રિ-ટેલિકાસ્ટ / દૂરદર્શન પર ફરી રામાયણનું પ્રસારણ જોઈને રડી પડ્યા 'રાવણ'નું પાત્ર ભજવનાર અરવિંદ ત્રિવેદી

• રામાયણનું ફરી પ્રસારણ શરૂ
• અરવિંદ ત્રિવેદીએ નિહાળી રામાયણ
• રામાયણ જોઇને થયા ભાવૂક

1980ના દાયકામાં આવેલી રામાયણમાં રાવણનું પાત્ર ભજવનારા અરવિંદ ત્રિવેદીએ આજે ટીવી પર ફરી એક વખત રામાયણ સીરિયલ જોઈ. આ જોયા બાદ અરવિંદ ત્રિવેદી ઘણા ભાવૂક થઇ ગયા હતા. અરવિંદ ત્રિવેદીની ઉંમર હવે 82 વર્ષ થઇ ચૂકી છે. તેના કારણે તેઓ વધુ ચાલી-ફરી નથી શકતા, પરંતુ તેમણે ટીવીની પાસે બેસીને પોતાની વર્ષો જૂની સીરિયલ રામાયણને જોઇ. આ સીરિયલને જોતા અરવિંદ ત્રિવેદીએ જૂના દિવસોને પણ તાજા કર્યા.

દૂરદર્શન પર આજથી રામાયણનું ફરી પ્રસારણ શરૂ થયું છે. ત્યારે મુંબઇ સ્થિત અરવિંદ ત્રિવેદીએ પરિવાર સાથે રામાયણ નિહાળી હતી. રામાયણ સીરિયલમાં અરવિંદ ત્રિવેદીએ રાવણનું પાત્ર ભજવેલું છે. ત્યારે અરવિંદ ત્રિવેદી રામાયણ જોઇને ભાવૂક થઇ ગયા હતા.#RamayanOnDDNational #Ramayan#ArvindTrivedi pic.twitter.com/qrhRimPufX

— VTV Gujarati News and Beyond (@VtvGujarati) March 28, 2020

આજથી કેટલાક વર્ષો પહેલા 80ના દાયકામાં આવેલા ડાયરેક્ટર રામાનંદ સાગરની આ સીરિયલ ખુબ જ ફેમસ થઇ હતી. આ ફેમસ સીરિયલ જનતાની માંગ પર ફરીથી શરૂ થઇ ગઇ છે. આનું પ્રસારણ ડીડી નેશનલ ચેનલ પર સવારે 9 અને સાંજે 9 વાગ્યે થઇ રહ્યું છે.

કોરોનાના કારણે રામાયણ સિવાય મહાભારત પણ ટીવી પર ફરી પ્રસારિત કરવામાં આવી રહ્યું છે. કોરોનાના કારણે ભારતમાં 900થી વધુ લોકો સંક્રમિત થઇ ચૂક્યા છે અને 20થી વધુના મોત થઇ ગયા છે.