ગાંધીનગર / રાજ્યના પ્રાથમિક શાળાના શિક્ષકો માટે યોજાશે ફેરબદલી કેમ્પ, જાણી લો અરજી કરવાની છેલ્લી તારીખ

રાજ્ય સરકાર દ્વારા પ્રાથમિક શિક્ષકો માટે મહત્વનો નિર્ણય લેવામાં આવ્યો છે. જેમાં પ્રાથમિક શિક્ષણ નિયામક કચેરી દ્વારા પ્રાથમિક શિક્ષકોની ઓનલાઈન જિલ્લા ફેરબદલીની જાહેરાત કરવામાં આવી છે. શિક્ષકોએ 21 એપ્રિલથી 23 એપ્રિલ દરમ્યાન વેબસાઈટ પર જઈ ઓનલાઈન અરજી કરવાની રહેશે. રાજ્યની જિલ્લા અને નગર પ્રાથમિક શિક્ષણ સમિતિ હસ્તકની પ્રાથમિક અને ઉચ્ચ પ્રાથમિક શાળાઓના માધ્યમના શિક્ષકો માટે જિલ્લા ફેરબદલી કેમ્પનું આયોજન કરવાનું રહેશે. જિલ્લા ફેરબદલીની જાહેરાત થતા શિક્ષકોમાં આનંદ જોવા મળી રહ્યો છે.

ઓનલાઈન જિલ્લા ફેરબદલી માટેની જાહેરાત કરવામાં આવી

મળતી માહિતી મુજબ પ્રાથમિક શિક્ષણ નિયામક કચેરી દ્વારા ઓનલાઈન જિલ્લા ફેરબદલી માટેની જાહેરાત કરવામાં આવી છે. સરકારના આ પગલાથી રાજ્યભરના શિક્ષકોને તેમની પસંદગીના જિલ્લામાં જવાની તક મળશ. જિલ્લા તેમજ નગર શિક્ષણ સમિતિઓ હેઠળ કાર્યરત પ્રાથમિક શિક્ષકો માટે ઓનલાઈન જિલ્લા ફેરબદલીનું આયોજન કરવામાં આવ્યું છે. જે પ્રમાણે શિક્ષકોની જરૂરીયાત હશે. તે પ્રમાણે જિલ્લા પસંદગી કરવાની તક મળશે.

સત્તાવાર વેબસાઈટ પર જઈ ઓનલાઈન નોંધણી કરવી પડશે

શિક્ષણ વિભાગ દ્વારા આ બાબતે જણાવ્યું હતું કે, જિલ્લા ફેરબદલી માટે જે શિક્ષકો ઈચ્છતા હોય તેઓએ સત્તાવાર વેબસાઈટ પર જઈ ઓનલાઈન નોંધણી કરવી પડશે. તેમજ વેબસાઈટ પર જિલ્લાવાર ખાલી જગ્યાઓની માહિતી પણ મુકવામાં આવી છે. જેથી શિક્ષકો જિલ્લો પસંદ કરી શકશે. હવે શિક્ષકો અન્ય જિલ્લામાંથી બદલી કરવાની તક મળશે. ફેરબદલીની પ્રક્રિયા સરકાર દ્વારા નક્કી કરાયેલ નિયમો અને માર્ગદર્શિકા મુજબ હાથ ધરવામાં આવશે.

આ પણ વાંચોઃ 26મી એપ્રિલે મતદાન, 28મીએ મત ગણતરી, ગુજરાતમાં આજથી આચારસંહિતા લાગુ

કઈ તારીખથી ઓનલાઈન અરજી કરી શકશે

તા. 21 એપ્રિલથી તા. 23 એપ્રિલ દરમ્યાન ઓનલાઈન અરજી કરવાની રહેશે. પ્રથમ તબક્કાની કાર્યવાહી પુરી થયા બાદ ખાલી જગ્યાઓ માટે સામાન્ય તબક્કાની તારીખ વેબસાઈટ પર જાહેર કરવામાં આવશે. ઉમેદવારે જિલ્લા નગર શિક્ષણ સમિતિમાં તમામ માધ્યમવાર વિભાગ કે વિષય મુજબ ખાલી જગ્યા હશે ત્યાં જિલ્લા ફેરબદલી માટે અરજી કરી શકશે. તેમજ જિલ્લા ફેરબદલી અંગેના હુકમો કોઈ પણ સંજોગોમાં રદ્દ કરવામાં નહી આવે તેમ પણ જણાવવામાં આવ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ