ચેતજો / ઘર ગીરવે મૂક્યું, લોન લીધી, લંડનની લાલચે ગાંધીનગરના યુવકે 24 લાખ ગુમાવ્યા, આપઘાતનો પ્રયાસ

ગાંધીનગરના સેક્ટર-24ના હરસિદ્ધનગરમાં રહેતા અને સલૂન ચલાવી પરિવારનું ગુજરાન ચલાવતા રાહુલ નાયીને લંડન જવાનો મોહ ખૂબ ભારે પડ્યો અને તેણે લાખો રુપિયા ગુમાવાનો વારો આવ્યો. વિઝા એજન્ટે વર્ક પરમિટ અપાવવાની લાલચ આપી લાખો રુપિયા પડાવ્યાં હતા.

ઘર ગિરવે મૂકી, લોન લીધી

લંડન જવાની વાતમાં યુવક આવી ગયો અને તેણે પૈસાની વ્યવસ્થા કરવા માટે ઘર ગીરવે મૂક્યું અને લોન લીધી હતી અને આ રીતે એજન્ટને પૈસા ચુકવ્યા હતા.

લાંબા સમય વીતી જવા છતાં વીઝા ન મળ્યાં

આ પછી યુવક રાહ જોઈને બેઠો હતો પરંતુ લાંબો સમય વીતી જવા છતાં તેને લંડનના વિઝા મળ્યાં નહોતા. આ બાજુ લોનના હપ્તા અને વ્યાજના ભારથી યુવક આર્થિક સંકટમાં મુકાયો હતો. તેને ભાન થયું કે તેની પાસે છેતરપિંડી થઈ ચૂકી છે.

ઝેરી દવા પી જીવન ટૂંકાવવાનો પ્રયાસ

આ પછી યુવકે આર્થિક સંકડામણમાં ઝેરી દવા પી જીવન ટૂંકાવવાનો પ્રયાસ કર્યો હતો અને તેને ગાંધીનગરની સિવિલ હોસ્પિટલમાં દાખલ કરાયો હતો.

આ પણ વાંચોઃ VIDEO : પિતાના અંતિમ સંસ્કારમાં ન આવી 3 દીકરીઓ, વીડિયો કોલ પર જોયા, 5100 મોકલીને કહ્યું- ગંગામાં પધરાવી દેજો અસ્થિ

ઘટનાસ્થળેથી હસ્તલિખિત નોટ મળી

યુવક પાસેથી એક હસ્તલિખિત નોટ મળી છે જેમાં તેણે 3 લોકો પર છેતરપિંડીના આક્ષેપ કર્યાં છે. પોલીસ દ્વારા નોટના આધારે સમગ્ર મામલે તપાસ શરૂ કરવામાં આવી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ