વિશ્વ / સાઉદી અરેબિયામાં અરામકોનું હેલિકોપ્ટર ક્રેશ, રાસ તનૂરામાં 14 લોકોનાં મોત

રવિવારે સાઉદી અરેબિયા સ્થિત ક્રૂડ ઓઈલ કંપની અરામકોનું એક હેલિકોપ્ટર દેશના પૂર્વી તટીય શહેર રાસ તનૂરામાં ક્રેશ થયું હોવાના અહેવાલ મળ્યા છે. આ ઘટનાને પગલે હેલિકોપ્ટરમાં સવાર તમામ 14 લોકોનાં મોત થયાં છે. આ ઘટના ઠીક એવા સમયે બની જ્યારે અરામકો કંપનીએ લગભગ 4 મહિના પછી રાસ તનૂરા ટર્મિનલથી ક્રૂડ ઓઈલનું લોડિંગ પુનઃ શરૂ કર્યું હતું.

કયા કરણસર ક્રેશ થયું તે હજી સ્પષ્ટ જાણી શકાયું નથી. સાઉદી સરકારે જણાવ્યું કે, સંબંધિત એજન્સીઓ ઘટનાની તપાસ કરી રહી છે. આ ઘટનાએ એવા સમયે ચિંતા વધારી દીધી છે, જ્યારે મધ્ય પૂર્વમાં ક્રૂડ નિકાસ તેજીથી વધારવામાં આવી રહી છે અને વૈશ્વિક ઉર્જા બજાર પર બધાની નજર બનેલી છે.

રાસ તનૂરામાં કેવી રીતે બની ઘટના?

સરકારી સમાચાર એજન્સી મુજબ અરામકોનું હેલિકોપ્ટર રવિવારે રાસ તનૂરા ક્ષેત્રમાં ઉડાણ દરમિયાન દુર્ઘટનાગ્રસ્ત થઈ ગયું. ઘટનામાં 14 લોકો મૃત્યુ પામ્યા છે. ટેક્નિકલ ખામીને કારણે અકસ્માત સર્જાયો, હવામાનના કારણે અકસ્માત સર્જાયો કે અન્ય કોઈ કારણ હતું તે અંગે હજી જાણી શકાયું નથી. તપાસ પૂર્ણ થયા પછી જ સાચું કારણ જાણવા મળશે.

આ પણ વાંચો- સેશેલ્સના રાષ્ટ્રપતિએ PM મોદીને સર્વોચ્ચ સન્માન 'ગાર્ડિયન્સ ઓફ બ્લૂ હોરાઈઝન'થી સન્માનિત કર્યા

4 મહિના પછી ફરી શરૂ થયું હતું લોડિંગ

અરામકોએ શુક્રવારે રાસ તનૂરા ટર્મિનલથી ક્રૂડ ઓઈલનું લોડિંગ શરૂ કર્યું હતું. આ ટર્મિનલની ગણતરી વિશ્વના સૌથી મહત્વપૂર્ણ ક્રૂડ નિકાસ કરતા કેન્દ્રોમાં થાય છે. એવામાં આ ક્ષેત્રમાં હેલિકોપ્ટર ક્રેશ થવાની ઘટનાએ સુરક્ષા અને સંચાલનને લઈ અનેક સવાલો ઊભા કરી દીધા છે. જો કે હજી સુધી ક્રૂડ લોડિંગ કે નિકાસ પર કોઈ અસર પડી હોવાના અહેવાલ મળ્યા નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ