક કરી હતી. આ દરમિયાન બંને વચ્ચે ચાલી રહેલા મતભેદોને દૂર કરવાનો પ્રયાસ કરવામાં આવ્યો હતો. 

દરેક મુદ્દાઓ પર વિસ્તાર પૂર્વક કરી ચર્ચા 

સંગમાંએ આ બેઠકને સકારાતમ્ક ગણાવી સાથેજ કહ્યું કે રાહુલ ગાંધી અને સોનિયા ગાંધી સાતે જે મુદ્દા સુધારા કરવા જોઈએ તે મુદ્દાઓ પર વિસ્તાર પૂર્વક ચર્ચા કરવામાં આવી હતી. સાતેજ તેમણે કહ્યું જે પણ ચર્ચા કરવામાં આવી છે તે ચર્ચા ઘણી જરૂરી હતી. સાથેજ તેમણે કહ્યું કે દરેક પક્ષોને તે સુનિશ્ચિત કરવું જરૂરી હતું કે આદર્શો સાથે ચેડા ન કરવામાં આવે. 

ધારાસભ્યો બીજી પાર્ટીમાં જોડાય તેવી શક્યતા 

આપને જણાવી દઈએ કે સંગમાંની સાથે સાથે એક ડઝન કોંગ્રેસી ધારાસભ્ય તૃણમૂલ કોંગ્રેસમાં સામેલ થવાની યોજના બનાવી રહ્યા છે. જેની જાણ સોનિયા ગાંધી અને રાહુલ ગાંધીને થતા તેઓ તેમને મળવા પહોચ્યા અને તેમની સાથે બેઠક થઈ હતી. જોકે આ બેઠકમાં સંગમાંએ કહ્યું કે તેઓ તૃણમૂલ કોંગ્રેસમાં શામેલ નથી થવાના 

વિધાનસભા પેટાચૂંટણી પહેલા મતભેદો દૂર કરવાનો આગ્રહ 

ઉલ્લેખનીય છે કે સમગ્ર મામલે સોનિયા ગાંધીએ 30 ઓક્ટોબરે જે વિધાનસભાની પેટાચૂંટણી થવાની છે તેની પહેલાજ બંને નેતાઓને અંદરોઅંદર ચાલી રહેલા મતભેદો દૂર કરવા જણાવ્યું છે. એવું માનવામાં આવી રહ્યું છે સંગમાએ પાલાનું નામ રાજ્ય પ્રમુખ તરીકે જાહેર કર્યું હતું જે મામલે પાર્ટીએ તેમનું નામ બહાર કાઢ્યું જેથી તેમણે નારાજગી વ્યક્ત કરી હતી.