ટેક્નોલોજી / પેટ્રોલ-ડીઝલનો ખર્ચ ઓછો કરી દેશે Google Mapsનું આ સેટિંગ! તુરંત કરો ઓન

આજના સમયમાં જ્યારે પણ આપણે કોઈ અજાણ્યા લોકેશન પર કે લાંબી મુસાફરીએ જઈએ છીએ, ત્યારે નેવિગેશન માટે ગૂગલ મેપ્સનો આશરો સૌથી પહેલા લઈએ છીએ. સામાન્ય રીતે ગૂગલ મેપ્સ આપણને ગંતવ્ય સ્થાને પહોંચવા માટે સૌથી ફાસ્ટ અથવા સૌથી ટૂંકો હાઈવે બતાવે છે. પરંતુ ઓટોમોબાઈલ નિષ્ણાતોના મતે, દરેક ટૂંકો રસ્તો ગાડીના એન્જિન અને માઈલેજ માટે સારો હોતો નથી. ઘણીવાર ટૂંકા રસ્તા પર ભારે ટ્રાફિક જામ, વારંવાર બ્રેક મારવાની કે એક્સિલરેશન આપવાની જરૂરિયાત અથવા વધુ ચઢાણવાળા વિસ્તારો હોય છે, જેના લીધે ગાડી અસાધારણ પ્રમાણમાં પેટ્રોલ કે ડીઝલ પી જાય છે. આ જ સમસ્યાનો કાયમી ઉકેલ ગૂગલ મેપ્સના એક ખાસ ફીચરમાં છુપાયેલો છે.

શું છે આ ‘ફ્યુઅલ-એફિશિયન્ટ રૂટ્સ’ ફીચર?

ગૂગલ મેપ્સનું આ સેટિંગ ઓન કરવાથી એપ્લિકેશન તેના આર્ટિફિશિયલ ઇન્ટેલિજન્સ અલ્ગોરિધમનો ઉપયોગ કરીને એવો રૂટ તૈયાર કરે છે જ્યાં વાહન એકધારી સ્પીડ (Smooth Driving) માં ચાલી શકે. આ ફીચર એવા રસ્તાઓ પસંદ કરે છે જ્યાં સિગ્નલ કે ટ્રાફિક ઓછો હોય, જેથી વાહનચાલકે વારંવાર ગિયર બદલવા કે બ્રેક મારવી ન પડે. ઓટોમોબાઈલ સાયન્સનો નિયમ છે કે જ્યારે ગાડી વગર અટક્યે સ્મૂધ ડ્રાઈવિંગ મોડ પર ચાલે છે, ત્યારે જ તે સૌથી શ્રેષ્ઠ માઈલેજ અને ઇંધણની બચત આપે છે.

એક સરળ ઉદાહરણથી સમજો આખું ગણિત

ધારો કે તમારે તમારા ઘરથી ઓફિસ જવા માટે રોજિંદુ 10 કિલોમીટર (10 km) નું અંતર કાપવું પડે છે. જો તમે ગૂગલ મેપ્સનો સામાન્ય શોર્ટકટ રસ્તો પસંદ કરો છો, તો ભારે ટ્રાફિક અને રેડ લાઈટના કારણે તમારી ગાડી ચાલુ બંધ થાય છે અને વધુ ફ્યુઅલ વપરાય છે. પરંતુ જો ગૂગલ મેપ્સ તમને આ ફીચર દ્વારા થોડો લાંબો એટલે કે 11 કે 12 કિલોમીટરનો એવો રસ્તો બતાવે જે બિલકુલ ખાલી હોય અને ગાડી અટક્યા વિના સીધી ચાલી શકે, તો લાંબો રસ્તો હોવા છતાં તમારો કુલ પેટ્રોલ-ડીઝલનો ખર્ચ અને સમય બંને ઘટી જશે.

એન્જિનના પ્રકાર મુજબ કરે છે કામ

આ ફીચરની સૌથી મોટી ખાસિયત એ છે કે તે તમામ ગાડીઓ માટે એક સરખો રસ્તો નથી બતાવતું. ગૂગલ મેપ્સ યુઝરની ગાડીના એન્જિન ટાઈપ પર આધાર રાખે છે. સેટિંગ્સમાં જઈને તમે સિલેક્ટ કરી શકો છો કે તમારી ગાડી પેટ્રોલ છે, ડીઝલ છે કે પછી હાઇબ્રિડ (Hybrid) એન્જિન ધરાવે છે. કારણ કે દરેક પ્રકારના એન્જિનનું ફ્યુઅલ કન્ઝમ્પશન (ઇંધણ વપરાશની ક્ષમતા) ટ્રાફિક અને સ્પીડના આધારે અલગ-અલગ હોય છે. એપ આ તમામ ડેટાનું વિશ્લેષણ કરીને ચોક્કસ એન્જિન માટે સૌથી પરફેક્ટ રૂટ સજેસ્ટ કરે છે.

મોબાઈલમાં કેવી રીતે ઓન કરશો આ સેટિંગ?

ગૂગલ મેપ્સમાં આ ફીચર પહેલેથી જ ઇન-બિલ્ટ ઉપલબ્ધ છે, પરંતુ મોટાભાગના યુઝર્સ તેનાથી અજાણ હોવાને કારણે તેને ઓફ રાખે છે. તેને ઓન કરવાની પ્રક્રિયા ખૂબ જ સરળ છે..

• તમારા સ્માર્ટફોનમાં સૌથી પહેલા Google Maps એપ ઓપન કરો.
• સ્ક્રીનની ઉપર જમણી બાજુએ દેખાતા તમારા પ્રોફાઇલ આઇકોન (Profile Picture) પર ક્લિક કરો.
• હવે નીચે આપેલા Settings ઓપ્શન પર ટેપ કરો.
• સેટિંગ્સ લિસ્ટમાં જઈને Navigation settings ના વિકલ્પ પર ક્લિક કરો.
• ત્યાં તમને Prefer fuel-efficient routes (અથવા ઇંધણ બચત સબંધિત વિકલ્પ) જોવા મળશે, તેની સામેનું બટન ઓન (Toggle On) કરી દો.
• આ સાથે જ તમે તમારી ગાડીના એન્જિનનો પ્રકાર (Engine Type) પણ ત્યાં પસંદ કરી શકો છો.
• આ નાનકડું સેટિંગ પૂર્ણ થતાં જ, હવેથી તમે જ્યારે પણ કોઈ નવી લોકેશન સર્ચ કરશો ત્યારે ગૂગલ મેપ્સ આપમેળે તમને લીલા પાંદડાના લોગો (Leaf Icon) સાથે સૌથી વધુ ઇંધણ બચાવનારો બેસ્ટ રૂટ બતાવવાનું શરૂ કરી દેશે.

વધુ વાંચો : કેન્દ્ર સરકારનો મોટો નિર્ણય, હવે માત્ર આટલી મર્યાદામાં મળશે પેટ્રોલ-ડીઝલ

પર્યાવરણ અને દેશના અર્થતંત્રને પણ ફાયદો

આજના ડિજિટલ યુગમાં જ્યારે કરોડો લોકો રોજિંદા ટ્રાફિક માટે નેવિગેશન એપ્સ વાપરે છે, ત્યારે આ નાનો બદલાવ બહુ મોટો વૈશ્વિક પ્રભાવ પાડી શકે છે. જો દરેક વાહનચાલક દર મહિને થોડું-થોડું પણ ફ્યુઅલ બચાવવાનું શરૂ કરે, તો વ્યક્તિગત રીતે હજારો રૂપિયા બચવાની સાથે સાથે દેશની ઓઈલ આયાતનું ભારણ ઘટશે. આ ઉપરાંત, ઓછું ઇંધણ બળવાને કારણે વાહનોમાંથી નીકળતો ધુમાડો અને કાર્બન ઉત્સર્જન ઘટશે, જે સીધો પર્યાવરણને પ્રદૂષણમુક્ત રાખવામાં બહુ મોટો વેગ આપશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ