IPL2022 / IPL માં ગબ્બરે રચ્યો ઇતિહાસ, કર્યું એવું કારનામું કે આજ સુધી કોઈ કરી નથી શક્યું.

• શિખરે IPLમાં રચ્યો ઈતિહાસ
• પહેલો ચોગ્ગો મારતા જ ઊંચાઈઓ હાંસલ કરી
• IPLમાં અત્યાર સુધી કોઈ નથી કરી શક્યું આ કામ

IPL 2022માં પંજાબના ટૂર્નામેન્ટથી બહાર જતા પહેલા ટીમ ઓપનર શિખર ધવને પોતાના નામનો એક ખાસ રેકોર્ડ બનાવી જ લીધો છે. તે IPLમાં 700 ચોગ્ગા મારનાર પ્રથમ બેટ્સમેન બન્યો છે. તેણે પોતાની પ્રથમ ચાર ઇનિંગ્સમાં આ ખાસ સિદ્ધિ મેળવી હતી.

શિખર ધવન પ્રથમ સિઝનથી જ IPLથી જોડાયેલા છે. અત્યાર સુધી તે 206 મેચ રમી ચૂક્યા છે. આ મેચમાં તેઓ એ 701 ચોગ્ગા અને 136 સિક્સર ફટકાર્યા છે. તેઓ IPLમાં 6 હજારથી વધુ રન બનાવી ચુક્યા છે. આ બાબતમાં તેઓ બીજા નંબર પર આવે છે. વિરાટ કોહલી 6592 રન સાથે પ્રથમ ક્રમાંક પર છે.

શિખર ધવને ગત રાતે યોજાયેલ મુકાબલામાં સનરાઈઝ વિરુદ્ધ 39 રનની ઇનિંગ રમી હતી. આ ઈનિંગમાં તેઓએ 2 ચોગ્ગા અને 2 સિક્સર ફટકાર્યા હતા. આ ઈનિંગ પહેલા તેમના નામે 699 ચોગ્ગા હતા. તેઓ IPL માં સૌથી વધુ ચોગ્ગા ફટકારવા વાળા લાંબા સમયથી ટોપ પર ચાલી રહ્યા છે.

આ છે IPLમાં સૌથી વધુ ચોગ્ગા ફટકારવા વાળા TOP 5 બેટ્સમેન

શિખર ધવન - 701 ચોગ્ગા
વિરાટ કોહલી - 576 ચોગ્ગા
ડેવિડ વોર્નર - 561 ચોગ્ગા
રોહિત શર્મા - 519 ચોગ્ગા
સુરેશ રૈના - 506 ચોગ્ગા

દક્ષિણ આફ્રિકા સિરીઝમાં શિખરને કોઈ તક ન મળી

શિખર ધવન IPLના સીઝનમાં અદભૂદ રીતે રમી રહ્યાં છે. તેણે 14 મેચમાં 38.33ની બેટિંગ એવરેજથી 460 રન બનાવ્યા. તેઓ આ સિઝનમાં સૌથી વધુ રન બનાવવા વાળા TOP - 5 બેટ્સમેનમાં શામેલ છે. એવામાં માનવામાં આવી રહ્યું હતુ કે, IPLના પછી તરત જ યોજાનારી દક્ષિણ આફ્રિકા શ્રેણીમાં શિખરને ટીમ ઈન્ડિયામાં સામેલ કરવામાં આવશે પરંતુ તેમ થયું નહીં. તેઓને ટીમથી બાર રાખવામાં આવ્યો. શિખરનું નામ ઈંગ્લેન્ડ પ્રવાસ પર જઈ રહેલી ટેસ્ટ ટીમમાં પણ નથી.