કરિયર / સાઉથ ઈસ્ટર્ન કોલફિલ્ડ્સ લિમિટેડમાં વિવિધ પોસ્ટ પર ભરતી, આ તારીખથી ફોર્મ ભરવાની થશે શરૂઆત

સરકારી નોકરીની તૈયારી કરતા લોકો માટે સારા સમાચાર છે. કેમ કે, ભારત સરકારની મીની રત્ન કંપની સાઉથ ઈસ્ટર્ન કોલફિલ્ડ્સ લિમિટેડ દ્વારા 1055 ખાલી જગ્યાઓ માટે ભરતી પાડવામાં આવી છે. આ ભરતી માટે અરજીઓ 15 એપ્રિલથી શરૂ થશે અને 14 મે 2026 છેલ્લી તારીખ નક્કી કરવામાં આવી છે. જેમાં લાયક અને રસ ધરાવતા ઉમેદવારો સત્તાવાર વેબસાઇટ secl-cil.in ની મુલાકાત લઈને ઓનલાઈન ફોર્મ ભરી શકે છે.

• પદનું નામ પદોની સંખ્યા

1. Mining Sirdar T&S Grade-C 577
2. Dy. Surveyor T&S Grade-C (Mining) 43
3. Assistant Foreman (Electrical) Grade С 435

• પાત્રતા માપદંડ

આ ભરતીમાં તમારે મેટ્રિક પાસ કરેલ હોવું જોઈએ અને સંબંધિત ક્ષેત્રમાં ડિપ્લોમા હોવું જોઈએ. જેમાં ઉમેદવારોની ઉંમર ઓછામાં ઓછી 18 વર્ષ અને 8 એપ્રિલ 2026 સુધીમાં ઓછામાં ઓછી 30 વર્ષની હોવી જોઈએ. જેમાં અનામત કેટેગરીના ઉમેદવારોને નિયમો મુજબ ઉંમરમાં છૂટછાટ આપવામાં આવશે.

• અરજી ફી

આ ભરતી માટે અરજીઓ ઓનલાઈન જ કરી શકાશે. જેમાં જનરલ, ઓબીસી અને ઇડબ્લ્યુએસ કેટેગરીના ઉમેદવારોએ 1180 રૂપિયાની અરજી ફી સબમિટ કરવાની રહેશે. SC, ST અને PH ઉમેદવારો ફ્રી અરજી કરી શકે છે.

વધુ વાંચો : IFFCO માં આ પોસ્ટ પર પડી ભરતી, ફોર્મ ભરવા માટે 15 એપ્રિલ છેલ્લો મોકો

• પસંદગી પ્રક્રિયા અને પગાર

આ ભરતી માટે પસંદગી માટે અરજદારોએ માત્ર કમ્પ્યુટર બેસ્ડ ટેસ્ટ (CBT) માં ભાગ લેવો પડશે. જેમાં જરૂરી કટઓફ માર્ક્સ પૂરૂ કરનારા ઉમેદવારોએ પરીક્ષા બાદ ડોક્યુમેન્ટ વેરીફીકેશન પ્રક્રિયા થશે. જેમાં પસંદ કરાયેલા ઉમેદવારોને 47330.25 રૂપિયા માસિક પગાર મળશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ