તમારા કામનું / SBIમાં ભરતી પડી છે, જલ્દી કરો, નહીંતર ચૂકી જશો છેલ્લી તારીખ, સેલરી 1 લાખ સુધી!

બેંકિંગ ક્ષેત્રમાં નોકરી કરવા માંગતા લોકો માટે મોટા સમાચાર આવ્યા છે. ભારતની સૌથી મોટી સરકારી બેંક સ્ટેટ બેંક ઓફ ઈન્ડિયા (SBI)માં સ્પેશિયાલિસ્ટ ઓફિસરની 122 જગ્યાઓની ભરતી પડી છે. જેમાં લાયક અને રસ ધરાવતા ઉમેદવારો તેની ઓફિશિયલ વેબસાઇટ sbi.bank.in પર જઈને ઓનલાઈન અરજી કરી શકે છે. અરજી પ્રોસેસ આજથી એટલે કે 11 સપ્ટેમ્બર 2025 થી શરૂ થઈ ગઈ છે. જેમાં અરજી કરવાની છેલ્લી તારીખ 2 ઓક્ટોબર 2025 છે.

• કઈ પોસ્ટ પર કેટલી ભરતી?
  

1. મેનેજર (ક્રેડિટ એનાલિસ્ટ) - 63 જગ્યાઓ
2. મેનેજર (પ્રોડક્ટ્સ - ડિજિટલ પ્લેટફોર્મ) - 34 જગ્યાઓ
3. ડેપ્યુટી મેનેજર (પ્રોડક્ટ્સ - ડિજિટલ પ્લેટફોર્મ) - 25 જગ્યાઓ
   

• એજ્યુકેશનલ ક્વોલિફીકેશન
  

આ ભરતી માટે અરજી કરનારા ઉમેદવારો પાસે સંબંધિત પોસ્ટ મુજબ માન્ય સંસ્થામાંથી સ્નાતક અને માસ્ટર ડિગ્રી હોવી જોઈએ. લાયકાત અને અન્ય સંબંધિત વધુ માહિતી માટે ઉમેદવારો તેની ઓફિશિયલ વેબસાઇટ પર જારી કરાયેલ ઓફિશિયલ નોટિફિકેશન ચેક કરી શકે છે.

• વય મર્યાદા
  આ ભરતીમાં અરજી કરનારા ઉમેદવારોની લઘુત્તમ અને મહત્તમ ઉંમર નક્કી કરવામાં આવી છે. તો અનામત કેટેગરીમાંથી આવતા ઉમેદવારોને નિયમો અનુસાર મહત્તમ વય મર્યાદામાં છૂટછાટ આપવામાં આવશે. જેમાં મેનેજર (ક્રેડિટ એનાલિસ્ટ) - 25 થી 35 વર્ષ, મેનેજર (પ્રોડક્ટ્સ - ડિજિટલ પ્લેટફોર્મ્સ) - 28 થી 35 વર્ષ અને ડેપ્યુટી મેનેજર (પ્રોડક્ટ્સ - ડિજિટલ પ્લેટફોર્મ્સ) - 25 થી 32 વર્ષ નક્કી કરવામાં આવી છે.
  
• અરજી ફી
  

આ ભરતીમાં અરજી કરનારા ઉમેદવારોએ ઓનલાઈન મોડમાં નિર્ધારિત અરજી ફી ચૂકવવાની રહેશે, ત્યારબાદ જ તેમની અરજી સ્વીકારવામાં આવશે. જેમાં જનરલ, OBC, EWS માટે 750 રૂપિયા અને SC, ST, PwBD માટે કોઈ ફી નથી રખાઈ.

• પગાર કેટલો હશે?
  

મેનેજર (ક્રેડિટ એનાલિસ્ટ) 85,920 થી રૂ. 1,05,280 રૂપિયા પ્રતિ માસ, મેનેજર (પ્રોડક્ટ્સ - ડિજિટલ પ્લેટફોર્મ્સ)  85,920 થી 1,05,280 રૂપિયા પ્રતિ માસ અને ડેપ્યુટી મેનેજર (પ્રોડક્ટ્સ - ડિજિટલ પ્લેટફોર્મ્સ) 64,820 થી 93,960 રૂપિયા પ્રતિ માસ પગાર હશે.

• પસંદગી પ્રોસેસ
  

આ ખાલી જગ્યાઓ માટે અરજી કરનારા ઉમેદવારોની પસંદગી લેખિત પરીક્ષા વગર કરવામાં આવશે. જેમાં શોર્ટલિસ્ટિંગ,મેરિટ લિસ્ટ, ઇન્ટરવ્યૂની પ્રક્રિયા સામેલ હશે.

વધુ વાંચો : ગ્રેજ્યુએટને 156000 રૂપિયાનો પગાર મળશે, સરકારી બેંકમાં અધિકારી પદો પર ભરતી

આ રીતે અરજી કરવી

• સૌ પહેલા ઉમેદવારોએ ઑફિશિયલ વેબસાઇટ sbi.bank.in ની મુલાકાત લેવી.
  
• હોમપેજ પર ગયા બાદ કરિયર ટેબ પર ક્લિક કરવું.
  
• પછી એક નવું પેજ ખુલશે, ત્યાં કરંટ ઓપનિંગ પર ક્લિક કરવું.
  
• ત્યારબાદ એક નવું પેજ ખુલશે તમે જે પોસ્ટ માટે અરજી કરવા માંગો છો તેની લિંક પર ક્લિક કરવું.
  
• પછી એક નવું પેજ ખુલશે ત્યાં રજીસ્ટ્રેશન અને લોગિન કરવું.
  
• અહીંયા ફોર્મમાં પૂછવામાં આવેલી બધી માહિતી દાખલ કરવી.
  
• માંગવામાં આવેલા તમામ ડોક્યુમેન્ટ્સને યોગ્ય સાઈઝમાં અપલોડ કરવા.
  
• ત્યાર બાદ અરજી ફી ચૂકવવી.
  
• પછી ફોર્મ સબમિટ કરવું.
  
• છેલ્લે ફોર્મનું પ્રિન્ટઆઉટ કાઢવુ.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ