ચેકિંગ ટિપ્સ / આ રીતે બને છે નકલી મિલાવટી માવો, સ્વાદ અને ખાંડની મદદથી 7 રીતે જાતે જ કરો ઓળખ

જો તમે પણ માર્કેટમાંથી મીઠાઈ માટે માવો ખરીદવાનું વિચારી રહ્યા છો તો તમારે કેટલીક નાની ટિપ્સ યાદ રાખી લેવી અને પછી જ તે માવો ખરીદવો જોઈએ. હાથમાં થોડો માવો લઈને ઘસવાથી પણ તમે માવો અસલી છે કે નકલી તે જાણી શકો છો, આ સિવાય તેને ખરીદતી સમયે તેને ટેસ્ટ કરવાથી પણ માવાની ઓળખ કરી શકાય છે. તો જાણી લો આવી જ કેટલીક ટિપ્સ અને પછી ખરીદો અસલી માવો. 

• મીઠાઈ માટેનો માવો ખરીદતા પહેલાં  અપનાવો આ ટિપ્સ
• સિમ્પલ ટિપ્સથી ઓળખી લો નકલી માવો
• નકલી માવાથી થાય છે અનેક મોટી બિમારીઓ

માવો અસલી છે કે નકલી તે આ ટિપ્સથી ઓળખો

• માવામાં થોડી ખાંડ નાંખીને તેને ગરમ કરો. જો તેમાંથી પાણી છૂટે છે તો તેમાં મિલાવટ છે.
• નકલી માવાની ઓળખ માટે ટિંચર આયોડિનના 5-7 ટીપાં અને 5-4 દાણા ખાંડ લો અને તેને ગરમ કરી માવામાં ભેળવો. રંગ બદલાય તો માવો નકલી છે. 
• થોડો માવો લઇને હથેળી પર રગડો. અસલી માવો ચિકાશ સાથે દેશી ઘી જેવી સ્મેલ આપશે, જ્યારે નકલી માવામાંથી અલગ જ સ્મેલ આવશે. 
• થોડો માવો ટેસ્ટ કરો. અસલી માવો મોઢામાં ચોંટશે નહીં, જ્યારે નકલી માવો ચોંટી જશે.
• માવો અસલી હશે તો તેમાંથી કાચા દૂધ જેવો સ્વાદ આવે છે.
• મિલાવટી માવામાં પાણી નાંખીને ફેંટવામાં આવે તો તે ટુકડામાં વહેંચાઇને અલગ થઇ જાય છે. જ્યારે અસલી માવો પાતળો થઇને પાણીમાં મિક્સ થઇ જાય છે.
• થોડો માવો ખાઇને જુઓ, જો તેમાં દાણા બને છે તો તેમાં મિલાવટ હોઇ શકે છે. 

કેવી રીતે બને છે મિલાવટી માવો?

• શક્કરિયા, શિંગોડાનો લોટ, બટાકા અને મેંદાનો ઉપયોગ કરાય છે. વજન વધારવા માટે સ્ટાર્ચ અને બટાકા મિક્સ કરવામાં આવે છે.
• દૂધમાં યૂરિયા સિવાય ડિર્ટજન્ટ પાવડર અને ખરાબ ક્વોલિટીનું ડાલડા ઘી મિક્સ કરીને નકલી માવો બનાવવામાં આવે છે.

નકલી અથવા તો મિલાવટી માવાથી થાય છે આ તકલીફો

મિલાવટી માવાથી પેટ દર્દ, ડાયરિયા, મરોડા આવવા, પેટમાં ભારેપણું, એસિડિટી, ઇનડાઇજેશન જેવી સમસ્યાઓ આવે છે. આ માવો વધારે પ્રમાણમાં ઉપયોગમાં લેવાય તો ઇન્ટરનલ ઓર્ગન્સ પર ખરાબ અસર પડે છે. તેનું  કારણ એ છે કે તેમાં લિટમસ પેપર મિક્સ કરવામાં આવે છે. જે પાણીને શોષવાની ક્ષમતા રાખે છે. માવામાં ખરાબ ક્વોલિટીના સોલિડ મિલ્કનો પ્રયોગ કરવામાં આવે છે. તેમાં ટેલકમ પાવડર, ચૂનો, ચોક અને સફેદ કેમિકલ્સ જેવી ચીજો મિક્સ કરવામાં આવે છે. આવામાં માવાથી બનેલી મિઠાઇઓ કિડની અને લિવર પર ખરાબ અસર કરે છે. એટલું જ નહીં તેનાથી કેંસર, ફૂડ પોઇઝનિંગ, વોમિટિંગ અને ડાયરિયા જેવી બીમારીઓ પણ થઇ શકે છે. નકલી માવાની ઓળખ કોઇ મુશ્કેલ કામ નથી. ઘર પર જ સરળતાથી તેની મિલાવટ ચેક કરી શકાય છે.