ટેક્નોલોજી / પર્સનલ ટ્રેનરનું કામ કરશે Smart Mirror, ઘરે જ મળશે વર્કઆઉટ અને યોગાની ટ્રેનિંગ

• ખાસ ટેકનોલોજીથી સજ્જ સ્માર્ટ મિરર ટૂંક સમયમાં વૈશ્વિક બજારમાં લોન્ચ થશે
• આ સ્માર્ટ મિરર પર્સનલ જીમ ટ્રેનરની જેમ કામ કરશે
• સ્માર્ટ મિરર વિવિધ એકસર્સાઇઝ ઉપરાંત યોગની પણ ટ્રેનીંગ આપશે

ઇન્ટરેક્ટિવ ફિટનેસ કંપનીએ અનોકો સ્માર્ટ મિરર (અરીસો) તૈયાર કર્યો છે. જે પહેલી નજરે તો એક સામાન્ય અરીસા જેવો જ લાગે છે. પરંતુ તે યુઝર્સને અનેક રીતે ઉપયોગી સાબિત થઇ શકે છે. આ સ્માર્ટ મિરરમાં એલસીડીમાં ડિસ્પ્લે છે. એકસર્સાઇઝ કરતા લોકો માટે આ સ્માર્ટ મિરર પર્સનલ જીમ ટ્રેનરની જેમ કામ કરશે. 

એટલું જ નહીં આ અનોખું ડિવાઇસ યુઝર્સને ફિટનેસ ટ્રેનિંગ આપવાની સાથે તેઓ ફિટનેસ માટે મોડિવેટ પણ કરશે એટલે કે નિયમિત કસરત કરવા માટે પ્રેરણા પણ આપશે. જોકે શરુઆતમાં સ્માર્ટ મિરર મોંઘા હશે. તેની કિંમત રુપિયા એક લાખની આસપાસ હોવાનું કહેવાય છે. મિરર બનાવનાર કંપનીએ જોકે કિંમત અંગે હજુ સ્પષ્ટતા કરી નથી.

યુઝર ખાસ પ્રકારની એપ્લિકેશનની મદદથી આ સ્માર્ટ મિરરને ઓપરેટ કરી શકશે. સ્માર્ટ મિરર વિવિધ એકસર્સાઇઝ ઉપરાંત યોગની પણ ટ્રેનીંગ આપશે. તેમાં કેમેરા, ઓડિયો અને માઇક્રોફોન પણ છે. યુઝર પોતાની એકટિવિટી રકોર્ડ કરી શકશે. વોઇસ આસીસ્ટન્ટથી મિરરને કમાન્ડ આપી શકશે તેમજ ગીત-સંગીતનો આનંદ પણ માણી શકશે.