શાનદાર મોકો / No એક્ઝામ, છતાંય દર મહિને મળશે ₹20000! જુઓ કોને થશે ફાયદો

NABARD એ દેશના હોંશિયાર વિદ્યાર્થીઓ માટે પ્રોજેક્ટ આધારિત શોર્ટ-ટર્મ ઇન્ટર્નશિપ પ્રોગ્રામ લોન્ચ કર્યો છે. આ ઇન્ટર્નશિપનો મુખ્ય ઉદ્દેશ્ય વિદ્યાર્થીઓને ગ્રામીણ વિસ્તારોની સામાજિક-આર્થિક સ્થિતિ અને બેંકિંગ પ્રોજેક્ટ્સનો પ્રાયોગિક અનુભવ આપવાનો છે. આ યોજના હેઠળ વિદ્યાર્થીઓ પાસેથી નવા પ્રોજેક્ટ્સ માટેના મહત્વના સૂચનો અને આઈડિયા પણ લેવામાં આવશે.

નાબાર્ડ ઇન્ટર્નશિપ 2026: મહત્વપૂર્ણ તારીખો અને વિગતો

આ ઇન્ટર્નશિપ માટે રસ ધરાવતા વિદ્યાર્થીઓ નીચે આપેલા સત્તાવાર ટાઈમ-ટેબલને આધારે પોતાની અરજી સમયસર સબમિટ કરી શકે છે:

વિગત મહત્વપૂર્ણ માહિતી અને તારીખો

ઇન્ટર્નશિપ યોજનાનું નામ - નાબાર્ડ સ્ટુડન્ટ ઇન્ટર્નશિપ સ્કીમ (SIS 2026-27)

કુલ ઉપલબ્ધ બેઠકો (Seats) - 39 (જેમાં 34 પ્રાદેશિક કચેરીઓ માટે અને 5 હેડ ઓફિસ માટે)

ઇન્ટર્નશિપનો સમયગાળો - ઓછામાં ઓછો 2 મહિના અને વધુમાં વધુ 3 મહિના

ઓનલાઈન રજીસ્ટ્રેશન શરૂઆત - 10 જૂન 2026

અરજી કરવાની છેલ્લી તારીખ - 16 જૂન 2026

શોર્ટલિસ્ટ ઉમેદવારોની જાહેરાત - 17 જૂન 2026

ઇન્ટરવ્યુ અને સંભવિત પરિણામ - 22 જૂન 2026

પસંદગી પ્રક્રિયા - 10મી, 12મી અને ગ્રેજ્યુએશનના માર્ક્સના આધારે શોર્ટલિસ્ટ કરીને પર્સનલ ઇન્ટરવ્યુ દ્વારા

કોણ કરી શકે છે અરજી? (પાત્રતા અને લાયકાત)

નાબાર્ડની આ વિશેષ સ્કીમમાં અરજી કરવા માટે શૈક્ષણિક લાયકાતના કડક માપદંડો નક્કી કરવામાં આવ્યા છે:

• એગ્રીકલ્ચર (કૃષિ) અથવા તેની સાથે સંકળાયેલા ક્ષેત્રો જેવા કે પશુપાલન, મત્સ્ય પાલન, એગ્રીબિઝનેસ, ઇકોનોમિક્સ (અર્થશાસ્ત્ર), સોશિયલ સાયન્સ અને મેનેજમેન્ટમાં પોસ્ટ ગ્રેજ્યુએશન (PG) કે PGDM કરી ચૂકેલા અથવા તેના પ્રથમ વર્ષનો અભ્યાસ પૂર્ણ કરનારા વિદ્યાર્થીઓ અરજી કરી શકે છે.
• 5 વર્ષના ઇન્ટિગ્રેટેડ કોર્સમાં અભ્યાસ કરતા વિદ્યાર્થીઓ પણ પાત્ર છે, બશર્તે કે તેઓએ તેમના અભ્યાસના 4 વર્ષ સફળતાપૂર્વક પૂર્ણ કર્યા હોવા જોઈએ.
• વિદેશની યુનિવર્સિટીઓમાં અભ્યાસ કરી રહેલા ભારતીય વિદ્યાર્થીઓ (NRI Students) પણ આ ઇન્ટર્નશિપમાં ભાગ લઈ શકે છે.

કેન્દ્ર પસંદગીનો નિયમ: જો કોઈ વિદ્યાર્થી રાજ્યની રીજનલ ઓફિસ (RO) કે ટ્રેનિંગ એસ્ટાબ્લિશમેન્ટ (TE) માટે અપ્લાય કરવા માંગતો હોય, તો તે કાં તો તે જ રાજ્યમાં અભ્યાસ કરતો હોવો જોઈએ અથવા ત્યાંનો મૂળ નિવાસી હોવો જોઈએ. જો કે, મુંબઈ સ્થિત હેડ ઓફિસ (HO) માટે દેશભરમાંથી કોઈપણ વિદ્યાર્થી રજીસ્ટ્રેશન કરાવી શકે છે.

સ્ટાઈપેન્ડ અને અન્ય આર્થિક ભથ્થાં

આ એક સંપૂર્ણ પેઇડ ઇન્ટર્નશિપ પ્રોગ્રામ છે, જેમાં વિદ્યાર્થીઓને નીચે મુજબ આર્થિક લાભ આપવામાં આવશે..

માસિક સ્ટાઈપેન્ડ (Stipend): ઇન્ટર્નશિપના ગાળા દરમિયાન દર મહિને ₹20,000/- ફિક્સ ભથ્થું આપવામાં આવશે.

ફિલ્ડ વિઝિટ એલાઉન્સ: મેન્ટરની મંજૂરીથી ફિલ્ડ વિઝિટ કરવા પર પૂર્વોત્તરના 7 રાજ્યો (NER States) માટે દૈનિક ₹2000/- અને અન્ય તમામ રાજ્યો માટે દૈનિક ₹1500/- ભથ્થું મળશે (આ લાભ વધુમાં વધુ 30 દિવસ માટે માન્ય રહેશે).

ટ્રાવેલ એલાઉન્સ: હેડક્વાર્ટરથી ફિલ્ડ એરિયામાં જવા અને પરત આવવા માટે પેટ્રોલ/ટેક્સી બિલ અથવા વેલિડ પ્રૂફ રજૂ કરવા પર મહત્તમ ₹6000/- સુધીનો પ્રવાસ ખર્ચ રીઇમ્બર્સ કરવામાં આવશે.

અન્ય પરચૂરણ ખર્ચ: પ્રતિ વિદ્યાર્થી ₹2000/- નો વધારાનો ખર્ચ પણ મળવાપાત્ર રહેશે.

આ પણ વાંચોઃ ક્રાઇમ / મણિપુરમાં ભારે બબાલ, 6 લોકોની ઘાતકી હત્યા, લાશો જોઈને ધ્રુજી ઉઠ્યા લોકો

નાબાર્ડ ઇન્ટર્નશિપ માટે કેવી રીતે કરશો ઓનલાઈન અરજી?

ઇચ્છુક ઉમેદવારોએ સત્તાવાર વેબસાઇટ પર જઈને નીચે મુજબના સ્ટેપ્સ ફોલો કરવાના રહેશે:

• સૌથી પહેલા નાબાર્ડની ઓફિશિયલ વેબસાઇટ www.nabard.org ઓપન કરો.
• હોમપેજ પર આપેલા 'Internship' કોલમ અથવા નોટિફિકેશન લિંક પર ક્લિક કરો, જ્યાં ઓનલાઈન એપ્લિકેશન માટેનું ગુગલ ફોર્મ (Google Form) ખુલશે.
• ફોર્મમાં તમારું નામ, માતા-પિતાનું નામ, જન્મતારીખ, સરનામું, શહેર, પિન કોડ, રાજ્ય અને ઈમેલ આઈડી જેવી પર્સનલ વિગતો ચોકસાઈપૂર્વક ભરો.
• ફોર્મની જરૂરિયાત મુજબ સરકારી ઓળખપત્ર [ઓમિટ કરેલ], કોલેજનું બોનાફાઈડ સર્ટિફિકેટ, સેન્ટર પ્રિફરન્સ અને પાસપોર્ટ સાઇઝનો સ્કેન કરેલો ફોટોગ્રાફ અપલોડ કરો.
• ત્યારબાદ તમારી કોલેજનું નામ, સરનામું તેમજ કોલેજના HOD, પ્લેસમેન્ટ સેલ હેડ અથવા ડીનનું નામ, હોદ્દો, કોન્ટેક્ટ ડિટેલ્સ અને સમર બ્રેકની વિગતો દાખલ કરો.
• શૈક્ષણિક લાયકાતના ખાનામાં 10મી, 12મી, ગ્રેજ્યુએશન અને પોસ્ટ ગ્રેજ્યુએશનના મેળવેલા ગુણ અને અનુભવની માહિતી ભરો.
• અંતમાં ડિક્લેરેશન વાંચી, સ્થળ અને તારીખ લખીને તમામ વિગતો ફરી એકવાર ચેક કરી લો અને 'Submit' બટન પર ક્લિક કરો. ફોર્મ સબમિટ થતાં જ તમારી વિગતો સેવ થઈ જશે.
• વધુ માહિતી અને સત્તાવાર નોટિફિકેશન ડાઉનલોડ કરવા માટે ઉમેદવારોને નાબાર્ડની સત્તાવાર વેબસાઇટની મુલાકાત લેવાની સલાહ આપવામાં આવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ