ટ્રાયલ / 7 માર્ચે અમદાવાદમાં સંભળાશે સાયરનનો અવાજ, પણ ડરતાં નહીં, જાણો શું કારણ

અમદાવાદમાં 7 માર્ચના રોજ શહેરના આકાશમાં સાયરનનો અવાજ સંભળાવાનો છે. આ અવાજ કોઈ આફત અથવા ઈમરજન્સી માટે નહીં, પરંતુ નવી સાયરન સિસ્ટમના ટેસ્ટિંગ માટે રહેશે. તેથી સાયરનનો અવાજ સંભળાય ત્યારે નાગરિકોએ ગભરાવાની જરૂર નથી અને તેને માત્ર ટ્રાયલ પ્રક્રિયા જ છે.

સાયરન કેમ વગાડવામાં આવશે.

અમદાવાદ કમાન્ડન્ટ અને નાયબ પોલીસ અધિક્ષખ એ.એ.શેખે જણાવ્યું હતું કે, નાગરિક સંરક્ષણ તંત્ર દ્વારા નવા આધુનિક સાયરનોની ખરીદી કરવામાં આવી રહી છે. આ ખરાદી પહેલા સાયરનની કાર્યક્ષમતા તેમજ તેના અવાજની મર્યાદા ચકાસવા માટે ટેસ્ટિંગ કરવામાં આવનાર છે. આ ટેસ્ટિંગનો મુખ્ય હેતુ આપતકાલિન સ્થિતિમાં સાયરન કેટલા અસરકારક છે તે ચકાસવાનો છે.

ટેસ્ટિંગ ક્યાં કરવામાં આવશે

લાલ દરવાજા કે તેની આસપાસના વિસ્તારમાં તમે રહેતા હોવ અથવા ત્યાંથી જવાના હોવ તો 07 માર્ચ 2026ના રોજ સવારે 8:00 થી 10:00 કલાકે હોમગાર્ડ્ઝ ભવન, લાલ દરવાજા, અમદાવાદ. આ બે કલાક દરમિયાન સમયાંતરે અવાર-નવાર સાયરન વગાડવામાં આવશે.

આ પણ વાંચોઃ ગુજરાત સરકારે જરૂરી દવાની યાદીમાં ફેરફાર કર્યો, 150 દવાનો ઉમેરો, કુલ થઈ 1479

તંત્ર દ્વારા નાગરિકોને અપીલ કરી

અમદાવાદ મ્યુનિસિપલ કોર્પોરેશન અને આપત્તિ વ્યવસ્થાપન તંત્ર દ્વારા જણાવવામાં આવ્યું હતું કે, આ સાયરન કોઈ દુર્ઘટના કે કટોકટીનો સંકેત નથી. જેથી કોઈએ પણ કોઈ પ્રકારની અફવા પર ધ્યાન આપવું નહીં. લોકોમાં ગભરાટ ન ફેલાય તે માટે અગાઉથી જાણ કરવામાં આવી છે. તેમજ નવા આધુનિક સાયરન આવવાથી ભવિષ્યમાં કોઈ પણ કુદરતી કે માનવસર્જિત આપત્તિ સમયે નાગરિકોની સુરક્ષાના ભાગરૂપે ઉપયોગ કરી શકાય.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ