પ્રયાસ / પર્યાવરણને બચાવવા માટે રિલાયન્સ ભરશે આ મોટું પગલું, 500 કરોડ પ્લાસ્ટિક બોટલને રિસાયકલ કરીને બનાવશે ખાસ પ્રોડક્ટ

• પર્યાવરણને બચાવવા માટે રિલાયન્સ ભરશે આ મોટું પગલું
• 500 કરોડ પ્લાસ્ટિક બોટલને રિસાયકલ કરશે કંપની
• કર્ણાટકમાં લગાવવામાં આવશે ખાસ પ્લાન્ટ

રિલાયન્સ ઈન્ડસ્ટ્રીએ બુધવારે જાણકારી આપી કે આ યોજના માટે તે પ્લાસ્ટિક રિસાયકલિંગ અને કચરા પ્રબંધન કંપની Srichakra Ecotex India Pvt Ltd આંધ્રપ્રદેશમાં એક નવો પ્લાન્ટ લાવશે. આ પ્લાન્ટ ખાસ કરીને રિલાયન્સ ઈન્ડસ્ટ્રી માટે કામ કરશે. 

શું હશે પ્લાન્ટમાં ખાસ
રિલાયન્સ ઈન્ડસ્ટ્રી માટે આંધ્રપ્રદેશમાં તૈયાર થનારા પ્લાન્ટમાં પીઈટી બોટલને રિસાયકલ કરીને પોલિએસ્ટર સ્ટેપલ ફાઈબર એટલે કે પીએસએફ બનાવવામાં આવશે. આ પ્લાન્ટમાં PSF- Recron GreenGold અને  PET Flakesની વોશ લાઈન હશે. રીક્રોન બ્રાન્ડ નામથી કંપની રૂ જેવું ફાઈબર તૈયાર કરે છે જે તકિયા વગેરેમાં કામમાં આવે છે. 

શું છે યોજનાનો ટારગેટ
આ યોજનાનો ટારગેટ પીઈટી બોટલને રિસાઈકલ કરવાની ક્ષમતાને વધારીને બમણાથી પણ વધારે કરવાનો છે. તેના માટે આ પગલાથી ઉપયોગમાં લેવાયેલી લગભગ 500 કરોડ પીઇટી બોટલ્સને રિસાયકલ કરાશે. રિલાયન્સ કંપનીના આ પગલાથી ગ્રાહકોના ઉપયોગ બાદ 90 ટકાથી વધારે પીઈટી બોટલ્સને રિસાયકલ કરવાનું નક્કી થશે. હાલમાં પ્લાસ્ટિક બોટલ વગેરેને રિસાયકલ કરવામાં ભારત સૌથી આગળ છે. 

કોને થશે ફાયદો
રિલાયન્સના આ પ્લાનથી દેશમાં નવા ઉદ્યોગપતિઓને વેગ મળશે. તે કચરામાં આવતા પ્લાસ્ટિક પેકિંગને રિસાયકલ કરવા એકત્રિત કરશે. નવા રિસાઈકલ ફેસિલિટી લગાવવા માટે પણ પ્રોત્સાહિત કરશે. કંપનીની આ પહેલનો ફાયદો દેશના પર્યાવરણને થશે. આટલી મોટી સંખ્યામાં પીઈટી બોટલ્સની જરૂર પડશે તો અનેક વેસ્ટ મેનેજમેન્ટ કંપનીઓ આ દિશામાં કામ કરશે. નવી કંપનીઓ આવશે અને દેશમાં કચરાથી નવા વેલ્થ ક્રિએશનનું કામ આગળ વધશે.