ન્યૂઝ અપડેટ્સ
ન્યૂઝ અપડેટ્સ
VTV / ગુજરાત / અન્ય જિલ્લા / દરિયાકાંઠે ઊંચા મોજા ઉછળવાની શક્યતા, હવામાને આપ્યું યલો એલર્ટ, ઠંડી-ગરમીનું મિશ્ર વાતાવરણ યથાવત્
7 ફોટો ગેલેરી
Last Updated: 08:04 AM, 5 November 2026
FOLLOW ON
શેર કરો
1/7
ગુજરાતમાં નવેમ્બર મહિનાની શરૂઆત સાથે જ હવામાનમાં બેવડી ઋતુનો અનુભવ થઈ રહ્યો છે. રાત્રે અને વહેલી સવારે ઠંડક અનુભવાય છે, જ્યારે બપોરના સમયે ગરમીનો અહેસાસ યથાવત્ છે. આ દરમિયાન આજે, 5 નવેમ્બર 2026ના રોજ રાજ્યના દરિયાકાંઠાના વિસ્તારો માટે હવામાન વિભાગે મહત્વની ચેતવણી આપી છે. દરિયાકાંઠે સામાન્ય હલચલની સાથે ઊંચા મોજા ઉછળવાની શક્યતા છે. જોકે, મોજાની તીવ્રતા વધારે રહેવાની શક્યતા નથી, તેમ છતાં સાવચેતીના ભાગરૂપે સ્વેલ સર્જ વોચની ચેતવણી આપવામાં આવી છે.
આ તસવીર શેર કરો
2/7
હવામાન વિભાગના જણાવ્યા અનુસાર, આજે ગુજરાતના દરિયાકાંઠાના વિસ્તારોમાં ઊંચા મોજા ઉછળી શકે છે. આ સંભાવનાને ધ્યાનમાં રાખીને યલો એલર્ટ જાહેર કરવામાં આવ્યું છે. અમરેલી, ભરૂચ, ભાવનગર, દેવભૂમિ દ્વારકા, ગીર સોમનાથ, જૂનાગઢ, કચ્છ, નવસારી, પોરબંદર, સુરત અને વલસાડ જિલ્લાના દરિયાકાંઠાના વિસ્તારોમાં આ સ્થિતિ જોવા મળી શકે છે. જોકે, મોજાની તીવ્રતા બહુ વધારે નહીં હોય, પરંતુ દરિયાકાંઠાના વિસ્તારોમાં સાવચેતી રાખવી જરૂરી છે.
આ તસવીર શેર કરો
ADVERTISEMENT
3/7
રાજ્યના તાપમાનની વાત કરીએ તો છેલ્લા 24 કલાક દરમિયાન કેટલાક શહેરોમાં લઘુત્તમ તાપમાનમાં ઘટાડો નોંધાયો છે. જેના કારણે રાત્રે અને વહેલી સવારે ઠંડીનો ચમકારો અનુભવાયો હતો. ખાસ કરીને અમદાવાદમાં ગઈકાલની સરખામણીએ લઘુત્તમ તાપમાનમાં 2 ડિગ્રી સુધીનો ઘટાડો નોંધાયો હતો. આ ઉપરાંત વડોદરા, અમરેલી, ડીસા, ગાંધીનગર, રાજકોટ અને ભાવનગર સહિતનાં શહેરોમાં પણ રાત્રિના તાપમાનનો પારો નીચે આવ્યો હતો.
આ તસવીર શેર કરો
4/7
જોકે, રાજ્યના અન્ય વિસ્તારોમાં લઘુત્તમ તાપમાન સામાન્ય અથવા સામાન્ય કરતાં થોડું વધારે રહ્યું હતું. હવામાન વિભાગના અનુમાન મુજબ આજે અને આગામી સાત દિવસ દરમિયાન રાજ્યના તાપમાનમાં કોઈ મોટો ફેરફાર થવાની શક્યતા નથી. એટલે કે રાત્રે અને વહેલી સવારે ઠંડકનો અનુભવ થશે, જ્યારે દિવસ દરમિયાન ગરમીનું જોર યથાવત્ રહેશે. નવેમ્બરમાં પણ બપોરના સમયે ગરમી લોકોને અકળાવતી રહેશે.
આ તસવીર શેર કરો
ADVERTISEMENT
5/7
ગઈકાલે, 4 નવેમ્બરના મહત્તમ તાપમાનના આંકડા પર નજર કરીએ તો 37.7 ડિગ્રી સેલ્સિયસ સાથે પોરબંદર રાજ્યનું સૌથી ગરમ શહેર રહ્યું હતું. ત્યારબાદ રાજકોટમાં 37.5 ડિગ્રી, ભુજમાં 37.4 ડિગ્રી અને નલિયામાં 37.2 ડિગ્રી મહત્તમ તાપમાન નોંધાયું હતું. આ ઉપરાંત સુરતમાં 36.7 ડિગ્રી, વેરાવળમાં 36.6 ડિગ્રી, કંડલા પોર્ટમાં 36.5 ડિગ્રી, ડીસામાં 36.3 ડિગ્રી, વલ્લભ વિદ્યાનગરમાં 35.7 ડિગ્રી અને મહુવામાં 35.4 ડિગ્રી તાપમાન નોંધાયું હતું. વડોદરા, દ્વારકા અને સુરેન્દ્રનગરમાં 35 ડિગ્રી, ગાંધીનગરમાં 34.8 ડિગ્રી, ભાવનગરમાં 34.7 ડિગ્રી, અમરેલીમાં 33.9 ડિગ્રી અને ઓખામાં 32.8 ડિગ્રી મહત્તમ તાપમાન નોંધાયું હતું.
આ તસવીર શેર કરો
6/7
બીજી તરફ લઘુત્તમ તાપમાનના આંકડા પ્રમાણે નલિયામાં સૌથી ઓછું 17.5 ડિગ્રી તાપમાન નોંધાયું હતું. જેના કારણે નલિયામાં રાત્રે અને વહેલી સવારે અન્ય શહેરોની સરખામણીએ વધુ ઠંડક અનુભવાઈ હતી. વડોદરા અને ગાંધીનગરમાં 19.5 ડિગ્રી, અમરેલીમાં 19.6 ડિગ્રી, ડીસા અને મહુવામાં 19.9 ડિગ્રી લઘુત્તમ તાપમાન નોંધાયું હતું. આ ઉપરાંત રાજકોટ અને અમદાવાદમાં 20.2 ડિગ્રી, ભુજમાં 21.6 ડિગ્રી, કેશોદમાં 21.7 ડિગ્રી, કંડલા પોર્ટમાં 21.8 ડિગ્રી, સુરેન્દ્રનગરમાં 22.5 ડિગ્રી અને ભાવનગરમાં 22.6 ડિગ્રી તાપમાન નોંધાયું હતું. જ્યારે દ્વારકામાં 24 ડિગ્રી, વેરાવળમાં 24.2 ડિગ્રી, સુરતમાં 24.5 ડિગ્રી અને ઓખામાં 26.4 ડિગ્રી લઘુત્તમ તાપમાન નોંધાયું હતું.
આ તસવીર શેર કરો
ADVERTISEMENT
7/7
અમદાવાદના હવામાનની વાત કરીએ તો આજે શહેરમાં સામાન્ય રીતે આકાશ સ્વચ્છ રહેવાની શક્યતા છે. મહત્તમ તાપમાન 36 ડિગ્રીની આસપાસ અને લઘુત્તમ તાપમાન 20 ડિગ્રી રહેવાની સંભાવના છે. એટલે કે વહેલી સવારે ઠંડક અને બપોરે ગરમીનો અનુભવ થઈ શકે છે. રાજકોટમાં આજે મહત્તમ તાપમાન 37 ડિગ્રીની આસપાસ અને લઘુત્તમ તાપમાન 23 ડિગ્રી સુધી રહેવાની શક્યતા છે. શહેરમાં આકાશ મુખ્યત્વે ચોખ્ખું રહેશે. સુરતમાં પણ સામાન્ય રીતે આકાશ સ્વચ્છ રહેવાની શક્યતા છે. અહીં મહત્તમ તાપમાન 36 ડિગ્રી અને લઘુત્તમ તાપમાન 23 ડિગ્રી સુધી રહી શકે છે. વડોદરામાં આજે મહત્તમ તાપમાન 36 ડિગ્રીની આસપાસ અને લઘુત્તમ તાપમાન 22 ડિગ્રી સુધી રહેવાની સંભાવના છે. અહીં પણ આકાશ મુખ્યત્વે ચોખ્ખું રહેશે. આમ, રાજ્યના મોટા શહેરોમાં આજે વરસાદની કોઈ ખાસ સંભાવના વગર ગરમી અને ઠંડકનો મિશ્ર અનુભવ યથાવત્ રહેવાની શક્યતા છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
જોવા જેવું
ટોપ સ્ટોરીઝ
