આફત / સાપુતારમાં રાતે 10 વાગ્યે ભૂકંપ, દીવાલો-બારીઓ ધણધણી ઉઠતાં ગભરાટ, સ્કૂલના વિદ્યાર્થીઓ મેદાનમાં દોડ્યાં

સાપુતારા અને તેની આસપાસના વિસ્તારોમાં ભૂકંપના આંચકા નોંધાયા છે જેને કારણે પ્રવાસીઓ અને સ્થાનિક લોકોમાં દહેશત વ્યાપી હતી. ડાંગમાં રાત્રે 10:02 કલાકે ભૂકંપનો જોરદાર આંચકો હતો.

આહવા, સાકરપાતાળ અને ગલકુંડમાં ધરતી ધ્રૂજી

સાપુતારા સહિત આહવા, સાકરપાતાળ અને ગલકુંડમાં ધરતી ધ્રૂજી હતી. ઘરની દીવાલો અને બારીઓ ધણધણી ઉઠતાં લોકોમાં ગભરાટ ફેલાયો હતો અને ઘરની બહાર દોડી આવ્યાં હતા. રિક્ટર સ્કેલ પર ભૂકંપની તીવ્રતા 3.6ની હતી અને ભૂકંપનું કેન્દ્રબિંદુ સાપુતારાથી 14 કિમી દૂર મહારાષ્ટ્રમાં નોંધાયું હતું. સદનસીબે કોઈ જાનહાની કે નુકસાનના સમાચાર નથી પરંતુ લોકોમાં ડર ફેલાયો હતો.

આ પણ વાંચોઃ VIDEO : પિતાના અંતિમ સંસ્કારમાં ન આવી 3 દીકરીઓ, વીડિયો કોલ પર જોયા, 5100 મોકલીને કહ્યું- ગંગામાં પધરાવી દેજો અસ્થિ

સ્કૂલના વિદ્યાર્થીઓ મેદાનમાં દોડી આવ્યાં

ભૂકંપને કારણે અકલવ્ય રેસીડેન્સીયલ સ્કૂલમાં વિદ્યાર્થીઓ મેદાનમાં દોડી આવ્યા હતા. ભૂકંપનો આંચકો આવ્યો ત્યારે સાપુતારા સહેલાણીઓથી ધમધમી રહ્યું હતું. ચોમાસામાં અહીં આવતા પ્રવાસીઓની સંખ્યામાં વધારો થતો હોય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ